Архивное фото.

Аԥсны атәылауаа хәажәкырамзазы 65 миллион мааҭ атәанчахәы рмоуит

14
(ирҿыцуп 16:41 13.04.2021)
Аԥсны аԥыза-министр Александр Анқәаби афинансқәа рминистр Владимир Делбеи Аиҳабыра русура, абиуџьет анагӡашьа, иара аныхраҿы аԥыжәара зҭатәу, COVID-19 ауааԥсыра рацәыхьчаразы ауснагӡатәқәа уҳәа ирылацәажәеит.

АҞӘА, мшаԥы 13 - Sputnik. Аԥсны ауааԥсыра ртәанчахәшәаразы ауал 65 миллион мааҭ аанханы иҟоуп, хәажәкырамзазы ишәам ҳәа иҳәеит афинансқәа рминистр Владимир Делба Александр Анқәаб аҭагылазаашьа изеиҭаҳәо.

"65 миллион мааҭ хәажәкырамзазы ишәамкәа иҟоуп. Ауал ашәаразы иҳалшо аҟаҵара ҳаҿуп. Актәи аԥшьбаразы цхыраагӡа-цҵак аҳасаб ала ареспубликатә биуџьет аҟынтәи Атәанчахәытә фонд иазынашьҭуп 105 миллион мааҭ, иазыԥхьагәаҭаз 137 миллион рҟынтәи", - иҳәеит Делба.

Убри аан иара иазгәеиҭеит атәыла ахатә хашәала мшаԥы 12 азтәи аҭагылазаашьала 1,2 миллиард мааҭ шыҟоу. Абас ала ииасыз ашықәс абри аамҭатә рбага иаҿырԥшны аизҳара 21 % ыҟоуп.

Владимир Делба атәылаҿ афинанстә ҭагылазаашьа ҭышәынтәаланы дахәаԥшуеит.

"Уаанӡеиԥш абиуџьет аныхраан аԥыжәара заҳҭо агәабзиарахьчара аусхк ауп. Ашықәс актәи аԥшьбаразы COVID-19 иаҿагыланы ақәԥаразы ауснагӡатәқәа хаз рԥаразоужьра хацыркын. Апрограмма иазыԥхьагәанаҭоит – 50 миллион мааҭ. Иара убасгьы аус руеит агәабзиарахьчара аусхк иазырхо егьырҭ апрограммақәагьы. Аԥаразоужьра ахышәаҵышәа 90% инаӡоит", - иҳәеит Делба.

Аԥсны зынӡа 47 000-ҩык атәанчахәы роуеит, урҭ рҟынтәи 30 000-ҩык – урыстәылатәи атәанчахәы роуеит.

Атәанчахәытә фонд аҟынтәи ацхыраагӡатә шәарақәа роуеит 17 000-ҩык. Урҭ рҟынтәи 8 000-ҩык рықәрала аԥсуа тәанчахәы роуеит. Абанкоматқәа рыла аԥараиурахь ихынҳәит 17 000-ҩык ААФ аԥара зауа.

14

Лаҵаратәи амшныҳәақәа ран аԥснытәи асасааирҭақәа 80 процент иҭәын

2
(ирҿыцуп 12:50 12.05.2021)
Аиҳараҩык атуристцәа - 37 нызқьҩык рҭааит арҭ аныҳәамшқәа рзы Риҵатәи амилаҭтә парки Афон ҿыцтәи аҳаԥи.

АҞӘА, лаҵара 12 – Sputnik. Лаҵаратәи амшныҳәақәа ран аԥснытәи асасааирҭақәа 80 процент иҭәын ҳәа арадио Sputnik иазеиҭеиҳәеит Аԥсны атуризм аминистр ихаҭыԥуаҩ Асҭамур Барцыц.

Иара иажәақәа рыла Афон ҿыцтәи аҳаԥы иаҭааит 16,5 нызқьҩык атуристцәа, 20,5 нызқьҩык Риҵатәи апарк иаҭааит.

"Аԥсназы ари аамҭазы зеиԥш ҟамлацыз рбагоуп", - иҳәеит Барцыц.

2019 шықәса ажьырныҳәа-жьҭаара амзақәа ирыбжьакны ареспублика иаҭааит 1 100 000 турист, ахатә сектор налаҵаны 500 нызқьҩык ара инхон, 2020 шықәсазы атуристтә сезон нанҳәамзазоуп ианалагаз. Нанҳәа-жьҭаара ирыбжьаркыз аамҭазы аминистрра аинформациала ареспублика иаҭааит 600 000 турист.

Роспотребнадзор мшаԥымза анҵәамҭазы аҳәамҭа ҟанаҵахьан, Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим иқәныҟәароуп ҳәа. Уи ашьҭахь аусбарҭаҿы ирҳәеит лаҵара 1 ашьҭахь аҳәаанырцәынтә Урыстәылаҟа ихынҳәуа атәылауаа акоронавирус азы ҩынтә атест арҭароуп мышкы еиҳамкәа ирыбжьаҵаны.

Аха мшаԥы 30 рзы ирылаҳәан Роспотребнадзор ақәҵара ари аҭахра аԥсуа-аурыс ҳәаа иахысуа шаҵанамкуазы.

Иара убас шәаԥхьар ҟалоит:

2

Гәылрыԥшьтәи араионтә ӡбарҭаҿы Ахра Аҩӡба иус азы аилатәара мҩаԥысуеит

9
Ахра Аҩӡба даанкылан уаанӡа еиқәшаҳаҭханы абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы ҳәа ахара ихараҵаны.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Аӡбратә процесс мҩаԥысуеит Гәылрыԥшьтәи араионтә ӡбарҭа аӡбаҩ Игорь Агәмаа инапхгарала.

Аӡбратә процесс алагамҭазы ахыбра аҿаԥхьа еизеит Аҩӡба иуацәеи иҭынхацәеи. Урҭ аӡәаӡәала аҩныҵҟа инарышьҭуан.

Ахра Аҩӡба, Аслан Гуатижев, Андреи Лактионов, Станислав Культ, Талех Гасанов анапҭлаҳәқәа рымӷан.

Аӡбарҭа ахыбра Аԥсны ААР аусзуҩцәеи аҟәша ҷыда аусзуҩцәеи ирыхьчоит.

Ахра Аҩӡба иус Гәылрыԥшьтәи араионтә ӡбарҭахь инашьҭуп Иреиҳаӡоу аӡбарҭа адҵала, избанзар Аҟәатәи ақалақьтә ӡбарҭа азинмчқәа рыҿҳәара ииасит.

9
Атемақәа:
Ахра Аҩӡба иаанкылара