Аԥсны атәылахьчара аминистрра НАТО Амшын еиқәаҿ аҟазаара ахҳәаа анаҭеит

7
(ирҿыцуп 11:25 21.04.2021)
Аҩадатлантикатә алианс Амшын еиқәаҿы аҟазаара еиҳа-еиҳа иацнаҵоит "Урыстәыла ари аҭыԥ аҿы активра ахьаанарԥшуа азы".

АҞӘА, мшаԥы 21 – Sputnik. Амшын еиқәаҿы ҳаамҭазтәи арра-политикатә ҭагылазаашьа акыр иуадаҩуп ҳәа иҳәеит радио Sputnik аинтервиу азҭаз Аԥсны арратә мчрақәа Рыштаб хада аиҳабы ихаҭыԥуаҩ аполковник Вадим Кәартаа.

"Ишыжәдыруа еиԥш НАТОи Еиду Америкатәи аштатқәеи ари арегион аҿы акыр рыҽдырцыхцыхуеит. Иарбанызаалак алшара  рхы иархәаны  арахь рыӷбақәа аарышьҭуеит. Убри аан "Урыстәыла ари аҭыԥ аҿы активра ахьаанарԥшуа азы" ауп ҳәа ахырҳәаауеит ара рыҟазаара", - иҳәоит иара.

Амшын еиқәа арегион Аҩадатлантикатә алианс азы аԥыжәара амоуп ҳәа иҳәоит Кәартаа – аиҿкаара ари арегион аҿы аҟазаарала Урыстәыла агәҽанҵара анаҭоит ҳәа НАТО ахада Иенс Столтонберг иажәақәа ааго.

"Арра-политикатә ҭагылазаашьа ҳрегион аҿы адагьы адунеи зегьы аҿы ишәарҭоуп. Уи акыр иахьыԥшуп аштатқәа адунеи зегьы аҿы аԥыжәара амазаара мап ахьацәырымкуа. Дара НАТО аиԥш иҟоу аиҿкаарақәеи Украина, Қырҭтәыла реиԥш иҟоу аҳәынҭқаррақәеи рхы иадырхәоит", - иҳәоит Вадим Кәартаа.

Иара иазгәеиҭеит ԥшьымз рыҩныҵҟа Амшын еиқәа акваториахь НАТО аибашьыга ӷбақәа жәаба шҭалахьо.

"Украинеи Қырҭтәылеи ирҭаауеит, адгылара шрырҭо аарԥшуа, аицҽазыҟаҵарақәа мҩаԥыргоит. Аҳауатә ҵакыраҿ акәзаргьы аҭагылазаашьа уадаҩуп. Уа аҭыԥ рымоуп  аҳауатә ҵакыра азакәанқәа реилагара. Қырҭтәыла иалсуа аҳаирпланқәа Аԥсны аҵакыра хә-минуҭк еиҵамкәа иахыԥраауеит", - ҳәа иҳәеит Аԥсны арратә мчрақәа Рыштаб хада аиҳабы ихаҭыԥуаҩ аполковник Вадим Кәартаа.

Ари Қырҭтәыла европатәи азеиԥш авиациатә ҵакыра иахьалахәылахаз азы аҳауатә коридор аԥсахра иамадоуп, аха  ихықәкылатәу провокациазаргьы ауеит ҳәа азгәеиҭоит иара.

"Аԥсны адәныҟатәи аусқәа рминистрра ари азҵаара Женеватәи аиҿцәажәарақәа рҟны ишьҭнаххьеит", - ҳәа иҳәеит иара.

Мшаԥы 17 азы Урыстәыла Керчтәи аӡыбжьахалала Каспитәи афлотилиа 15 ӷба Амшын еиқәахьы иианагеит. Иара убри амш азы  Босфортәи аӡыбжьахалала Амшын еиқәахь инеиит  Аҩадатәи афлот  адесанттә ӷбақәа ҩба, аамҭақәак рышьҭахь Балтикатәи афлот аӷбақәа ҩба. Абас ала урыстәылатәи адесанттә ӷбақәа Амшын еиқәаҿы рхыԥхьаӡара 11 ак инаӡеит.

Аекспертцәа ирӡом ари зыҟаҵоу Киеа Донбас аинырратә цәаҳәахьы  ари атехникеи ахьнанаго шакәу.  Уи адагьы Аҩадатлантикатә алианс Амшын еиқәаҿы аҟазаара еиҳа-еиҳа иацнаҵоит "Урыстәыла ари аҭыԥ аҿы активра ахьаанарԥшуа азы".

Иара убас шәаԥхьар ҟалоит:

7

Жәлар рдоуҳа: аԥстәқәеи аԥсаатәқәеи ирыхҳәаау жәлар разгәаҭарақәа

0
(ирҿыцуп 14:22 12.05.2021)
Аԥсаатәи аԥстәқәеи ирызку аԥсуа жәлар разгәаҭақәа ртәы арадио Sputnik аефир аҟны дазааҭгылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: аԥсаатәқәеи аԥстәқәеи ирыхҳәаау аԥсуаа разгәаҭақәа

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит абра>> Ажәҵыс ахьнеиуа амшра иатәуп: аԥстәқәеи аԥсаатәқәеи ирыхҳәаау жәлар разгәаҭарақәа

 

0

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау