Ашьапылампыл азы Аԥсны ачемпионат аартхоит "Самырзаҟани" "Риҵеи" рыхәмаррала

6
(ирҿыцуп 15:22 20.04.2021)
XXVIII Аԥсны ачемпионат иалахәхоит акомандақәа ааба: "Саӡ", "Гагра", "Афон", "Риҵа", "Динамо", "Нарҭ", "Самырзаҟан", "Шахтиор".

АҞӘА, мшаԥы 20 – Sputnik. XXVIII ашьапылампыл азы Аԥсны ачемпионат аадыртуеит Гал ақалақь аҿы, еиԥылоит аҭыԥантәи "Самырзаҟани" гәдоуҭатәи "Риҵеи". Ахәмарра иалагоит асааҭ 16:00 рзы. Абри атәы аанацҳауеит ашьапылампыл азы Афедерациа.

Актәи атур аан еиқәшәоит аҟәатәи "Нарҭи" тҟәарчалтәи "Шахтиори", ахәмарра мҩаԥысуеит мшаԥы 21 рзы.

Аҟәатәи акоманда "Динамо" цандрыԥшьтәи "Саӡ" мшаԥы 22 рзы еиԥылоит. Актәи атур хыркәшахоит мшаԥы 23 рзы акомандақәа "Гагреи" "Афони" реицыхәмаррала.

XXVIII ашьапылампыл азы Аԥсны ачемпионат мҩаԥысуеит мшаԥы 20 инаркны абҵарамзанӡа. Актәи аикәшара мҩаԥысуеит рашәарамзанӡа, аҩбатәи аикәшара – цәыббрамзазы иалагоит.

6

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау

Урыстәылатәи азенитчикцәа Амшын еиқәа акваториаҿы аԥырҩы дызҭам ихархәагақәа ҭадырхеит

3
Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

АҞӘА, лаҵара 12 - Sputnik. Аԥсны иҟоу Урыстәыла Аладатәи арратә округ азенит ракетатә ҟәшақәа аҽазыҟаҵарақәа мҩаԥыргеит. Аҽазыҟаҵарақәа раан Урыстәылатәи азенитчикцәа Амшын еиқәа акваториаҿы "аӷа" аԥырҩы дызҭам ихархәагақәа карыжьит ҳәа аанацҳауеит аокруг апресс-маҵзура.

"Аӷа" иԥрыгатә хархәагақәа ракәны ахархәара рыҭан аԥрыга аппаратқәа "Орлан", "Застава", "Гранат". Ацәҟьарақәа ирықәдыршәон аракетақәа релектронтә ҭырҟьагақәа рыла.

Аусдҵақәа рынагӡаразы аруаа атехника аибашьратә ҭагылазаашьала иаздырхиеит, ахацыркратә позициақәа ааныркылеит, еиҿыркааит аимадареи анапхгараҭареи рсистема. Абри ашьҭахь аԥшыхәра мҩаԥганы Амшын еиқәа акваториаҿы аԥырҩы дызҭам ахархәагақәа карыжьит.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруааи 40 ак арратә техникеи алархәны. Ахархәара рыҭан азенит-ракетатә комплексқәа "Оса-АКМ", "Стрела-10" , еиҭарго ЗРК "Игла".

3