Озгани Назарови аиҳабыра реилатәараҿы излацәажәоз атәы еиҭарҳәеит

26
Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсны иааны иҟоуп 2020-2022 шықәсқәа рызтәи Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы.

АҞӘА, мшаԥы 16 - Sputnik, Бадраҟ Аҩӡба. Урыстәыла аекономикатә ҿиара аминистр ихаҭыԥуаҩ Сергеи Назарови Аԥсны аԥыза-министр ихаҭыԥуаҩ, аекономика аминистр Кристина Озгани Аминистрцәа реилазаараҿы имҩаԥгаз аилацәажәара аихшьалақәа ртәы еиҭарҳәеит мшаԥы 16 рзы.

"Ҳара Урыстәылатәи Афедерациа злахәу Аинвестициатә программа шымҩаԥысуа ҭаҳҵааит, иҟоу ауадаҩрақәеи апрограмма анагӡара аҿҳәареи ҳрызхәыцит. Уи адагьы ҳалацәажәеит Урыстәылеи Аԥсни рзакәанԥҵара асинхронизациа", - ҳәа иҳәеит иара.

Аминистрцәа реилазаараҿы излацәажәоз азҵаарақәа иреиуан аҳазалхратә закәанԥҵара аусхк.

"Ари азҵаара инҭкааны ҳалацәажәеит. Аҳәынҭқаррақәа рыҩбагьы рзакәанԥҵарақәа реишьаршәалара аусура акыр иармариоит, ауааи атауарқәеи реиҭаҵра арманшәалоит. Уи иахьазы иактуалу усуп", - ҳәа иҳәеит Назаров.

Иаҩымсит ареспублика фымцамчхарала аиқәыршәара азҵаарагьы.

"Иахьазы ареспубликаҿ абри аганахьала ауадаҩрақәа ыҟоуп. Урҭ асистематә ҟазшьа рыманы иҟоуп. Ари аҭагылазаашьа аҭыԥ ақәҵаразгьы ихымԥадатәиу азакәанԥҵара еиҿкаарыла асинхронизациа азуроуп", - ҳәа азгәеиҭеит Сергеи Назаров.

Аԥсны аекономика аминистр Кристина Озган илҳәеит азҵаарақәа ирхаданы иҟоу ареспублика аенергосистема азҵаара аӡбароуп ҳәа.

"Иҟаҵатәу шыҟаҵатәу азы адырра ҳамоуп. Урыстәыла аекономикатә ҿиара аминистрреи Урыстәыла афымцамч аминистрреи ҳареи ҳҽеибаркны ҳус мҩаԥаагоит", - ҳәа лҳәеит лара.

Лара агәыӷра аалырԥшит Урыстәыла ацхыраарала зыӡбахә ҳәоу азҵаарақәа рҭыԥ ишықәҵахо азы.

Иара убас шәаԥхьар ҟалоит:

26

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау

Урыстәылатәи азенитчикцәа Амшын еиқәа акваториаҿы аԥырҩы дызҭам ихархәагақәа ҭадырхеит

3
Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

АҞӘА, лаҵара 12 - Sputnik. Аԥсны иҟоу Урыстәыла Аладатәи арратә округ азенит ракетатә ҟәшақәа аҽазыҟаҵарақәа мҩаԥыргеит. Аҽазыҟаҵарақәа раан Урыстәылатәи азенитчикцәа Амшын еиқәа акваториаҿы "аӷа" аԥырҩы дызҭам ихархәагақәа карыжьит ҳәа аанацҳауеит аокруг апресс-маҵзура.

"Аӷа" иԥрыгатә хархәагақәа ракәны ахархәара рыҭан аԥрыга аппаратқәа "Орлан", "Застава", "Гранат". Ацәҟьарақәа ирықәдыршәон аракетақәа релектронтә ҭырҟьагақәа рыла.

Аусдҵақәа рынагӡаразы аруаа атехника аибашьратә ҭагылазаашьала иаздырхиеит, ахацыркратә позициақәа ааныркылеит, еиҿыркааит аимадареи анапхгараҭареи рсистема. Абри ашьҭахь аԥшыхәра мҩаԥганы Амшын еиқәа акваториаҿы аԥырҩы дызҭам ахархәагақәа карыжьит.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруааи 40 ак арратә техникеи алархәны. Ахархәара рыҭан азенит-ракетатә комплексқәа "Оса-АКМ", "Стрела-10" , еиҭарго ЗРК "Игла".

3