Гагра ҩыџьа-ҩыџьала аныҟәара ахьыргәаԥхо ақалақьқәа ируакуп

12
(ирҿыцуп 12:26 22.04.2021)
Асиа мҩаԥгоуп 2021 шықәсазы атуристцәа заанаҵтәи рҿаҵарақәа ирҿырԥшны. Аиҳарак иалыркаауеит Ҟрым, ақалақь Иалта.

АҞӘА, мшаԥы 22 - Sputnik. Гагра аԥшьбатәи аҭыԥ ннакылоит ҩыџьа-ҩыџьала аԥсшьара зҭаху атуристцәа иалыркаауа аҭыԥқәа рыбжьара. Ареитинг шьақәнаргылеит амаҵзура TVIL.RU.

Асиаҿы егьырҭ ақалақьқәа урыстәылатәқәоуп: Иалта, Шәача, Санкт-Петербург, Пиатигорск, Калининград, Москва, Петрозаводск, Ростов-на-Дону, Воронеж.

Астатистикала аԥсшьараз 1-10 мшы иаангылоит, уахыки-ҽнаки рыҩныҵҟа 1,5 - 3,4 нызқьмааҭ аныхра иазыхиоуп. Еиҳа ахәқәа лаҟәуп Пиатигорск, иҳаракуп – Иалта.

Аиҳарак заанаҵтәи аҿаҵарақәа мҩаԥыргоит аотельқәа рҿы –77%, ауаҭахқәа рҿы - 17%., аҩнқәа рҿы – 5%.

  • Иалта – 3374 ₽ / 9 у *
  • Шәача – 2162 ₽ / 10 у
  • Санкт-Петербург – 3207 ₽ / 5 у
  • Гагра – 2592 ₽ / 10 у
  • Пиатигорск – 1542 ₽ / 6 у
  • Калининград – 1806 ₽ / 7 у
  • Москва – 3144 ₽ / 4 у
  • Петрозаводск – 2842 ₽ / 6 у
  • Ростов-на-Дону - 3293 ₽ / 1 у
  • Воронеж – 1600 ₽ / 1 у

*Ҩыџьа рзы абжьаратә хәыԥса.

Иара убас шәаԥхьар ҟалоит:

12

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау

Урыстәылатәи азенитчикцәа Амшын еиқәа акваториаҿы аԥырҩы дызҭам ихархәагақәа ҭадырхеит

3
Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

АҞӘА, лаҵара 12 - Sputnik. Аԥсны иҟоу Урыстәыла Аладатәи арратә округ азенит ракетатә ҟәшақәа аҽазыҟаҵарақәа мҩаԥыргеит. Аҽазыҟаҵарақәа раан Урыстәылатәи азенитчикцәа Амшын еиқәа акваториаҿы "аӷа" аԥырҩы дызҭам ихархәагақәа карыжьит ҳәа аанацҳауеит аокруг апресс-маҵзура.

"Аӷа" иԥрыгатә хархәагақәа ракәны ахархәара рыҭан аԥрыга аппаратқәа "Орлан", "Застава", "Гранат". Ацәҟьарақәа ирықәдыршәон аракетақәа релектронтә ҭырҟьагақәа рыла.

Аусдҵақәа рынагӡаразы аруаа атехника аибашьратә ҭагылазаашьала иаздырхиеит, ахацыркратә позициақәа ааныркылеит, еиҿыркааит аимадареи анапхгараҭареи рсистема. Абри ашьҭахь аԥшыхәра мҩаԥганы Амшын еиқәа акваториаҿы аԥырҩы дызҭам ахархәагақәа карыжьит.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруааи 40 ак арратә техникеи алархәны. Ахархәара рыҭан азенит-ракетатә комплексқәа "Оса-АКМ", "Стрела-10" , еиҭарго ЗРК "Игла".

3