Анқәаб ичымазара ашьҭахь раԥхьаӡа акәны ауааԥсыра рахь ааԥхьара ҟаиҵеит

12
Аԥсны аԥыза-министр Александр Анқәаб хәажәкыра 18 рзы москватәи ахәышәтәырҭаҟынтә дылырҩааит. Александр Анқәаб Аԥсныҟа дхынҳәит акоронавирус аҟынтәи аҽыхәышәтәреи ареабилитациа данахыс ашьҭахь хәажәкыра 31 рзы.

АҞӘА, мшаԥы 6 - Sputnik. Аԥсны аиҳабыра рхада Александр Анқәаб ауааԥсыра рахь ааԥхьара ҟаиҵеит ахыхьчаратә ԥҟарақәа ирықәныҟәаларц, аҳақьыымцәа ирҳәо иацныҟәаларц. Анқәаб иааԥхьамҭа Аминистрцәа реилазаара асаит аҿы икьыԥхьуп.

Иара иазгәеиҭеит аханатәгьы акоронавирустә инфекциа ашәарҭара шаҵаз агәра шигоз.

"Акоронавирустә инфекциа акыр ишәарҭоуп, иацу ауадаҩрақәагьы ҳаракуп. Убри азы зегьы иаҳуалԥшьаны иҟоуп ҳааигәа-сигәа иҟоу ргәабзиареи рыԥсҭазаареи рыхьчаразы макьаназы изиааим аепидемиа ҳҽацәахьаҳчаларц. Ҳазагь жәҩеибаркыла ҳҽазышәароуп апроблема аиааира алзыршо", - иҳәеит аԥыза-министр.

Александр Анқәаб игәабзиара аҭагылазаашьа хьаас измаз зегьы ҭабуп ҳәа реиҳәеит.

Аԥсны аԥыза-министр Александр Анқәаб акоронавирус ицәа ишалаз аарԥшын ԥхынҷкәын 30 рзы, ажьырныҳәа 5 рзы иара Гәдоуҭатәи ахәышәтәырҭа дҭашәеит. Хымш рышьҭахь иӡбан иара ихәышәтәра Москва иациҵарц азы.

2020 шықәса ажьырныҳәа 8 рзы Аԥсны аԥыза-министр Александр Анқәаб Урыстәыла ФМБА Афедералтә ҭҵаарадырра-клиникатә центр ахь диаган акоронавирустә инфекциеи ҩ-ганктәи аполисегментартә гәаҵәкреи иманы. Иԥсыԥлагаҩагара уадаҩын, уи адагьы ахәышәтә гепатит аҟазшьақәа идбалан. Аселективтә плазмофильтрациа изун.

Ажьырныҳәа 17 рзы Александр Анқәаб иԥсабаратәымкәа арԥҳақәа аҳауарҭарсга (ИВЛ) изышьақәыргылан. Ажьырныҳәа 25 рзы иара иҭагылазаашьа еиӷьхеит. Жәабран 15 рзы адырра ҟаҵан иара аинтенсивтә терапиа апалатаҟынтә астационар ахь диаргеит ареабилитациатә курс амҩаԥгаразы ҳәа.

Аамҭала аԥыза-министр инапынҵақәа наигӡоит Владимир Делба.

12

Георги Воуба аҩнытә баандаҩраҟынтә ихы дақәиҭтәуп

4
(ирҿыцуп 12:38 14.04.2021)
Ареспубликатә хәышәтәырҭа аҳақьым хада Апполон Гәыргәлиеи ихаҭыԥуаҩ Георги Воубеи рганахьала аусҭҵаара хацыркын 2021 шықәса жәабран 9 рзы рнапынҵамчрақәа ирхыҳәҳәаны рхы иадырхәеит ҳәа.

АҞӘА, мшаԥы 14- Sputnik. Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит. Абри аӡбра аԥнахит Иреиҳаӡоу аӡбарҭа ахашшааратә коллегиа. Абри атәы аанацҳауеит Иреиҳаӡоу аӡбарҭа асаит.

Мшаԥы 2 рзы Аҟәатәи ақалақьтә ӡбарҭа Ареспубликатә хәышәтәырҭа аҳақьым хада ихаҭыԥуаҩ Георги Воуба иҩнытә рбаандаҩра аҿҳәара иацнаҵеит лаҵара 9 рҟынӡа.

Аусҭҵаара адыррақәа рыла, Георги Воуба харас идырҵоит атәым мазара рацәаны иӷьычит, имаҵуратә уалԥшьақәа инархыҳәҳәаны ихы иаирхәеит, аԥхасҭа бааԥс ҟаиҵеит ҳәа.

Аусҭҵаара адыррақәа рыла, ахәышәтәырҭа аҳақьым хада Апполон Гәыргәлиа имаҵзуратә зинмчра ихы иархәаны 1 522 531 мааҭ ахәышәтәырҭа амазара аӷьычра далахәуп.

Аус далахәны дшьоуп Ареспубликатә хәышәтәырҭа уаанӡатәи аусзуҩ Аслан Цкәуа. Иаргьы аҩнытә баандаҩраҟынтә ихы дақәиҭтәуп.

Иара убас шәаԥхьар ҟалоит:

4

Аԥсны иҟоу урыстәылатәи аицџьынџьуаа реиҿкаарақәа Смецкои дыргәаладыршәеит

1
(ирҿыцуп 11:47 14.04.2021)
Ауснагӡатә мҩаԥган "Амеценати агәыҳаларамҩаԥгаҩи Рымш" инақәыршәаны Аҟәатәи адендропарк аҵакыраҿы. Ароуп дахьынхоз Смецкоигьы.

АҞӘА, мшаԥы 14 - Sputnik. 19 еиҿкаара еидызкыло Аԥсны иҟоу урыстәылатәи аицџьынџьуаа реиҿкаарақәа ркоординациатә Еидгыла алахәылацәеи анапхгаҩцәеи аурыс меценат, адендролога, Аҟәатәи адендропарк аԥҵаҩы, арыԥҳачымазара змоу рзы аԥснытәи асанаториақәа реиҿкааҩ Николаи Смецкои дыргәаладыршәеит ҳәа аанацҳауеит Аԥсны иҟоу урыстәылатәи аицџьынџьуаа реиҿкаарақәа ркоординациатә Еидгыла апресс-маҵзура.

Аԥсны иҟоу урыстәылатәи аицџьынџьуаа реиҿкаарақәа Еидгыла Смецкои дыргәаладыршәеит

Аидгыла алахәылацәа Смецкои ибаҟа аҿаԥхьа ашәҭшьыҵәрақәа шьҭарҵеит,аекскурсиа маҷ мҩаԥыргеит.

Аҿартә еиҿкаара "Ауаажәларратә еиҿкаарақәа рассоциациа "Аԥсны аурыс уаԥшь " анапхгара аиҳабы Станислав Осыкин иажәақәа рыла  Смецкои раԥхьатәи амеценатцәа дреиуоуп.

Ауаажәларратә еиҿкаара "Аурыс ҩны" ахантәаҩы Наталиа Семенова иазгәалҭеит Смецкои ҿырԥшыганы дыҟоуп  амеценат ҳәа изышьҭо рзы ҳәа.

Иара убас шәаԥхьар ҟалоит:

1