Назаров Аинвестпрограмма анагӡашьазы: зҵаара дук цәырымҵит

© Sputnik Деньги
Деньги  - Sputnik Аҧсны, 1920, 16.04.2021
Анапаҵаҩра
Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсны иааны иҟоуп 2020-2022 шықәсқәа рызтәи Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы.

АҞӘА, мшаԥы 16 – Sputnik. Аԥсны асоциал-економикатә ҿиара Аинвестициатә программа анагӡашьазы зҵаара дук ҳазцәырымҵит ҳәа арадио Sputnik аефир аҿы иҳәеит Урыстәыла аекономикатә ҿиара аминистр ихаҭыԥуаҩ Сергеи Назаров.

Встреча с представителями Минэкономразвития России - Sputnik Аҧсны, 1920, 16.04.2021
Озгани Назарови аиҳабыра реилатәараҿы излацәажәоз атәы еиҭарҳәеит

"2020-2022 шықәсқәа рызтәи Аинвестициатә программа аобиектқәа ҳарҭаан иаабеит. Зҵаара ҳазцәыррымгеит. Иаабеит ахыркәшара иазыхиоу аобиектқәа. Иҟоуп аиҵахарақәа аҭыԥ ахьрымоу, аха аҿҳәарақәа рықәаҳҵеит. Иҟоуп комплексла изызнеитәыз аусурақәа. Ҿырԥштәыс иаагозар, Гагра ацрыҵрыцқьарҭа ргыламҭақәа рҿы маҷк аусеиқәымшәара аҭыԥ амоуп. Ацрыҵрыцқьарҭа аргылара иаҿуп, уи аԥхьа аӡыҭгага станциа ргылоуп, аха асистема инеидкыланы аусуразы аколлектор аргылара рхашҭит. Асеиԥш аҭагылазаашьаан ари баша ԥараныхрахоит", - ҳәа иҳәеит иара.

Назаров агәыӷра ааирԥшит Аинвестпрограмма анагӡараҿ проблема ҟаларым ҳәа.

Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсны иааны иҟоуп 2020-2022 шықәсқәа рызтәи Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы. Иаци иахьеи аделегациа алахәылацәеи Аԥсны анапхгареи аиҳабыреи аиԥыларақәа мҩаԥыргеит.

Иахьа Аԥсны Мрагыларатәи ахәҭаҿы аобиектқәа ргәаҭарақәа мҩаԥысуеит.

Иара убас шәаԥхьар ҟалоит:

Ажәабжьқәа зегьы
0