Аԥсны аамҭа-аамҭала афымцалашара арцәара аграфик ҿыц алагалоуп

18
(ирҿыцуп 21:06 13.04.2021)
Мшаԥы 6 инаркны Аԥсны аамҭа-аамҭала афымцалашара ес х-сааҭки х-сааҭки рыбжьара сааҭк-сааҭк идырцәон.

АҞӘА, мшаԥы 13 - Sputnik. Аԥсны аамҭа-аамҭала афымцалашара арцәара аграфик ҿыц алагалахоит 00:00 сааҭ мшаԥы 1 инаркны, аанацҳауеит "Амшынеиқәафымцамч" апресс-маҵзура.

Афымцалашара аиуразы аԥкрақәа абри асхемала иалагалоуп: ҽынла-сааҭк, уахынла-ҩ-сааҭк.

  • Аҟәа агәҭа, Пицунда, Алаҳаӡы, Бзыԥҭа аҳабла, Гал араион абжак фымцалашарада иҟазаауеит асааҭ 01:00 инаркны 03:00 рҟынӡа, асааҭ 13:00 инаркны 14:00 рҟынӡа.
  • Очамчыреи Гәылрыԥшьи араионқәа, Аҟәа мрагыларатәи ахәҭа, Аҟәа агәҭа, Аҟәа араион мраҭашәаратәи ахәҭа, Гәдоуҭа араион мраҭашәаратәи ахәҭа фымцалашарада иҟазаауеит асааҭ 03:00 инаркны 05:00 рҟынӡа, асааҭ 14:00 инаркны 15:00 рҟынӡа.
  • Аҟәеи, Аҟәа араион мраҭашәаратәи ахәҭа, Гәдоуҭа араион мрагыларатәи ахәҭа, Гали Тҟәарчали рраионқәа, Мархьаул ақыҭа фымцалашарада иҟазаауеит асааҭ 05:00 инаркны 07:00 рҟынӡа, асааҭ 15:00 инаркны 16:00 рҟынӡа.
  • Гагра араиони, Гагра ақалақьи фымцалашарада иҟазаауеит асааҭ 03:00 инаркны 05:00 рҟынӡа, асааҭ 15:00 инаркны 16:00 рҟынӡа.

Аԥсны Урыстәылантә алашара аиура иалагеит ԥхынҷкәын 11 рзы, ус иҟазаауеит, иахьазы аремонт усурақәа ахьымҩаԥысуа ЕгрыГЕС ахархәарахь ирыҭахаанӡа.

Мшаԥы 8 рзы, аурыс ган Урыстәылантәи Аԥсныҟа иаауа афымцалашара алимит шьақәнаргылеит быжь-миллион киловатт-сааҭ, атәылаҟны еиԥымҟьрада афымцалашара аҟазааразы иаҭахуп 9,6 миллион киловатт-сааҭ, азгәарҭоит "Амшынеиқәафымцамч" аҿы.

Иара убас шәаԥхьар ҟалоит:

 

18
Атемақәа:
Аҿкычымазара – акоронавирус Аԥсни адунеи аҿи: иалкаау (1228)

COVID-19 злаз даҽа пациенткак лыԥсҭазаара далҵит Гәдоуҭатәи ахәышәтәырҭаҿы

14
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15006-ҩык ыҟоуп, ргәы бзиахеит 14025-ҩык, рыԥсҭазаара иалҵит 226-ҩык.

АҞӘА, лаҵара 15 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 176-ҩык атестқәа рзыҟаҵан, урҭ рахьтә 22-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы лаҵара 14 рзы лыԥсҭазаара далҵит 1939 шықәса рзы ииз акоронавирус злаз апациентка.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 41-ҩык акоронавирус адиагноз рзышьақәыргылоуп, рҭагылазаашьа бааԥсуп 28-ҩык, ибжьаратәуп - 12-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 31-ҩык апациентцәа, рҭагылазаашьа бааԥсуп хәҩык. Очамчыра ирхәышәтәуеит 16-ҩык, Гагратәи ахәышәтәырҭаҿы - 17-ҩык, Тҟәарчалтәи ахәышәтәырҭаҿы - ԥшьҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Аҿкычымазара – акоронавирус Аԥсни адунеи аҿи: иалкаау (1228)

Едуард Быҭәба Гәдоуҭатәи ахәышәтәырҭа даҭааны аусушьа гәеиҭеит

8
(ирҿыцуп 19:59 15.05.2021)
Едуард Быҭәба Аԥсны агәабзиарахьчара аминистрс дҟаҵан аҩаша лаҵара 11 рзы Аԥсны Аҳәынҭқарра ахада иусԥҟа инақәыршәаны.

АҞӘА, лаҵара 15 – Sputnik. Аԥсны агәабзиарахьчара аминистр Едуард Быҭәба Гәдоуҭатәи араионтә хәышәтәырҭа хада даҭааит ахәаша лаҵара 14 рзы ҳәа аҳәоит Аԥсуа телехәаԥшра адырраҭара.

Иара игәеиҭеит ахәышәтәырҭа ашҭаҿы игылоу акоронавирус азы анализқәа ахьрыдыркыло аҭыԥ, адкыларҭа, апалатақәа. Ахәышәтәырҭа аусзуҩцәа аминистр изеиҭарҳәеит акоронавирустә инфекциа злоу апациентцәа, убарҭ рхыԥхьаӡараҿы COVID-19 адиагноз ззықәыргылоу зцәазтәым аҳәсагьы, рыхәышәтәра шеиҿкаау.

Быҭәба иара убас игәеиҭеит аҵәыҵәри анашьҭразы еиқәыршәоу астанциа, уантәи ауп аковид-госпиталь апалатақәа рахь аҵәыҵәри зланеиуа. Игәеиҭеит аҳауеиҭарсра асистема шыҟам, уи азҵаара шыӡбатәугьы азгәеиҭеит.

Иҷыдоу ахыхьчага маҭәа ишәҵаны аминистр "азона ҟаԥшь" ахь днеит, хаҭала апациентцәа рҭагылазаашьа ибарц, драцәажәарц азы. Иара дразҵаауан иаҭаху зегьы рымоу ирымаму, иаарласны ргәабзиара шьақәгыларц рзеиӷьеишьеит.

"Анцәа иҳәааит иаарласны шәгәы бзиахо, уи ауп зегь реиҳа ихадоу. Шәҭаацәа рахь ԥшӡала шәхынҳәааит. Ҳара, ҳколлегацәа, аҳақьымцәа, ҳашәзыӡырҩлоит, ишәҭаху аҿы ҳшәывагылоит", - иҳәеит аминистр.

Аԥсуа телехәаԥшра анҵамҭаҿы иара убас иарбоуп Едуард Быҭәба амедицинатә усзуҩцәа рџьабаазы иҭабуп ҳәа шреиҳәаз, агоспитальгьы лассы-лассы даҭаалоит ҳәа ажәа шриҭаз, аҳақьымцәеи ахәышәтәырҭа анапхгареи иареи аусутә еиԥыларақәа мҩаԥаагалоит ҳәа шиҳәаз.

Гәдоуҭатәи араионтә хәышәтәырҭа аҳақьым хада Ҳаџьараҭ Шамба лаҵара 14 рзы иҟаиҵаз адыррала, аковид-госпиталь аҿы ишьҭоуп акоронавирустә инфекциа злоу апациентцәа 38-ҩык, урҭ рахьтә 16-ҩык рҭагылазаашьа бааԥсуп. Иара убас ара ареабилитациа иахысуеит COVID-19 иаиааихьоу 11-ҩык апациентцәа.

Аԥсуа телехәаԥшра аматериал аҿы иара убас иазгәаҭоуп агәабзиарахьчара аминистр атәыла амедусҳәарҭақәа зегьы дырҭааны рҭагылазаашьа гәеиҭарц игәы ишҭоу.

Аԥсны Аҳәынҭқарра ахада иусԥҟа инақәыршәаны Едуард Быҭәба Аԥсны агәабзиарахьчара аминистрс дҟаҵан аҩаша лаҵара 11 рзы. Иара диԥсахит зхатәгәаԥахарала змаҵура аанзыжьыз Ҭамаз Ҵахнакьиа.

8
Атемақәа:
Аҿкычымазара – акоронавирус Аԥсни адунеи аҿи: иалкаау (1228)