Аслан Бжьаниа Ростуризм ахаҭарнакцәа идикылеит

9
(ирҿыцуп 13:29 09.04.2021)
Аԥснытәии урыстәылатәии аҟазауаа ргәаанагарала 2021 шықәсазы атуристтә сезон қәҿиарала имҩаԥысуеит.

АҞӘА, мшаԥы 9 – Sputnik. Аԥсны ахада Аслан Бжьаниа мшаԥы 8 рзы Ростуризм ахаҭарнакцәа идикылеит ҳәа аанацҳауеит ахада ипресс-маҵзура.

"Урыстәылатәи атуристцәа рӷьырак ирҭахуп ара рыԥсы ршьарц. Аԥсны атуризм аминистрреи ҳара, урыстәылатәи атуристцәа рхаҭарнакцәеи иалшо зегь ҟаҳҵароуп ари ахықәказы", - иҳәеит Ростуризм Ауаажәларратә хеилак ахантәаҩы Дмитри Давыденко.

Аԥсны атуризм аминистр Ҭеимураз Хышба иазгәеиҭеит лаҵарамзазы ишазыԥхьагәаҭо атуристтә форум Ростуризм Ауаажәларратә хеилак алархәны амҩаԥгара.

"Ахада иԥылараан ирылацәажәан урыстәылатәи атуристцәа рыԥгаԥса азҵаара. Сколлегацәеи сареи агәрагара ҳамоуп атуристтә сезон қәҿиарала имҩаԥысып ҳәа" - иҳәеит аминистр.

Урыстәылазегьтәи атуристцәа реидгыла анапхгара ахантәаҩы Роман Бобылевгьы иазиԥхьаӡоит 2021 шықәсазтәи асезон алшара дуқәа амоуп ҳәа.

"Урыстәылатәи атуристцәа Аԥсны рдыруеит, бзиа ирбоит. Ҳаинырра аҿиара амоуп. Аҵыхәтәантәи аамҭақәа рзы атуристцәа аплиажтә ԥсшьара адагьы акультура-дырратә туризм аинтерес рука иалагеит. Ицәырҵуа иалагеит аԥсшьарамштә турқәа", - иҳәеит иара.

Урыстәылатәи атуристцәа рхыԥхьаӡара еиҳа-еиҳа иазҳауеит. Уи угәы ҟанамҵар залшом ҳәа иҳәеит Бобылев. Убри аан урыстәылатәи аган амаҵзура ахаҭабзиара ашьҭыхра иақәгәыӷуеит.

Иара убас шәаԥхьар ҟалоит:

9

Лаҵаратәи амшныҳәақәа ран аԥснытәи асасааирҭақәа 80 процент иҭәын

2
(ирҿыцуп 12:50 12.05.2021)
Аиҳараҩык атуристцәа - 37 нызқьҩык рҭааит арҭ аныҳәамшқәа рзы Риҵатәи амилаҭтә парки Афон ҿыцтәи аҳаԥи.

АҞӘА, лаҵара 12 – Sputnik. Лаҵаратәи амшныҳәақәа ран аԥснытәи асасааирҭақәа 80 процент иҭәын ҳәа арадио Sputnik иазеиҭеиҳәеит Аԥсны атуризм аминистр ихаҭыԥуаҩ Асҭамур Барцыц.

Иара иажәақәа рыла Афон ҿыцтәи аҳаԥы иаҭааит 16,5 нызқьҩык атуристцәа, 20,5 нызқьҩык Риҵатәи апарк иаҭааит.

"Аԥсназы ари аамҭазы зеиԥш ҟамлацыз рбагоуп", - иҳәеит Барцыц.

2019 шықәса ажьырныҳәа-жьҭаара амзақәа ирыбжьакны ареспублика иаҭааит 1 100 000 турист, ахатә сектор налаҵаны 500 нызқьҩык ара инхон, 2020 шықәсазы атуристтә сезон нанҳәамзазоуп ианалагаз. Нанҳәа-жьҭаара ирыбжьаркыз аамҭазы аминистрра аинформациала ареспублика иаҭааит 600 000 турист.

Роспотребнадзор мшаԥымза анҵәамҭазы аҳәамҭа ҟанаҵахьан, Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим иқәныҟәароуп ҳәа. Уи ашьҭахь аусбарҭаҿы ирҳәеит лаҵара 1 ашьҭахь аҳәаанырцәынтә Урыстәылаҟа ихынҳәуа атәылауаа акоронавирус азы ҩынтә атест арҭароуп мышкы еиҳамкәа ирыбжьаҵаны.

Аха мшаԥы 30 рзы ирылаҳәан Роспотребнадзор ақәҵара ари аҭахра аԥсуа-аурыс ҳәаа иахысуа шаҵанамкуазы.

Иара убас шәаԥхьар ҟалоит:

2

Гәылрыԥшьтәи араионтә ӡбарҭаҿы Ахра Аҩӡба иус азы аилатәара мҩаԥысуеит

9
Ахра Аҩӡба даанкылан уаанӡа еиқәшаҳаҭханы абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы ҳәа ахара ихараҵаны.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Аӡбратә процесс мҩаԥысуеит Гәылрыԥшьтәи араионтә ӡбарҭа аӡбаҩ Игорь Агәмаа инапхгарала.

Аӡбратә процесс алагамҭазы ахыбра аҿаԥхьа еизеит Аҩӡба иуацәеи иҭынхацәеи. Урҭ аӡәаӡәала аҩныҵҟа инарышьҭуан.

Ахра Аҩӡба, Аслан Гуатижев, Андреи Лактионов, Станислав Культ, Талех Гасанов анапҭлаҳәқәа рымӷан.

Аӡбарҭа ахыбра Аԥсны ААР аусзуҩцәеи аҟәша ҷыда аусзуҩцәеи ирыхьчоит.

Ахра Аҩӡба иус Гәылрыԥшьтәи араионтә ӡбарҭахь инашьҭуп Иреиҳаӡоу аӡбарҭа адҵала, избанзар Аҟәатәи ақалақьтә ӡбарҭа азинмчқәа рыҿҳәара ииасит.

9
Атемақәа:
Ахра Аҩӡба иаанкылара