Очамчыреи Гагреи ПЦР-лабораториа ҿыцқәа аусура иазыхиоуп

6
(ирҿыцуп 20:27 14.04.2021)
Ареспублика асанитартә ҳақьым хада аԥыза-министр илырдырит Аԥсны ақалақьқәа ҩба рҿы ПЦР-лабораториақәа русура шазырхио.

АҞӘА, мшаԥы 14 – Sputnik. Аԥсны аԥыза-министр Александр Анқәаб дидикылеит ареспублика асанитартә ҳақьым хада Лиуюдмила Скорик. Аиԥылараҿ иалацәажәан ПЦР-лабораториа ҿыцқәа Очамчыреи Гагреи раартра азҵаара. Абри атәы аанацҳауеит Аминистрцәа реилазаара асаит.

Лиудмила Скорик лажәақәа рыла Агәабзиарахьчара аминистрра 11 миллион мааҭ рыхә иахәҭоу ахархәагақәа аанахәеит. Атехника аиҳарак ареспублика асанитар-епидемиологиатә маҵзурахьы инашьҭуп.

Скорик еиҭалҳәеит Очамчыра атехника ақәыргыларазы ахыбра шазырхио, аҳҭнықалақьтә лабораториаҟынтә ҩыџьа аҟазауаа уахь ишынашьҭхо ацхырааразы.

Алабораториақәа мчхарала еиҟароуп, дасу ирылшоит 250 анализ уахыки-ҽнаки рыла аҟаҵара.

Очамчыратәи алабораториа лаҵарамза алагамҭазы аусура иаларгахоит, гагратәи ПЦР-лабораториа – лаҵарамза анҵәамҭазы.

Атәылаҿ асанитар-епидемиологиатә ҭагылазашьа далацәажәо Скорик иазгәалҭеит ачымазара ахы шышьҭнахыз.

Иҟоуп ашәарҭа апандемиа аҩбатәи ацәқәырԥа цәырҵуеит ҳәа лҳәеит аҳақьым.

Скорик ауааԥсыра ааԥхьара рылҭеит аԥкырақәеи абжьгарақәеи ирықәныҟәаларц.

6
Атемақәа:
Аҿкычымазара – акоронавирус Аԥсни адунеи аҿи: иалкаау (1220)

Жәлар рдоуҳа: аԥстәқәеи аԥсаатәқәеи ирыхҳәаау жәлар разгәаҭарақәа

1
(ирҿыцуп 14:22 12.05.2021)
Аԥсаатәи аԥстәқәеи ирызку аԥсуа жәлар разгәаҭақәа ртәы арадио Sputnik аефир аҟны дазааҭгылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: аԥсаатәқәеи аԥстәқәеи ирыхҳәаау аԥсуаа разгәаҭақәа

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит абра>> Ажәҵыс ахьнеиуа амшра иатәуп: аԥстәқәеи аԥсаатәқәеи ирыхҳәаау жәлар разгәаҭарақәа

 

1

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау (1220)