Араионтә алхратә комиссиақәа ауаа рааишьазы адырра ҟарҵеит

24
(ирҿыцуп 18:47 11.04.2021)
Гал араион аҿы асааҭ 17:00 рзтәи аҭагылазаашьала ауаа рааишьа иартәоит 54%. Абжьыҭара макьана иаҿуп.

АҞӘА, мшаԥы 11 – Sputnik. Аԥсны араионқәа ралхратә комиссиақәа рлахәылацәа адырра ҟарҵеит асааҭ 17:00 рызтәи аҭагылазаашьала аҭыԥантәи ахаланапхгараҭарақәа рахь алхрақәа раан ауаа рааишьа зеиԥшроу.

© Foto / пресс-служба Администации Президента Республики Абхазия

Очамчыра араион аҿы асааҭ 17:00 рзы рыбжьы арҭахьан 5528-ҩык алхыҩцәа, уи алхыҩцәа рзеиԥш хыԥхьаӡараҟынтә 36,3% артәоит ҳәа иҳәеит араион алхратә комиссиа ахантәаҩы Роберт Шьынқәба. Иара иазгәеиҭеит алхырҭақәа ԥшьба рыда егьырахь ишьақәгылеит ҳәа уҳәар ҟалоит ҳәа. Аилагарақәа ҳәа акгьы макьана иазгәаҭам.

Гәылрыԥшь араион аҿы ааишьа асааҭ 15:00 рызтәи аҭагылазаашьа атәы рҳәеит. Араионтә комиссиа ахантәаҩы Дмитри Габлиа иажәақәа рыла, абжьыҭара жәа-ҭыԥк рҿы имҩаԥысит ҳәа уԥхьаӡар ауеит. Зынӡа араион аҿы 15 депутаттә мандат рымоуп.

Гал араион аҿы асааҭ 17:00 рзтәи аҭагылазаашьала ауаа рааишьа иартәоит 54%. Абжьыҭара макьана иаҿуп. Гал араион алхратә комиссиа ахантәаҩы Игор Амҷба иажәақәа рыла, азеиԥш ааишьа ҳаракызаргьы, хаз игоу алхратә ҭыԥк аҿы алхрақәа шьақәгылахьеит ҳәа уҳәартә иҟам макьана. Абжьыҭара ҭынчны имҩаԥысуеит, гәынамӡара ҳәа акгьы ыҟам.

Асааҭ 17:00 рзтәи аҭагылазаашьала Тҟәарчал араион аҿы азеиԥш ааишьа иартәоит 30%. Алхратә ҭыԥқәа 12 рҿы алхрақәа шьақәгылеит ҳәа уҳәар ауеит, аҭыԥқәа хԥа рҿы маҷк агуп ишьақәгыларц азы ҳәа иҳәеит Тҟәарчал араион алхратә комиссиа ахантәаҩы Витали Чачхалиа.

Асааҭ 16:00 рзтәи аҭагылазаашьала Аҟәатәи алхратә ҭыԥ хадақәа 19 рҟынтә ауаа рааишьала алхрақәа шьақәгылеит ҳәа уԥхьаӡар ауеит аҭыԥ хадақәа 4 рҟны заҵәык. Зеиԥшла 39 нызқь алхыҩцәа рахьтә зыбжьы азҭахьоу 8,132-ҩык алхыҩцәа роуп ҳәа аанацҳауеит Аҟәа ақалақь алхратә комиссиа.

Аҟәа араион аҿы асааҭ 17:00 рзы рыбжьы арҭахьан 2101-ы алхыҩцәа, уи азеиԥш хыԥхьаӡараҟынтә 29% артәоит. Аҟәа араион алхратә комиссиа ахантәаҩы Беслан Џьопуа иажәақәа рыла, алхратә ҭыԥ хадақәа реиҳарак рҿы 25% иреиҳаны ауаа ааихьеит. Ҩ-ҭыԥ хадак рҟны асааҭ 17:00 рзы 20, 21% роуп иааихьаз.

Гагра араион аҿы бжьаратәла асааҭ 17:00 рзы ауаа рааишьа 19% артәеит, абри атәы иҳәеит акомиссиа ахантәаҩы Беслан Кәартаа. Иара иажәақәа рыла, аҭыԥқәа реиҳарак рҿы макьана алхрақәа шьақәымгылацызт. Абжьыҭара ҭынчны имҩаԥысуеит.

Гәдоуҭа араион аҿы алхрақәа мҩаԥысит 32 алхратә ҭыԥ хадақәа рахьтә 30 рҟны ҳәа азгәеиҭеит Лавренти Гәбаз. 25% макьана ирхымсыцт 15-тәи аҭыԥ хадаҟни Афон ҿыц иҟоу 26-тәи аҭыԥ хадаҟни. Убри аан Гәбаз агәрагара ааирԥшит абжьыҭара ахыркәшамҭазы алхрақәа иахьабалак ишьақәгылап ҳәа.

24

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау

Урыстәылатәи азенитчикцәа Амшын еиқәа акваториаҿы аԥырҩы дызҭам ихархәагақәа ҭадырхеит

3
Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

АҞӘА, лаҵара 12 - Sputnik. Аԥсны иҟоу Урыстәыла Аладатәи арратә округ азенит ракетатә ҟәшақәа аҽазыҟаҵарақәа мҩаԥыргеит. Аҽазыҟаҵарақәа раан Урыстәылатәи азенитчикцәа Амшын еиқәа акваториаҿы "аӷа" аԥырҩы дызҭам ихархәагақәа карыжьит ҳәа аанацҳауеит аокруг апресс-маҵзура.

"Аӷа" иԥрыгатә хархәагақәа ракәны ахархәара рыҭан аԥрыга аппаратқәа "Орлан", "Застава", "Гранат". Ацәҟьарақәа ирықәдыршәон аракетақәа релектронтә ҭырҟьагақәа рыла.

Аусдҵақәа рынагӡаразы аруаа атехника аибашьратә ҭагылазаашьала иаздырхиеит, ахацыркратә позициақәа ааныркылеит, еиҿыркааит аимадареи анапхгараҭареи рсистема. Абри ашьҭахь аԥшыхәра мҩаԥганы Амшын еиқәа акваториаҿы аԥырҩы дызҭам ахархәагақәа карыжьит.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруааи 40 ак арратә техникеи алархәны. Ахархәара рыҭан азенит-ракетатә комплексқәа "Оса-АКМ", "Стрела-10" , еиҭарго ЗРК "Игла".

3