Афонд "Ашана" зеиҭаҵра уадаҩу ахәыҷқәа рзы акалиаскақәа раахәараз аԥареизгара еиҿнакаауеит

13
(ирҿыцуп 15:31 22.04.2021)
Афонд "Ашанеи" ассоциациа "Инва-цхыраареи" апроект "Аԥсҭазаара алахәраз" еиҿыркаауеит.

АҞӘА, мшаԥы 21 – Sputnik, Асмаҭ Ҵәыџьԥҳа. Акультура-гәыҳалалратә фонд "Ашана" зеиҭаҵра уадаҩу быжьҩык ахәыҷқәа рзы акалиаскақәа раахәараз аԥареизгара еиҿнакаауеит.

ДЦП змоу ахәыҷқәа ииашаны ирыдгалоу аинвалидтә колиаскақәа дара рхы иақәиҭны рынеиааираз ихәарҭоуп. Иазыԥхьагәарҭоит ахәыҷы ичымазара аҷыдара, убри азы арҭ ахәыҷ-чымазцәа рзы хаз-хазыла рыкапан, роура-рыҭбаара, рышықәс уҳәа азыԥхьагәаҭаны акалиаскақәа рыдгалатәуп.

Еизгатәны иҟоуп 340 000 мааҭ аԥара. Афонд "Ашана" адиректор Мактина Џьынџьалԥҳа лажәақәа ассоциациа "Инва-цхыраара" европатәи рпартниорцәа ирызҿарҵоит арҭ арныҟәагатә хархәагақәа.

Афонд зхылаԥшуа Анита Харчлааԥҳа лан Марҭа Чалач-оӷлы еиҭалҳәеит аӡӷаб алабҷышь лыҵаргәаны шә-метрак дахысыр шлылшо, аха уаҳа мап. Ахәыҷы џьара лнагара-лаагаразы ан атранспорт лымам, еснагь аӡә иҳәара дацәыԥхашьоит.

  • Афонд "Ашана" зеиҭаҵра уадаҩу ахәыҷқәа рзы акалиаскақәа раахәараз аԥареизгара еиҿнакаауеит
    © Sputnik / Томас Тхайцук
  • Афонд "Ашана" зеиҭаҵра уадаҩу ахәыҷқәа рзы акалиаскақәа раахәараз аԥареизгара еиҿнакаауеит
    © Sputnik / Томас Тхайцук
  • Афонд "Ашана" зеиҭаҵра уадаҩу ахәыҷқәа рзы акалиаскақәа раахәараз аԥареизгара еиҿнакаауеит
    © Sputnik / Томас Тхайцук
  • Афонд "Ашана" зеиҭаҵра уадаҩу ахәыҷқәа рзы акалиаскақәа раахәараз аԥареизгара еиҿнакаауеит
    © Sputnik / Томас Тхайцук
1 / 4
© Sputnik / Томас Тхайцук
Афонд "Ашана" зеиҭаҵра уадаҩу ахәыҷқәа рзы акалиаскақәа раахәараз аԥареизгара еиҿнакаауеит

"Иҳаур зылшо алшара даара сеигәырӷьоит. Ҳхала ари аҩыза ацхыраагӡа ааҳхәартә аҭагылазаашьа ҳамам", - лҳәоит ан.

Ассоциациа "Инва-цхыраара" анапхгаҩы Алхас Тхагушев иазгәеиҭеит акалиаскақәа раахәара адагьы ишахәҭоу зныҟәара ԥку ауаа ирзыманшәало амҩасырҭақәа реиҿкаара.

"Зныҟәара ԥку ирыхәарҭам аобиектқәа рыргылара ҳаҟәыҵроуп. Ауаҩы дызланыҟәо зиҭаху аҩны ддәылымҵырц акәӡам, ауаа дрылагыларц ауп. Сгәыӷуеит ҳҳәынҭқарра абри аус азхьаԥшра анаҭап ҳәа. Апроблема иӡбтәу иреиуоуп", - иҳәеит иара.

Ахәыҷқәа ацхыраара рыҭашьа еилышәкаар алшоит афонд "Ашана" аофициалтә саит аҿы.

13
Атемақәа:
Ҳаидгыланы аԥсҭазаара еиқәҳархап (61)

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау

Урыстәылатәи азенитчикцәа Амшын еиқәа акваториаҿы аԥырҩы дызҭам ихархәагақәа ҭадырхеит

3
Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

АҞӘА, лаҵара 12 - Sputnik. Аԥсны иҟоу Урыстәыла Аладатәи арратә округ азенит ракетатә ҟәшақәа аҽазыҟаҵарақәа мҩаԥыргеит. Аҽазыҟаҵарақәа раан Урыстәылатәи азенитчикцәа Амшын еиқәа акваториаҿы "аӷа" аԥырҩы дызҭам ихархәагақәа карыжьит ҳәа аанацҳауеит аокруг апресс-маҵзура.

"Аӷа" иԥрыгатә хархәагақәа ракәны ахархәара рыҭан аԥрыга аппаратқәа "Орлан", "Застава", "Гранат". Ацәҟьарақәа ирықәдыршәон аракетақәа релектронтә ҭырҟьагақәа рыла.

Аусдҵақәа рынагӡаразы аруаа атехника аибашьратә ҭагылазаашьала иаздырхиеит, ахацыркратә позициақәа ааныркылеит, еиҿыркааит аимадареи анапхгараҭареи рсистема. Абри ашьҭахь аԥшыхәра мҩаԥганы Амшын еиқәа акваториаҿы аԥырҩы дызҭам ахархәагақәа карыжьит.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруааи 40 ак арратә техникеи алархәны. Ахархәара рыҭан азенит-ракетатә комплексқәа "Оса-АКМ", "Стрела-10" , еиҭарго ЗРК "Игла".

3