Чувашиа Аԥсны афымцалашаратә нхамҩа ацхыраара аҭара ишазыхио рҳәеит

11
(ирҿыцуп 14:47 09.04.2021)
Чебоксарыи Аҟәеи аиашьаратә еизыҟазаашьақәа рыбжьаҵаразы аиқәшаҳаҭра рнапы аҵарҩит Аԥснытәи аделегациа усутә ныҟәарыла Чувашиа рыҟазаараан.

АҞӘА, мшаԥы 9 - Sputnik. Чувашиа аелектротехникатә кластер ахаҭарнакцәа Аԥсны афымцалашаратә нхамҩа ацхыраара аҭара ишазыхио рҳәеит, Аҟәа мацара адагьы ареспублика зегьы аҟны. Абри атәы аанацҳауеит Чебоксартәи афымцаппараттә зауад асаит.

Беслан Ешба зхадараҿы дыҟаз аԥснытәи аделегациа Чебоксартәи афымцаппараттә зауад иаҭааит мшаԥы 7 рзы. "ЧЕАЗ" адиректор хада Роман Никулин асасцәа ирзеиҭеиҳәеит иахьазы анаплакы шазыхио апроект аҟаҵара инаркны аобиект ахыркәшараҟынӡа акомплекстә усдҵақәа рынагӡара ишазыхио.

Аиԥылараҟны иазгәаҭан азауад аҟәшақәа руак – анџьныр-ааглыхратә комплекс "Реконт", 220 киловольт рҟынӡа зымчхара ыҟоу афымцастанциақәеи астанциа маҷқәеи реиҿкаара шалшо.

Аиԥылара аихшьаалақәа рыла имҩаԥган астол гьыжь афымцатехникатә кластер ахаҭарнакцәа алархәны.

Чебоксарыи Аҟәеи аиашьаратә еизыҟазаашьақәа рыбжьаҵаразы аиқәшаҳаҭра рнапы аҵарҩит.

Анапы зҵаҩу адокумент инақәыршәаны ақалақьқәа рнапхгарақәа ацхыраалоит еицырзыфеидоу аимадарақәа рырҿиара еиуеиԥшым аусуратә усхкқәа рҟны.

Иара убас шәаԥхьар ҟалоит:

11

Жәлар рдоуҳа: аԥстәқәеи аԥсаатәқәеи ирыхҳәаау жәлар разгәаҭарақәа

0
(ирҿыцуп 14:22 12.05.2021)
Аԥсаатәи аԥстәқәеи ирызку аԥсуа жәлар разгәаҭақәа ртәы арадио Sputnik аефир аҟны дазааҭгылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: аԥсаатәқәеи аԥстәқәеи ирыхҳәаау аԥсуаа разгәаҭақәа

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит абра>> Ажәҵыс ахьнеиуа амшра иатәуп: аԥстәқәеи аԥсаатәқәеи ирыхҳәаау жәлар разгәаҭарақәа

 

0

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау