Аԥсны ахада Иусбарҭаҿы аинвестициақәа радԥхьалара азҵаара иалацәажәеит

18
(ирҿыцуп 15:46 15.04.2021)
Аԥсны ахада ихаҭыԥуаҩ Бадра Гәынба ихантәаҩрала имҩаԥысит ареспублика аекономикатә политика аԥыжәаратә хырхарҭақәа рҳәаақәҵаразы аусутә гәыԥ аилатәара.

АҞӘА, мшаԥы 15 – Sputnik, Бадри Есиава. Аԥсны ахада Иусбарҭаҿы аинвестициақәа радԥхьалара шалшашазы азҵаара иалацәажәеит ҳәа Sputnik иазеиҭеиҳәеит Аԥсны ахада ихаҭыԥуаҩ Бадра Гәынба.

"Аминистрра аекономикаҿы абри азҵаара аӡбаразы азинмчы змоу аусбарҭа – Аинвестагентра ауп, аха аҵыхәтәантәи аамҭақәа иаҳдырбеит уи шазымхо. Аусутә гәыԥ алахәылацәақәак ажәалагалақәа ҟарҵеит абри азҵаара хықәкыла аус адызуло корпорациақәак аԥҵазарц. Аха араҟагьы аусура амеханизмқәа ирызхәыцтәуп, иаԥсоу иаԥсаму даҽа еиҿкаарак аԥҵара ҳәа, мамзаргьы аҳәынҭқарратә еиҿкаара аусура рӷәӷәатәума ҳәа", - иҳәеит Гәынба.

Гәынба иазгәеиҭеит аусутә гәыԥ шаԥҵаз 2021 шықәса хәажәкырамзазы. Уи аахыс иара ҩ-еилатәарак мҩаԥнагахьеит. Излацәажәо атемақәа иреиуоуп ашәахтәшәаратәи абанктәи системақәа ареформақәа рзура, аинвестициақәа радԥхьаларазы аҭагылазаашьақәа раԥҵара, акапитал ахьчара. Аилатәарақәа зегьы арҭ азҵаарақәа акакала рылацәажәара иазыркуеит.

"Аусутә гәыԥ аусура аихшьалақәа рыла ҳара иҳәаақәаҳҵоит ахырхарҭа хадақәа, уаанӡа иҳадаҳкылахьаз апрограмма "25 шьаҿа", "Аԥсны аҿиара Аконцепциа" уҳәа егьырҭгьы азхьаԥшра рыҭаны. Абри ашьҭахь атәыла ахада иахь аҳәара ҟаҳҵоит Аминистрцәа реилазаара арҭ ажәалагалақәа рынагӡара нап анаркырц адиҵарц", - ҳәа иҳәеит Гәынба, иагьациҵеит 2021 шықәса ҭагаланынӡа абарҭ аусқәа рыҟаҵара шрыгәҭаку.

Аԥсны ахада ихаҭыԥуаҩ Бадра Гәынба зхантәаҩыс дыҟоу аекономикатә политика аԥыжәаратә хырхарҭақәа рҳәаақәҵаразы аусутә гәыԥ иалахәуп Аекономика аминистрра, ахада Иусбарҭаҿы аекономика аусбарҭа русзуҩцәа, аҭҵаарадырратә еилазаара ахаҭарнакцәа.

Иара убас шәаԥхьар ҟалоит:

18

Аԥсны агәабзиарахьчара аминистрра алабораториақәа Очамчыреи Гагреи аусура ианалаго рҳәеит

2
(ирҿыцуп 10:58 05.08.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22642-ҩык ыҟоуп, ргәы бзиахеит 18189-ҩык, рыԥсҭазаара иалҵит 320-ҩык.

АҞӘА, нанҳәа 5 – Sputnik, Бадраҟ Аҩӡба. COVID-19 амазаара аҭҵааразы ПЦР-лабораториа Гагра аусура иазырхиоуп ҳәа иҳәеит Аԥсны Агәабзиарахьчара аминистр Едуард Быҭәба.

"Гагратәи алабораториа аусура ишаалагалак Аҟәатәи абактериологиатә лабораториа еиҳа ахы иақәиҭхоит. Алабораториаз ауада аремонт азуын Гагра араион ахадара амчала. Ахархәагақәа аахәан ареспубликатә биуџьет аԥарақәа рыла", - иҳәеит иара.

Аминистр иазгәеиҭеит алабораториа 200 рҟынӡа биоматериал уахыки-ҽнаки рыла адкылара шалшо. Ԥхынгәы 22 аахыс алабораториа атест режим ала аусура мҩаԥнагон.

Уи адагьы Едуард Быҭәба иҳәеит ареспубликатә биуџьет COVID-19 аламырҵәара иазнархаз аԥарақәа рыхәҭак ала Очамчыра алабараториа шаартхо.

"Иахьазы Очамчыратәи алабараториа аперсонал Ареспубликатә санитар-бактериологиатә лабораториаҿы аԥышәа иахысуеит" - иҳәеит иара.

Алабораториа аусура иалагоит атехникатәии адокументациатәии ҟазшьа змоу азҵаарақәа рҭыԥ ишықәҵахалак, аперсонал шазыҟаҵахалак.

2

Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

1
Ацитрус иаԥырхаго аԥарԥалыкь ықәызго абжы криптоламус ахархәара атәы арадио Sputnik аефир аҿы еиҭалҳәеит Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа.
Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

"Шерстистаиа белокрылка ҳәа изышьҭоу ԥшьышықәса раахыс иазгәаҭан иҳамоyп Аԥсны. Еиҳарак иахьаабо ацитрус аҟноуп, даара аҽамхакны иҟоуп. Ари хәаҷа ҿыцуп. Аҭагылазаашьа ас ианыҟала, ааигәа аинспекциаҿы иҟаз аиԥылараҟны иазыӡбан ахәаҷа зшьуа ахимметод ада, абиометод ахархәара. Абжы криптоламус, уи аԥырԥалыкь иаԥырхагоуп, ус азгәарҭеит аиԥылараҿы аекспертцәа. Макьана иҳазҳәом уи иахәоит ҳәа, аха иалагалазар, ахы шымҩаԥнаго аабарын. 500 цыра аԥсабарахь аушьҭра азгәаҭоуп. Ҳара урҭ аԥсабара ԥырхага анаҭом ҳәа азыҳаԥхьаӡоит", - еиҭалҳәеит Шьынқәырԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

1

Путин ҩ-тәылауаҩрак аиуразы Аахыҵ Уаԥстәылеи Урыстәылеи рыбжьара аусԥҟа дақәшаҳаҭхеит

0
Урыстәыла адәныҟатәи аусқәа рминистрра анапы ианҵоуп Урыстәылатәи Афедерациа ахьӡала аиқәшаҳаҭра анапаҵаҩра.

АҞӘА, нанҳәа 5 - Sputnik. Урыстәыла ахада Владимир Путин ҩ-тәылауаҩрак аиуразы Аахыҵ Уаԥстәылеи Урыстәылеи рыбжьара аиқәшаҳаҭра дақәшаҳаҭхеит, абри азы аусԥҟа кьыԥхьуп азинтә информациа аофициалтә интернет-портал аҿы.

"Урыстәыла адәныҟатәи аусқәа рминистрра афедералтә анагӡаратә мчрақәа рақәшаҳаҭрала ҩ-тәылауаҩрак аиуразы Аахыҵ Уаԥстәылеи Урыстәылеи рыбжьара аиқәшаҳаҭра анапаҵаҩраз иҟанаҵаз ажәадгала адкылазааит. Аахыҵ Уаԥстәыла уаанӡа аус зыднауылахьаз аиқәшаҳаҭра апроект адгылара ҟаҵо, Урыстәыла адәныҟатәи аусқәа рминистрра аԥсахрақәа ралагаларазы азин аҭазааит", - аҳәоит адырраҭараҿы.

Аиқәшаҳаҭра актәи ахәҭаҷ ала "Аганқәа руак атәылауаа ирымоу атәылауаҩра мап ацәымккәа егьи Аган атәылауаҩра аархәар рылшоит".

Аиқәшаҳаҭра ахәбатәи ахәҭаҷ ала ҩ-тәылауаҩрак змоу ахаҿқәа аррамаҵзура иахысуеит иахьынхо аҭыԥ аҿы. Уи адагьы ганк аҿы аррамаҵзура иахысыз, егьи аган аҿы арранаԥхьара даҵанакуам.

Аԥсни Урыстәылеи ҩ-тәылауаҩрак аиуразы аиқәшаҳаҭра рнапы аҵарҩит 2002 шықәсазы. 2008 шықәсазы, Урыстәыла Аԥсны аназханаҵа ашьҭахь ари аус аанкылан.

0