Асахьаҭыхыҩ Лиудмила Будиак лцәыргақәҵа аатит Аҟәа

7
(ирҿыцуп 19:44 20.04.2021)
Лиудмила Будиак лекспозициа аҭааҩцәа ирбар рылшоит Ацәыргақәҵатә зал хадаҿы мшаԥы 30 рҟынӡа.

АҞӘА, мшаԥы 20 – Sputnik, Бадраҟ Аҩӡба. Асахьаҭыхыҩ Лиудмила Будиак лцәыргақәҵа "Гәаартыла" Аҟәа мшаԥы 20 рзы Ацәыргақәҵатә зал аҿы иаатит.

"Гәаартыла" – ретроспективтә цәыргақәҵоуп. Ара еидкылоуп аҭыхымҭа ҿыцқәа реиԥш 70-80-тәи ашықәсқәа рзы иҭылхызгьы. Дара Аҳәынҭқарратә сахьаҭыхратә галереиаҿгьы еиқәханы иҟоуп, "Амҳаџьырқәа" захьӡу усумҭак ыҟоуп Дырмит Гәлиа имузеи аҿы. Лиудмила – Аҟәа ииз, иааӡаз, ара збаҩхатәра аҽарҭбааз сахьаҭыхҩуп. Лусумҭақәа рҿгьы Аҟәа зегьы ирыҵубаауеит", - ҳәа лҳәоит азал адиректор Ельвира Арсалиаԥҳа.

Лиудмила Будиак ацәыргақәҵа аҭааҩцәа ҭабуп ҳәа ралҳәеит лырҿиамҭақәа рбаразы иахьымҩахыҵыз азы.

"Ацәыргақәҵа – акыршықәсатәи сџьабаауп. Иҟоуп асовет аамҭақәа рзы снапы иҵыҵыз, иҟоуп иахьатәи сдунеихәаԥшышьа аазырԥшуа. Сырҿиамҭақәа зегьы ирынцәахәу с-Аԥсноуп. Сгәы иҭоу зегьы сырҿиамҭақәагьы ирныԥшуеит", - ҳәа лҳәоит Лиудмила Будиак.

40 усумҭа еидызкыло ацәыргақәҵа "Гәаартыла" Аҟәа, мшаԥы 20 рзы Ацәыргақәҵатә зал хадаҿы иаатит. Уи аҭаара алшоит мшаԥы 30 аҟынӡа.

  • Асахьаҭыхыҩ Лиудмила Будиак лцәыргақәҵа аатит Аҟәа
    © Sputnik / Томас Тхайцук
  • Асахьаҭыхыҩ Лиудмила Будиак лцәыргақәҵа аатит Аҟәа
    © Sputnik / Томас Тхайцук
  • Асахьаҭыхыҩ Лиудмила Будиак лцәыргақәҵа аатит Аҟәа
    © Sputnik / Томас Тхайцук
  • Асахьаҭыхыҩ Лиудмила Будиак лцәыргақәҵа аатит Аҟәа
    © Sputnik / Томас Тхайцук
  • Асахьаҭыхыҩ Лиудмила Будиак лцәыргақәҵа аатит Аҟәа
    © Sputnik / Томас Тхайцук
  • Асахьаҭыхыҩ Лиудмила Будиак лцәыргақәҵа аатит Аҟәа
    © Sputnik / Томас Тхайцук
1 / 6
© Sputnik / Томас Тхайцук
Асахьаҭыхыҩ Лиудмила Будиак лцәыргақәҵа аатит Аҟәа
7

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау

Урыстәылатәи азенитчикцәа Амшын еиқәа акваториаҿы аԥырҩы дызҭам ихархәагақәа ҭадырхеит

3
Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

АҞӘА, лаҵара 12 - Sputnik. Аԥсны иҟоу Урыстәыла Аладатәи арратә округ азенит ракетатә ҟәшақәа аҽазыҟаҵарақәа мҩаԥыргеит. Аҽазыҟаҵарақәа раан Урыстәылатәи азенитчикцәа Амшын еиқәа акваториаҿы "аӷа" аԥырҩы дызҭам ихархәагақәа карыжьит ҳәа аанацҳауеит аокруг апресс-маҵзура.

"Аӷа" иԥрыгатә хархәагақәа ракәны ахархәара рыҭан аԥрыга аппаратқәа "Орлан", "Застава", "Гранат". Ацәҟьарақәа ирықәдыршәон аракетақәа релектронтә ҭырҟьагақәа рыла.

Аусдҵақәа рынагӡаразы аруаа атехника аибашьратә ҭагылазаашьала иаздырхиеит, ахацыркратә позициақәа ааныркылеит, еиҿыркааит аимадареи анапхгараҭареи рсистема. Абри ашьҭахь аԥшыхәра мҩаԥганы Амшын еиқәа акваториаҿы аԥырҩы дызҭам ахархәагақәа карыжьит.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруааи 40 ак арратә техникеи алархәны. Ахархәара рыҭан азенит-ракетатә комплексқәа "Оса-АКМ", "Стрела-10" , еиҭарго ЗРК "Игла".

3