Иԥсҭазаара далҵит Аџьынџьтәылатә еибашьра Ду аветеран Илиа Ачба

26
(ирҿыцуп 09:39 19.04.2021)
Аџьынџьтәылатә еибашьра Ду аветеран Илиа Ачба 3-тәи Украинатәи афронт далахәны Румыниа, Болгариа, Чехословакиа, Иугославиа, Венгриа рхы иақәиҭитәуан.

АҞӘА, мшаԥы 18 - Sputnik. Шәышықәса дшырҭагылаз иԥсҭазаара далҵит Аџьынџьтәылатә еибашьра Ду аветеран Илиа Ачба, абри атәы Spunik иазааицҳаит Аџьынџьтәылатә еибашьра Ду аџьеи аруааи рветеранцәа рхеилак ахантәаҩы, аинрал-маиор Закан Нанба.

"Иара дыруаӡәкын хамеигӡарыла, гәымшәарыла зыԥсадгьыл зыхьчоз, изныкымкәа ахәрақәа шиоухьазгьы, афронт ахь деиҭагьежьон", - иҳәеит Нанба.

Мызқәак раԥхьа Аџьынџьтәылатә еибашьра Ду аветеран 99 шықәса ихыҵит. Sputnik Аԥсны уаанӡа иаиҭахьаз иинтервиуқәа руак аҟны ииҳәахьан - шәышықәса днеины Аиааира Ду даԥылар шиҭаху.

Мышқәак раԥхьа Илиа Ачба игәабзиара дахашшаауа далагеит, иҳәеит Нанба, Аԥсныҟа иаразнак дааит иԥа, иара дынхоит Санкт-Петербург, дҳақьымуп.

"Иара ареанимациа дҭашәеит. Иахьа ашьыжь Илиа Наҳарбеи-иԥа иԥсҭазаара далҵит. Гәалсра дууп", - иҳәеит Закан Нанба.

Илиа Ачба иеибашьратә мҩа

233-тәи ахысратә дивизиа иатәыз 57-тәи аполк далахәны Румыниа, Болгариа, Чехословакиа, Иугославиа, Венгриа рхы иақәиҭитәуан. Хынтә ахәрақәа иоухьан.

1944 шықәса рзы 572-тәи аполк аибашьцәа аӡиас Дунаи армаратәи аҿықә иаваршәны ахырӷәӷәарҭақәа ааныркылеит. Ари аҭыҧ аҿы ауп Илиа Ачба иуникалтәу арратә аоперациа иҽалаирхәыртә еиҧш алшара ахьиоуз. Иара дызлаз аибашьцәа гәыҧҩык адҵа рыҭан абаржақәа рыла, аӷацәа рганахь аимадара алзыршоз асистема аиагара. Уи алшара ҟанаҵон аӷацәа ртәарҭақәеи, рхыԥхьаӡареи аилкаара. Имҩаԥгаз аоперациа иабзоураны аибашьцәа ирылшеит аӷацәа ааха ӷәӷәақәа рыҭара. Венгриатәи ақалақь Пешт аҭарцәраан инапы ахы ақәшәеит. 

Илиа Ачба аҩныҟа дгьыжьуеит иԥсы ҭаны, аинвалидра аҩбатәи агәыԥ иманы. Аиааира амш даԥылеит инапы агиԥс аманы, алабақәа иҽрынҵаны.

Илиа Ачба ианашьоуп Аџьынџьтәылатә еибашьра аорден I, II аҩаӡарақәа, Аеҵәа Ҟаԥшь аорден,  "Агәымшәараз" амедал.

26

Иҳаҩсыз уахыки-ҽнаки рыла даҽа 52-ҩык акоронавирус рыдырбалеит Аԥсны

4
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14795-ы ыҟоуп, ргәы бзиахеит 13780-ҩык, рыԥсҭазаара иалҵит 222-ҩык.

АҞӘА, лаҵара 7 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 334-ҩык атестқәа рзыҟаҵан, урҭ рахьтә 52-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 45-ҩык акоронавирус адиагноз рзышьақәыргылоуп, рҭагылазаашьа бааԥсуп 26-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 13-ҩык, Гагратәи ахәышәтәырҭаҿы - 21-ҩык, Тҟәарчалтәи ахәышәтәырҭаҿы - хәҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау

Габуниа Дәрыԥшь имҩаԥысран иҟоу аҽырыҩрақәа рзы: ақыҭақәа зегьы рзы ныҳәа дууп

9
Аџьынџьтәылатә еибашьра Ду аҿы Аиааира 76 шықәса ахыҵра аҳаҭыраз Дәрыԥшь ақыҭан имҩаԥысуеит аҽырыҩрақәа. Урҭ шеиҿкаахо, насгьы иалахәхо акомандақәа ртәы арадио Sputnik аефир аҿы еиҭеиҳәеит аҽырыҩраҿы аӡбаҩ хада имаӡаныҟәгаҩ Џьума Габуниа.
Раионк аԥсҭазаараҟынтә: Габуниа Дәрыԥшь имҩаԥысран иҟоу аҽырыҩрақәа ирызкны

"Маи 8-9 Гәдоуҭа араион ф-қыҭак злахәу аныҳәа дуӡӡа амҩаԥгара ҳазыхиоуп, ашҭа маншәлоуп, аҽқәа уахь инаргаран иҟаз зегьы иахьа инагоуп. Аҽқәа рҭыԥ дара ақыҭақәа рхала, рџьабаала иҟарҵеит. Араион аҟынтә ф-командак 50-50 нызқь мааҭ рыҭоуп, ацхыраара ҳасабала. Иҟоуп раԥхьаӡа акәны ас еиԥш аҽырхәмаррақәа ирылахәу. Иҟоуп раԥхьаӡа акәны иҽыжәлазгьы, ус ҳара ҳҿы дыҟоуп 9 класск рҿы итәоу аҽыуаҩ қәыԥш. Ари аныҳәа ҳажәлар еиднакылоит, аԥсуа жәынгьы-ҿангьы ирымаз аспорт аихьӡарақәа аазырԥшуаз, аԥсҭазаара дуӡӡа ԥхьаҟа изгоз ажәларқәа ҳреиуоуп ҳара. Иҟан аамҭақәа 10 командак рҟынӡа ианыҟаз. Аԥсуа ҽыбӷаҟазаратә хәмаррақәа раԥхьа имҩаԥган Абгархықә, нас Аҷандара, Аацы, абарҭ ақыҭақәа зегьы рзы ари амш азы аныҳәа дуӡӡа ҟарҵон, иара усгьы иҟоуп иахьагьы", - ҳәа еиҭеиҳәеит Габуниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

9