Ачемпионат "Lamborghini Super Trofeo-2021" аҿы Дмитри Ӷәазаа аиааира игеит

9
(ирҿыцуп 09:13 19.04.2021)
Аԥснытәи аспортсмен, автоеиԥхныҩлара алахәыла Дмитри Ӷәазааи италиатәи акоманда "Target Racing"-и аилаӡара рыбжьарҵеит. Уи инақәыршәаны иара европатәи ачемпионат "Lamborghini Super Trofeo-2021" аҿы хәажәкырамза анҵәамҭазы дықәгылеит.

АҞӘА, мшаԥы 19 – Sputnik, Бадраҟ Аҩӡба. Аԥснытәи аспортсмен Дмитри Ӷәазаа европатәи ачемпионат "Lamborghini Super Trofeo-2021" аҿы акласс Pro-AM аҟны италиатәи акоманда "Target Racing" апилотк иаҳасабала аиааира игеит.

"Автоеиԥхныҩлара мҩаԥысуан Монце автодром аҿы. Ари культтә автодромуп, ирццаку трассоуп. Раԥхьаӡа акәны ара сықәгылон. Ҩымчыбжь аԥхьа атестқәа сырхысит", - Sputnik иазеиҭеиҳәеит Дмитри Ӷәазаа.

Акоманда "Target Racing" апилот иара убасгьы еиҭеиҳәеит ачемпионат актәи аицлабра 13 машьына шалахәыз.

"Абсолиут ала ҳжәаҩатәины ҳгылан, акласс аҿы ҳахԥатәины. Амашьына амаршәа кны ҳныҟәарала абсолиут аҿы ҳаԥшьбатәихеит, ҳакласс аҿы – аиааира аагеит", - иҳәеит аспортсмен.

Дмитри Ӷәазаа дицықәгылон италиатәи аспортсмен қәыԥш Андреа Колои, "Формула-3" уаанӡатәи алахәыла.

"Lamborghini Super Trofeo-2021" инеиԥынкыланы фымчыбжь рыԥсшьарамшқәа раан имҩаԥыслоит Италиа, Франциа, Нидерландқәа, Бельгиа, Германиа. Ачемпионат хнаркәшоит "Lamborghini World Final", жьҭаара 30 - 31 рзы италиатәи атрасса Мизано аҿы.

Дмитри Ӷәазаа - профессионалтә спортсменуп, автоеиԥхныҩларақәа дрылахәуп 2010 шықәса раахыс. 2018 шықәса абҵарамзазы иара акатегориа PRO иатәу аиԥхныҩларақәа Mitjet 2L рҿы Урыстәыла дачемпионхеит. 2019 шықәсазы Франциаҟа диасит, далахәын акласс GT4 иатәу аицлабрақәа. 2019 шықәсазы Дмитри Ӷәазаа дызлахәыз франциатәи акоманда "Speed Car" атурнир "Шесть часов Ле-Мана" аҿы аиааира агеит.

9

Иҳаҩсыз уахыки-ҽнаки рыла даҽа 52-ҩык акоронавирус рыдырбалеит Аԥсны

4
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14795-ы ыҟоуп, ргәы бзиахеит 13780-ҩык, рыԥсҭазаара иалҵит 222-ҩык.

АҞӘА, лаҵара 7 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 334-ҩык атестқәа рзыҟаҵан, урҭ рахьтә 52-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 45-ҩык акоронавирус адиагноз рзышьақәыргылоуп, рҭагылазаашьа бааԥсуп 26-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 13-ҩык, Гагратәи ахәышәтәырҭаҿы - 21-ҩык, Тҟәарчалтәи ахәышәтәырҭаҿы - хәҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау

Габуниа Дәрыԥшь имҩаԥысран иҟоу аҽырыҩрақәа рзы: ақыҭақәа зегьы рзы ныҳәа дууп

9
Аџьынџьтәылатә еибашьра Ду аҿы Аиааира 76 шықәса ахыҵра аҳаҭыраз Дәрыԥшь ақыҭан имҩаԥысуеит аҽырыҩрақәа. Урҭ шеиҿкаахо, насгьы иалахәхо акомандақәа ртәы арадио Sputnik аефир аҿы еиҭеиҳәеит аҽырыҩраҿы аӡбаҩ хада имаӡаныҟәгаҩ Џьума Габуниа.
Раионк аԥсҭазаараҟынтә: Габуниа Дәрыԥшь имҩаԥысран иҟоу аҽырыҩрақәа ирызкны

"Маи 8-9 Гәдоуҭа араион ф-қыҭак злахәу аныҳәа дуӡӡа амҩаԥгара ҳазыхиоуп, ашҭа маншәлоуп, аҽқәа уахь инаргаран иҟаз зегьы иахьа инагоуп. Аҽқәа рҭыԥ дара ақыҭақәа рхала, рџьабаала иҟарҵеит. Араион аҟынтә ф-командак 50-50 нызқь мааҭ рыҭоуп, ацхыраара ҳасабала. Иҟоуп раԥхьаӡа акәны ас еиԥш аҽырхәмаррақәа ирылахәу. Иҟоуп раԥхьаӡа акәны иҽыжәлазгьы, ус ҳара ҳҿы дыҟоуп 9 класск рҿы итәоу аҽыуаҩ қәыԥш. Ари аныҳәа ҳажәлар еиднакылоит, аԥсуа жәынгьы-ҿангьы ирымаз аспорт аихьӡарақәа аазырԥшуаз, аԥсҭазаара дуӡӡа ԥхьаҟа изгоз ажәларқәа ҳреиуоуп ҳара. Иҟан аамҭақәа 10 командак рҟынӡа ианыҟаз. Аԥсуа ҽыбӷаҟазаратә хәмаррақәа раԥхьа имҩаԥган Абгархықә, нас Аҷандара, Аацы, абарҭ ақыҭақәа зегьы рзы ари амш азы аныҳәа дуӡӡа ҟарҵон, иара усгьы иҟоуп иахьагьы", - ҳәа еиҭеиҳәеит Габуниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

9