Ахацәа компаниала аԥсшьаразы иалырхуа аҭыԥқәа иреиуоуп Гаграгьы

13
(ирҿыцуп 10:11 21.04.2021)
Гагра – Аԥсны, Севастополь – Ҟрым, Геленџьики Шәачеи –Краснодартәи атәылаҿацә, Воронеж, Осташков, Кондопога, Пено ишьақәдыргылеит 2021 шықәсазы ахацәа аԥсеицшьараз ицарц ахьырҭаху аҭыԥқәа рреитинг.

АҞӘА, мшаԥы 21 - Sputnik. Ахацәа компаниала аԥсшьаразы иалырхуа аҭыԥқәа иреиуоуп Гаграгьы ҳәа адырра ҟанаҵоит амаҵзура TVIL.RU.

Астатистика инақәыршәаны аиҩызцәа ргәыԥ 13 уахи-ҽнинӡа аԥсшьара алырхуеит, иагьазыхиоуп 15-15 нызқь мааҭ ашәара. Зегь раасҭа аԥсшьараз ахәқәа лаҟәуп Гагра, иҳаракуп – Пено.

Асиа шьақәыргылоуп 2021 шықәсазы заанаҵтәи анхарҭаҭыԥқәа рҿаҵара амаҵзура адыррақәа рыла.

Ихадоу ахырхарҭақәа ааба:

  • Севастополь – 3123 ₽ / 5,6 у-ҽ *
  • Геленџьик – 4199 ₽ / 9,2 у-ҽ
  • Воронеж – 1728 ₽ / уахык
  • Осташков – 7875 ₽ / ԥшьаха
  • Кондопога – 8000 ₽ / бжьаха
  • Гагра – 1000 ₽ / 12 у-ҽ
  • Пено – 15000 ₽ / 7 у-ҽ
  • Шәача – 2042 ₽ / 13 у-ҽ

* Уахык азы акоттеџьқәеи аотельқәеи рҿы аҟазаара абжьаратә хәыԥса.

Уаанӡа TVIL.RU машьынала иныҟәо атуристцәа иалыркаауа ҳәа ишьақәнаргылаз ареитинг аҿы Гагра аԥшьбатәи аҭыԥ ааннакылеит.

Иара убас шәаԥхьар ҟалоит:

13

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау

Урыстәылатәи азенитчикцәа Амшын еиқәа акваториаҿы аԥырҩы дызҭам ихархәагақәа ҭадырхеит

3
Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

АҞӘА, лаҵара 12 - Sputnik. Аԥсны иҟоу Урыстәыла Аладатәи арратә округ азенит ракетатә ҟәшақәа аҽазыҟаҵарақәа мҩаԥыргеит. Аҽазыҟаҵарақәа раан Урыстәылатәи азенитчикцәа Амшын еиқәа акваториаҿы "аӷа" аԥырҩы дызҭам ихархәагақәа карыжьит ҳәа аанацҳауеит аокруг апресс-маҵзура.

"Аӷа" иԥрыгатә хархәагақәа ракәны ахархәара рыҭан аԥрыга аппаратқәа "Орлан", "Застава", "Гранат". Ацәҟьарақәа ирықәдыршәон аракетақәа релектронтә ҭырҟьагақәа рыла.

Аусдҵақәа рынагӡаразы аруаа атехника аибашьратә ҭагылазаашьала иаздырхиеит, ахацыркратә позициақәа ааныркылеит, еиҿыркааит аимадареи анапхгараҭареи рсистема. Абри ашьҭахь аԥшыхәра мҩаԥганы Амшын еиқәа акваториаҿы аԥырҩы дызҭам ахархәагақәа карыжьит.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруааи 40 ак арратә техникеи алархәны. Ахархәара рыҭан азенит-ракетатә комплексқәа "Оса-АКМ", "Стрела-10" , еиҭарго ЗРК "Игла".

3