Чебоксарыи Аҟәеи аиашьаратә еизыҟазаашьақәа рыбжьарҵеит

9
(ирҿыцуп 09:25 07.04.2021)
Анапы зҵаҩу адокумент инақәыршәаны ақалақьқәа рнапхгарақәа ацхыраалоит еицырзыфеидоу аимадарақәа рырҿиара еиуеиԥшым аусуратә усхкқәа рҟны.

АҞӘА, мшаԥы 6 - Sputnik. Чебоксарыи Аҟәеи аиашьаратә еизыҟазаашьақәа рыбжьаҵаразы аиқәшаҳаҭра рнапы аҵарҩит. 

Аиқәшаҳаҭра рнапы аҵарҩит Аҟәа ахада Беслан Ешбеи Чебоксары ахада Олег Кортунови.

"Аиқәшаҳаҭра иаҳнаҭоит алшара рацәа абизнес аусхк аҟны аусеицураз, аимадара ҿыцқәа раԥҵаразы. Ҳара ҳалацәажәеит иарбан усхкқәоу еиҳа ҳусеицура алҵшәа ахьаанарԥшуа ҳәа иаабо - аҵара, акультура уҳәа реиԥш. Иара убасгьы ҳақалақьуаа уажәшьҭарнахыс ԥсшьара ҳәа ицалоит акыр ирцәыхароу рашьцәа рахь", - иҳәеит Олег Кортунов.

Иара иҳәеит хара имгакәа Чебоксартәи аделегациа Аҟәаҟа ишнеиуа.

Аҟәа ахада Беслан Ешба Аԥсны ахада иҟынтәи асалам рыҭо иазгәеиҭеит, иазыԥхьагәарҭо апланқәа хра змоу аусеицура шалдыршо.

Чебоксарыи Аҟәеи аиашьаратә еизыҟазаашьақәа рыбжьарҵеит

"Агәра згоит ҳгәы иҭаку апланқәа аусеицура еиуеиԥшым аусхкқәа рҟны хра аманы ишыҟарҵо. Иазгәасымҭар ауам шәнаплакқәа акыр сышдыршанхаз", - иҳәеит Беслан Ешба.

Адокумент инақәыршәаны:

  • Аганқәа, ақалақьқәа Чебоксари Аҟәеи рҟны Урыстәылатәи Афедерациеи Аԥсны Аҳәынҭқарреи рзакәанԥҵарақәа инарықәыршәаны аиқәшаҳаҭрақәа рышьаҭала иҭаҩу анхамҩатә субиектқәа рыбжьара иԥиоу аимадарақәа рышьақәыргылара иацхраалоит.
  • Урыстәылатәи Афедерациеи Аԥсны Аҳәынҭқарреи рзакәанԥҵарақәа инарықәыршәаны Аганқәа ацхыраара ҟарҵалоит аинвистициақәа радыԥхьаларазы, амуниципалтә еиҿкаарақәа рыҩбагьы рекономикахь аԥаралагаларазы, аинвистициатә проектқәа реицымҩаԥгаразы (иҟалоит аԥыжәаратәқәа хазы ралкра ҩ-ганктәи аусеицуразы).
  • Аганқәа адгылара арҭоит ақалақьқәа Чебоксари Аҟәеи рҟны арҵаратә усура мҩаԥызго аиҿкаарақәа рыбжьара аинырра ашьақәыргылареи арҿиареи еснагьтәи аимадарақәа рымҩала.
  • Аганқәа ацхыраалоит акультуратә еимадарақәа рырҿиареи рырӷәӷәареи.
  • Аганқәа ацхыраалоит ақалақьқәа Чебоксари Аҟәеи рҟны ахәыҷы-қәыԥштә, аҿартә массатә уснагӡатәқәа реиҿкаара.
  • Аганқәа адгылоит атуризм аусхк аҟны аимадарақәа рыҿиара.
  • Аганқәа аусеицура мҩаԥыргалоит агәабзиарахьчара, аԥсшьара аиҿкаара русхк аҟны.

Беслан Ешба зхадараҿы дыҟоу Аҟәа ақалақь ахадара аделегациа Чувашиатәи ареспубликахь инеиит мшаԥы 4 рзы.

9

Ахра Аҩӡба лаҵара 5 рҟынӡа дшыбаандаҩыц даанхоит

3
(ирҿыцуп 13:20 14.04.2021)
Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

АҞӘА, мшаԥы 14– Sputnik, Асмаҭ Ҵәыџьԥҳа. Аԥсны Иреиҳаӡоу аӡбарҭа ахашшааратә коллегиа Аҟәатәи ақалақьтә еизара Ахра Аҩӡба лаҵара 5 рҟынӡа ибаандаҩра аҿҳәара иахьацнаҵаз азы ахьчаратә ган Иреиҳаӡоу аӡбарҭахь инанашьҭыз ашшыԥхьыӡ иақәшаҳаҭымхеит.

Ахра Аҩӡба даанкылан хәажәкыра 4 рзы. Азинхьчаратә усбарҭақәа русзуҩцәа хәажәкыра 4 рзы Ахра Аҩӡба дахьынхоз аҩнаҟны иаадырԥшит иҵәахыз абџьар, аџьаԥҳаны, ахархәага ҷыдақәа, арадиодырраҭара мҩаԥызго ашьақәгылақәа. Ашьаус хацыркын уаанӡа еиқәшаҳаҭханы абџьари аџьаԥҳани азакәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥыргоз азы.

Хәажәкыра 7 рзы Аҟәатәи ақалақьтә ӡбарҭа Ахра Аҩӡбеи ихьчаҩцәа: Талех Гасанов, Аслана Гуатижев, Андреи Локтионов, Станислав Культа мызкы – мшаԥы 5 рҟынӡа ҭакрала ирхыргарц аӡбамҭа аднакылеит.

Мшаԥы 1 азы Аҟәатәи ақалақьтә ӡбарҭа Станислав Культа, Андреи Локтионов, Аслан Гуатижев рырбаандаҩратә ҿҳәара аҽа мызкы ацнаҵеит, 2021 шықәса лаҵара 4 аҟынӡа. Убри аан аус аҽа лахәылак – Талех Гасанов иганахь ала Апрокуратура хада азыҳәа иақәшаҳаҭымхеит.

Мшаԥы 2 рзы Аҟәатәи ақалақьтә ӡбарҭа Ахра Аҩӡба лаҵара 5 рҟынӡа ибаандаҩра аҿҳәара иацнаҵеит.

3
Атемақәа:
Ахра Аҩӡба иаанкылара

Аԥсны афымцарцәара аграфик ԥсахуп

3
(ирҿыцуп 12:43 14.04.2021)
Аԥсны Урыстәылантәи алашара аиуеи 2020 шықәса ԥхынҷкәынаахыс, ЕгрыГЕС аремонт азы иааныркылаанӡа.

АҞӘА, мшаԥы 14 - Sputnik. Иахьазы Аԥсны аҵакыраҿы иалагалоу алашара арцәара аграфик ԥсахуп абзазаратә обиектқәа еиҳа иҭышәынтәаланы русуразы ҳәа аанацҳауеит "Амшынеиқәафымцамч".

Аԥкыратә схема шыҟаз иаанхоит: сааҭк ҽынла, ҩ-сааҭк – уахынла идырцәалоит.

  • Астанциа маҷқәа: Аҟәа-2, Афон, Мҵара, Дәрыԥшь, Гәдоуҭа-ахара Т-2, Гал-110, Гал-35, Барӷьаԥ, Отобаиа, Тҟәарчал ГРЕС, Аҟәа-220 - 01:00 - 03:00; 13:00 - 14:00;
  • Астанциа маҷқәа: Очамчыра-ахара, Очамчыра-2, Мықә, Кәачара, Уарча, Дранда, Агәыӡера, Синоп, Баслаҭ, Ҵабал, Гәдоуҭа-ахара Т-1, Гәдоуҭа-110, Лыхны, Мысра-ахара, Мысра - 03:00 - 05:00; 14:00 - 15:00;
  • Астанциа маҷқәа: Аҟәа-1, ИЕПит, Пицунда, Алаҳаӡы, Бзыԥ-220, Чегал, Переброска, Рухски Карьер - 05:00 - 07:00; 15:00 - 16:00;
  • Астанциа маҷқәа: Гагра-1, Гагра-2, Гагра-3, Цандрыԥшь-ахара, Гьиачрыԥшь - 03:00 - 05:00; 15:00 - 16:00.

Мшаԥы 8рзы урыстәылатәи аган Аԥсныҟа иаауа алашарамчра алимит ҳәаақәнаҵеит 7 миллион киловатт-сааҭ ҳәа. Убри аан ареспублика иаҭахны иҟоуп 9,6 миллион киловатт-сааҭ ҳәа азгәарҭоит "Амшынеиқәафымцамч" аҿы.

3
Атемақәа:
Аԥсны аенергетика апроблемақәа