Лошади

Ҩ-ҽык шеиԥхныҩлаз: Тҟәарчал аԥшәмараз аисара

26
Тҟәарчал ақалақь аҿы иҟаз агид иқәҿиеит – аҽқәа аҭыԥ аҟны аԥшәмара шеимаркуаз ҭихыртә алшара иоуит.

АҞӘА, мшаԥы 15 - Sputnik. Аекскурсиамҩаԥгаҩ Виачеслав Веисер игәиҽанӡамкәа Тҟәарчал ақалақь агәҭа аҽқәа еивасны ишыҩуаз ҭихит.

"Ақалақь салсны санцоз сгәысҽанӡамкәа аҽқәа рацәаны збеит. Еиԥхныҩлон. Ҳәарада иҭысхит", - ҳәа Sputnik иазеиҭеиҳәеит аролик автор.

Веисер Instagram аҿтәи ипост аҵаҟа еиуеиԥшым агәаанагарақәа рыҩуан – избан аҽқәа руак егьи изацҳауаз ҳәа.

"Инстинктуп. Аҽан абналара аҭахын", - ҳәа лыҩуеит аинтернетхархәаҩ Елена. "Рыҩбагь ҽабақәоуп. Ицҳауаз араион иаԥшәмоуп", - иҩуеит Џьамбул Чхапелиа. Уи диқәшаҳаҭуп "Ааԥын, абзиабара иаамҭоуп, уи азоуп аԥшәма егьы аҽы зканацо" ҳәа зыҩуа Лиубаниа.

Иҟан аҭыхымҭа аԥшӡара адагьы ақалақь аԥшӡара еиҳа ихнахыз. "Тҟәарчал - ацивилизациа маҷ... Иҷыдоу ақалақь...", - иҩуеит alkrat78.

Тҟәарчал 1942 шықәсазы ареспублика аиндустриалтә центр аҳасаб ала ишьаҭаркын. Ара арацәа ыҵырхуан. 1992-1993 шықәсазтәи Аԥсны Аџьынџьтәылатә еибашьраан амацәаз иҭакын 413 уахи-ҽни. Ӷьашьа змам ахәрақәа азыннажьит аибашьра аамҭа.

Амшын аԥшаҳәа иаԥным Аԥсны қалақь заҵәуп Тҟәарчал. Ақалақь ашьхара ирҭалаҳан иркуп. Иахьазы Тҟәарчал аинтерес шьҭыркаауа иалагеит Аԥсны асасцәа, аҿиара иалагеит аҭыԥантәи атуризм.

26

Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

1
Ацитрус иаԥырхаго аԥарԥалыкь ықәызго абжы криптоламус ахархәара атәы арадио Sputnik аефир аҿы еиҭалҳәеит Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа.
Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

"Шерстистаиа белокрылка ҳәа изышьҭоу ԥшьышықәса раахыс иазгәаҭан иҳамоyп Аԥсны. Еиҳарак иахьаабо ацитрус аҟноуп, даара аҽамхакны иҟоуп. Ари хәаҷа ҿыцуп. Аҭагылазаашьа ас ианыҟала, ааигәа аинспекциаҿы иҟаз аиԥылараҟны иазыӡбан ахәаҷа зшьуа ахимметод ада, абиометод ахархәара. Абжы криптоламус, уи аԥырԥалыкь иаԥырхагоуп, ус азгәарҭеит аиԥылараҿы аекспертцәа. Макьана иҳазҳәом уи иахәоит ҳәа, аха иалагалазар, ахы шымҩаԥнаго аабарын. 500 цыра аԥсабарахь аушьҭра азгәаҭоуп. Ҳара урҭ аԥсабара ԥырхага анаҭом ҳәа азыҳаԥхьаӡоит", - еиҭалҳәеит Шьынқәырԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

1

Урыстәылатәи аспелеологцәа Веревкин иҳаԥаҿы ахаҵа иԥсыбаҩ рбеит

6
(ирҿыцуп 09:32 05.08.2021)
Урыстәылатәи аспелеологцәа ргәаанагарала Веревкин иҳаԥаҿыарыцҳара ҟалазар ҟалоит 2020 шықәса аԥхын ма ҭагалан.

АҞӘА, нанҳәа 5 – Sputnik, Бадри Есиава. Урыстәылатәи аспелеологцәа Аԥсны иҟоу Веревкин иҳаԥаҿы ахаҵа иԥсыбаҩ рбеит 1100 метра алаҟәыраҿы, абри атәы Sputnik иазеиҭеиҳәеит Урыстәыла аспелеологцәа Реидгыла анапхгара алахәыла Евгени Снедков.

"Нанҳәа 3, асааҭ 4:00 азы Москва, Перовсктәи аклуб аспелеологцәа ргәыԥ, 30 шықәса инарзынаԥшуа Веревкин иҳаԥаҿы аусурақәа мҩаԥызго, атурист иԥсыбаҩ рбеит. Аԥхьа аҭаларҭатә ҵеиџь ахықәаҿ ашаха рбеит, маҭәақәакгьы. Анаҩс 1100 метра алаҟәыраҿ ауаҩы иԥсыбаҩ кнаҳан", - иҳәеит иара.

Снедков иажәақәа рыла иҭахаз дыштуристыз еилкаахеит, избанзар аҳаԥы амаршрут ауадаҩра иақәшәомызт ихархәагақәа. Иҟалоит иара аԥышәеи амчи изымхазар. Уи адагьы асеиԥш иҟоу аҳаԥқәа аӡәы ихала аҭалара ашәарҭадара атехника еиланагоит. Иара ихаҭара шьықәзыргылаша ҳәа аспелеологцәа акгьы рзымԥшааит.

Урыстәылатәи аспелеологцәа ргәаанагарала Веревкин иҳаԥаҿы арыцҳара ҟалазар ҟалоит 2020 шықәса аԥхын ма ҭагалан.

Аспелеологцәа реидгыла Аԥсны АҶА ахь адырра ҟарҵеит.

"Идокументқәеи игәакьацәеи ԥшаатәуп. Иҟаҵатәу дара ирҳәароуп. Асеиԥш аан аԥсыбаҩ аҭгара рҽазыршәоит аха ариаҟара аҵаҟынтә уи уадаҩуп. 50 – 100-ҩык рҟынӡа аспелеологцәа аҭахуп. Аҳаԥаҿы ишәарҭоу аҭыԥқәа ыҟоуп",- иҳәоит Снедков.

Иара иҳәеит Аԥсныҟа амҩа ишықәло аспелеологцәа Реидгылаҟынтә уи азы аҳәара ҟаҵахар.

2020 шықәса нанҳәамзазы Арбаика аҳаԥаҿы дҭахеит аспелеолог Павел Демидов. Иԥсыбаҩ 300 метра рҟынтә ихагалан.
Веревкин иҳаԥы адунеи аҿы реиҳа иҵаулоу ҳәа иԥхьаӡоуп. 2018 шықәсазы урыстәылатәи аспелеологцәа 2212 метра илбааит.

6