Атуристтә дәыӷба "Шәача" Москвантәи Гаграҟа зныктәи ареис ала ибжьысуеит

11
(ирҿыцуп 13:12 11.04.2021)
2020 шықәса нанҳәамза инаркны 2021 шықәса ажьырныҳәамзанӡа 25 нызқьҩык иреиҳаны ауааԥсыра аретро-дәыӷба "Шәача" ала инаиааиуан, урҭ рахьтә 11 нызқьҩык иреиҳаны ауааԥсыра Аԥсны иаҭааит.

АҞӘА, мшаԥы 10 - Sputnik. Атуристтә аретро-дәыӷба "Шәача" аныҟәара иалагоит лаҵарамзазтәи аныҳәақәа раан, Москвантәи Гаграҟа зныктәи ареис ала ибжьысуеит, абри атәы аанацҳауеит Афедералтә пассаџьыртә еилахәыра.

Адәыӷба Казантәи авокзал аҟынтәи иқәҵуеит мшаԥы 29, асааҭ 22:50 рзы, Гагра иҟалоит лаҵара 1, 12:15 сааҭ рзы.

Абжьааԥнытәи амаршрут Тҟәаԥс-Гагра ала адәыӷба аныҟәара иалагоит лаҵара 2 инаркны.

Адәыӷба Тҟәаԥсынтә идәықәлоит асааҭ 05:30 рзы шәахьала, хашала, ԥшьашала, хәашала, сабшала, мҽышала, Гагра инеиуеит асааҭ 11:40 рзы. Ианааиуа аҽныҵәҟьа ихынҳәны Тҟәаԥсҟа идәықәлоит асааҭ 19:00 рзы хашала, ԥшьашала, хәашала, сабшала, мҽышала, Тҟәаԥс инеиуеит 00:35 рзы.

Иара убас иаанхоит адәыӷба аныҟәара амаршрут Шәача-Гагра.

Адәыӷба Лазаревскаиа, Лоо, Дагомыс, Адлер, Веселое, Цандрыԥшь аанҿасра азгәаҭоуп.

Адәыӷба иацраҳәоуп акупетә, азеиԥш, аплацкарттә вагонқәа. Урҭ зегьы асовет аамҭа астиль ала еиқәыршәоуп, аха иахьатәи аамҭа иақәшәо алшарақәа амоуп: аҳауархьшәашәагақәа, usb-портқәа, амобилтә ҭелқәа раҿаҵарҭақәа. Авагон-ақьафурҭаҿы ауаа ирыдыргалоит аурыси аԥсуеи чысқәа: ашә, апамидор, аиаҵәареи еилаџьны, аџьаԥсандал, аԥсыуала акәацеиҵарш, ауасажьы иалху ахинкали.

11

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау

Урыстәылатәи азенитчикцәа Амшын еиқәа акваториаҿы аԥырҩы дызҭам ихархәагақәа ҭадырхеит

3
Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

АҞӘА, лаҵара 12 - Sputnik. Аԥсны иҟоу Урыстәыла Аладатәи арратә округ азенит ракетатә ҟәшақәа аҽазыҟаҵарақәа мҩаԥыргеит. Аҽазыҟаҵарақәа раан Урыстәылатәи азенитчикцәа Амшын еиқәа акваториаҿы "аӷа" аԥырҩы дызҭам ихархәагақәа карыжьит ҳәа аанацҳауеит аокруг апресс-маҵзура.

"Аӷа" иԥрыгатә хархәагақәа ракәны ахархәара рыҭан аԥрыга аппаратқәа "Орлан", "Застава", "Гранат". Ацәҟьарақәа ирықәдыршәон аракетақәа релектронтә ҭырҟьагақәа рыла.

Аусдҵақәа рынагӡаразы аруаа атехника аибашьратә ҭагылазаашьала иаздырхиеит, ахацыркратә позициақәа ааныркылеит, еиҿыркааит аимадареи анапхгараҭареи рсистема. Абри ашьҭахь аԥшыхәра мҩаԥганы Амшын еиқәа акваториаҿы аԥырҩы дызҭам ахархәагақәа карыжьит.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруааи 40 ак арратә техникеи алархәны. Ахархәара рыҭан азенит-ракетатә комплексқәа "Оса-АКМ", "Стрела-10" , еиҭарго ЗРК "Игла".

3