Урыстәылатәи аделегациа Гагра Аинвестпрограммала идыргыло аобиектқәа гәарҭеит

75
(ирҿыцуп 17:02 15.04.2021)
Уаанӡа, 2020 шықәса нанҳәамзазы Аԥсны даҭаахьан Урыстәыла аекономикатә ҿиара аминистр актәи ихаҭыԥуаҩ Михаил Бабич Аинвестициатә программа 2017-2019 аобиектқәа рыргылара шцо ибаразы.

АҞӘА, мшаԥы 15 - Sputnik, Асмаҭ Ҵәыџьԥҳа. Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсны иааны иҟоуп Аинвестициатә программала аобиектқәа рыргылара шцо рбаразы.

Урыстәыла аекономикатә ҿиара аминистр ихаҭыԥуаҩ Сергеи Назаров зхадараҿы дыҟоу аделегациа зремонт хыркәшоу Гагратәи агәашьаркырахь (аколоннада - аред.) инеит.

Аобиект ашьаҭа рӷәӷәаны, ареставрациатә усурақәа адуланы ахархәарахь инашьҭуп.

Ахәҭакахьала аремонттә усурақәа мҩаԥгоуп Гагратәи аԥшаҳәаҿы. Иԥсахуп ашьаҟамҩатә плитка, акоммуникациақәа, адренажтә система, иазԥхьагәаҭоуп фымцалашарала аиқәыршәараз аусурақәа, апарк ариаҵәара. Иара убасгьы апарк аҩнуҵҟа атәарҭақәа ргылахоит, лашарала еиқәыршәахоит. УКС аиҳабы Ҭемыр Агрба иажәақәа рыла, аремонттә усурақәа ахәҭакахьала иаанкылоуп, Аинвестпрограмма аԥарашәара алимити аилаӡара ахәԥсеи ахьеиқәымшәо азы, иахәҭаны иҟоуп апроект ариашарақәа ралагалара.

Назаров ариашарақәа ирзымԥшкәа аусурақәа ирыцҵатәуп иахьазы иҟоу аԥарақәа рхархәарала ҳәа иҳәеит.

Гагратәи агәашьаркыра аремонтгьы мҩаԥысуан Аинвестициатә программа аԥарақәа рыла. Уи иазоужьын 13 миллион мааҭ. Аусурақәа мҩаԥысуан 2018 шықәса раахыс.

Аделегациа иара убасгьы иаҭааит асасааирҭа "Тотус".

2015 шықәсазы Аԥсны аекономика аминистрреи Москва аинвестициатә маҵзуреи раԥшьгамҭала урыстәылатәи абанкқәа хԥа аԥснытәи анаплакыҩцәа акредитқәа рыҭара иалагеит 10% ҳәа льготала.

Апрограмма алахәхаразы аиааира ргеит асасааирҭақәа хԥа, ашәырқашь аҟаҵаразы азауад, аҭубар-зауад, ачаӡырҭа, ашьаҳариазауад, анашеи апатырџьани раарыхырҭа агрокомплекс.

Гагратәи асасааирҭа "Тотус" кредит ҳасабла 275 миллион мааҭ аиуит. Аԥарахынҳәра мҩаԥысуан 2020 шықәсанӡа, нас пандемиа иахырҟьаны иаанкылан, иаанкылан апроцентқәагьы. Иахьазы апроценттә уал 6 миллион мааҭ инаӡоит.

Урыстәыла аекономикатә ҿиара аминистр ихаҭыԥуаҩ Сергеи Назаров иҳәеит асасааирҭа аремонт ахыркәшарахь инеит ҳәа. УКС аиҳабы Ҭемыр Агрба иажәақәа рыла, апроект анагӡаразы даҽа 23 миллион мааҭ шазоужьыз.

Уаанӡа, 2020 шықәса нанҳәамзазы Аԥсны иаҭааит Урыстәыла аекономикатә ҿиара аминистр актәи ихаҭыԥуаҩ Михаил Бабич зхадараҿы дыҟаз аделегациа, Аинвестициатә программа 2017-2019 аобиектқәа рыргылара шцо абаразы. Аделегациа ыҟан Гагреи Гәдоуҭеи араионқәа робиектқәа рҿы. Иара убасгьы Михаил Бабичи Аԥсны ахада Аслан Бжьаниеи аицәажәара рыман.

75

Аԥсны агәабзиарахьчара аминистрра алабораториақәа Очамчыреи Гагреи аусура ианалаго рҳәеит

0
(ирҿыцуп 10:58 05.08.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22642-ҩык ыҟоуп, ргәы бзиахеит 18189-ҩык, рыԥсҭазаара иалҵит 320-ҩык.

АҞӘА, нанҳәа 5 – Sputnik, Бадраҟ Аҩӡба. COVID-19 амазаара аҭҵааразы ПЦР-лабораториа Гагра аусура иазырхиоуп ҳәа иҳәеит Аԥсны Агәабзиарахьчара аминистр Едуард Быҭәба.

"Гагратәи алабораториа аусура ишаалагалак Аҟәатәи абактериологиатә лабораториа еиҳа ахы иақәиҭхоит. Алабораториаз ауада аремонт азуын Гагра араион ахадара амчала. Ахархәагақәа аахәан ареспубликатә биуџьет аԥарақәа рыла", - иҳәеит иара.

Аминистр иазгәеиҭеит алабораториа 200 рҟынӡа биоматериал уахыки-ҽнаки рыла адкылара шалшо. Ԥхынгәы 22 аахыс алабораториа атест режим ала аусура мҩаԥнагон.

Уи адагьы Едуард Быҭәба иҳәеит ареспубликатә биуџьет COVID-19 аламырҵәара иазнархаз аԥарақәа рыхәҭак ала Очамчыра алабараториа шаартхо.

"Иахьазы Очамчыратәи алабараториа аперсонал Ареспубликатә санитар-бактериологиатә лабораториаҿы аԥышәа иахысуеит" - иҳәеит иара.

Алабораториа аусура иалагоит атехникатәии адокументациатәии ҟазшьа змоу азҵаарақәа рҭыԥ ишықәҵахалак, аперсонал шазыҟаҵахалак.

0

Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

1
Ацитрус иаԥырхаго аԥарԥалыкь ықәызго абжы криптоламус ахархәара атәы арадио Sputnik аефир аҿы еиҭалҳәеит Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа.
Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

"Шерстистаиа белокрылка ҳәа изышьҭоу ԥшьышықәса раахыс иазгәаҭан иҳамоyп Аԥсны. Еиҳарак иахьаабо ацитрус аҟноуп, даара аҽамхакны иҟоуп. Ари хәаҷа ҿыцуп. Аҭагылазаашьа ас ианыҟала, ааигәа аинспекциаҿы иҟаз аиԥылараҟны иазыӡбан ахәаҷа зшьуа ахимметод ада, абиометод ахархәара. Абжы криптоламус, уи аԥырԥалыкь иаԥырхагоуп, ус азгәарҭеит аиԥылараҿы аекспертцәа. Макьана иҳазҳәом уи иахәоит ҳәа, аха иалагалазар, ахы шымҩаԥнаго аабарын. 500 цыра аԥсабарахь аушьҭра азгәаҭоуп. Ҳара урҭ аԥсабара ԥырхага анаҭом ҳәа азыҳаԥхьаӡоит", - еиҭалҳәеит Шьынқәырԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

1