Амаланыҟәатә марафон "Еверестинг" раԥхьаӡа акәны Аԥсны имҩаԥысит

5
Аԥышәарақәа ирылагеит мшаԥы 18 ашьыжь асааҭ 4 рзы, ихыркәшахеит 22 сааҭи 5 минуҭки рышьҭахь.

АҞӘА, мшаԥы 19 – Sputnik, Бадраҟ Аҩӡба. Аклуб "Sport Apsny" алахәыла Асҭамыр Мамед-оӷлы раԥхьаӡа акәна Аԥсны имҩаԥигеит амаланыҟәатә марафон "Еверестинг". Абри атәы иара Sputnik иазеиҭеиҳәеит.

"Амаланыҟәатә марафон "Еверестинг" 22 сааҭи 5 минуҭки имҩаԥысуан. Амарафон анхацҳаркуаз ақәоура иалагеит. Сара дсыцын Саид Аргәын. Иара афатә-ажәтә азы аҭакԥхықәра идын. Аҟәатәи ашьхахь 65-нтә схалан сылбааит. Иааидкыланы атрасса 9 000 метра ҟалеит, аҩаӡара 8 848 метра – Еверест аҟара. Уи ашьха маланыҟәала уахьызхамло азы амаланыҟәарныҟәцаҩцәа абасеиԥш ачеллендж ҟарҵалоит", - иҳәеит иара.

Аҟәатәи ашьхаҟынтә албаара еиҳа иуадаҩуп ахалара аасҭа. Амҩа бааԥсуп иҳәеит иара иагьазгәеиҭеит амарафон азы иагькаршәрам иагьыҿҟьарам амҩа аҭахуп ҳәа.

Посмотреть эту публикацию в Instagram

Публикация от Astamur (@astamur_010)

Аспортсмен имарафон хациркит анаркологиатә диспансер аҟынтә, дхалон Аҟәатәи ашьха анаԥшааԥшратә ҭыԥ аҟынӡа.

""Еверестинг" Аԥсны раԥхьаӡа акәны имҩаԥган. Ари психологиалагьы махашьахалагьы иуадаҩу усуп", - ҳәа иҳәеит иара.

"Еверестинг" аԥҟарақәа рыла, амассажҟаҵараз, акрыфараз, акрыжәраз уаангылар ҟалоит, аха амаланыҟәарныҟәцаҩ уи заҟа аамҭа маҷны иақәирӡуа аихшьалаамҭа ианыԥшуеит.

Ачеллендж амҩаԥгара аамҭа ҭанаҩуеит асистема GPS ала еиқәыршәоу асааҭ ҳәа иҳәоит Мамед-оӷлы.

© Foto / Астамур Мамед-оглы
Ачеллендж амҩаԥгара аамҭа ҭазыҩуа асистема GPS ала еиқәыршәоу асааҭ

"Психологиала даара иуадаҩуп, аха сҩызцәа адгылара сырҭон. "Еверестинг" аӡәы ихала изымҩаԥгом, иҟазароуп "аҽыхацәа". Сара аҭелҵәҟьа сымамызт, укапан заҟа иузеиҵатәуа бзиоуп, 50-100 граммкгьы аҵакы рымоуп. Сҩызцәа сыфатә, сыжәтә иаҵан", - ҳәа иҳәеит иара.

Амарафон мҩаԥысуанаҵы Асҭамыр Мамед-оӷлы техникатә проблемак имоуӡеит.

"Иҟоуп асаит, Австралиа амаланыҟәарныҟәцаҩцәа рыклуб хылаԥшра азҭо, уа иркьыԥхьуеит ари адистанциа иахысыз аеверестерцәа зегьы рыӡбахә. Урҭ улҵшәақәа рзушьҭуеит, зегь иашаны иҟаҵазар, ахьӡ-аԥша азал ахь уанырҵоит. Изныкымкәа сыҽрымаздахьеит. Амарафон сзымҩаԥгар, Аԥсны – Аҟәа ҳәа сҭарҩырц, Қырҭтәыла-Сухуми ҳәа акәымкәа. Дара уи иақәшаҳаҭхеит", - ҳәа иҳәеит аспортсмен.

Асҭамыр Мамед-оӷлы Австралиаҟа илҵшәақәа ишьҭит. Амарафон қәҿиарала ишымҩаԥигаз азы аинформациа асаит аҿы ицәырҵхьеит.

5

Иҳаҩсыз уахыки-ҽнаки рыла даҽа 52-ҩык акоронавирус рыдырбалеит Аԥсны

4
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14795-ы ыҟоуп, ргәы бзиахеит 13780-ҩык, рыԥсҭазаара иалҵит 222-ҩык.

АҞӘА, лаҵара 7 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 334-ҩык атестқәа рзыҟаҵан, урҭ рахьтә 52-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 45-ҩык акоронавирус адиагноз рзышьақәыргылоуп, рҭагылазаашьа бааԥсуп 26-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 13-ҩык, Гагратәи ахәышәтәырҭаҿы - 21-ҩык, Тҟәарчалтәи ахәышәтәырҭаҿы - хәҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау

Габуниа Дәрыԥшь имҩаԥысран иҟоу аҽырыҩрақәа рзы: ақыҭақәа зегьы рзы ныҳәа дууп

9
Аџьынџьтәылатә еибашьра Ду аҿы Аиааира 76 шықәса ахыҵра аҳаҭыраз Дәрыԥшь ақыҭан имҩаԥысуеит аҽырыҩрақәа. Урҭ шеиҿкаахо, насгьы иалахәхо акомандақәа ртәы арадио Sputnik аефир аҿы еиҭеиҳәеит аҽырыҩраҿы аӡбаҩ хада имаӡаныҟәгаҩ Џьума Габуниа.
Раионк аԥсҭазаараҟынтә: Габуниа Дәрыԥшь имҩаԥысран иҟоу аҽырыҩрақәа ирызкны

"Маи 8-9 Гәдоуҭа араион ф-қыҭак злахәу аныҳәа дуӡӡа амҩаԥгара ҳазыхиоуп, ашҭа маншәлоуп, аҽқәа уахь инаргаран иҟаз зегьы иахьа инагоуп. Аҽқәа рҭыԥ дара ақыҭақәа рхала, рџьабаала иҟарҵеит. Араион аҟынтә ф-командак 50-50 нызқь мааҭ рыҭоуп, ацхыраара ҳасабала. Иҟоуп раԥхьаӡа акәны ас еиԥш аҽырхәмаррақәа ирылахәу. Иҟоуп раԥхьаӡа акәны иҽыжәлазгьы, ус ҳара ҳҿы дыҟоуп 9 класск рҿы итәоу аҽыуаҩ қәыԥш. Ари аныҳәа ҳажәлар еиднакылоит, аԥсуа жәынгьы-ҿангьы ирымаз аспорт аихьӡарақәа аазырԥшуаз, аԥсҭазаара дуӡӡа ԥхьаҟа изгоз ажәларқәа ҳреиуоуп ҳара. Иҟан аамҭақәа 10 командак рҟынӡа ианыҟаз. Аԥсуа ҽыбӷаҟазаратә хәмаррақәа раԥхьа имҩаԥган Абгархықә, нас Аҷандара, Аацы, абарҭ ақыҭақәа зегьы рзы ари амш азы аныҳәа дуӡӡа ҟарҵон, иара усгьы иҟоуп иахьагьы", - ҳәа еиҭеиҳәеит Габуниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

9