Озган ажәадгала ҟалҵеит апассаџьырцәа рымҩангара ахылаԥшра Аԥсны ААР адыԥхьалазарц

12
(ирҿыцуп 18:02 22.04.2021)
2021 шықәсатәи аԥхынтә туристтә сезон аангьы автотранспорттә хархәагақәа рныҟәара 2009 шықәсазы ишыҟаз аиԥш еиҭамккәа иҟоуп.

АҞӘА, мшаԥы 22- Sputnik. Атуристтә сезон аламҭалаз аԥыза-министр ихаҭыԥуаҩ, аекономика аминистр Кристина Озган ажәадгала ҟалҵеит апассаџьырцәа рымҩангара аихшанҵеи аԥҟарақәеи рхылаԥшра Аԥсны ААР адыԥхьалазарц. Абри атәы аанацҳауеит Аекономика аминистрра асаит.

Аминистри араионтә автотранспорттә наплакқәа рнапхгаҩцәеи реиԥылараан ирылацәажәан автотранспорт аныҟәара аихшанҵа, иара ареспубликаҿы иҟоу АТПқәа ринтерес ишақәшәо, акурорттә сезон аан апассаџьырцәа рхыԥхьаӡара ацлара азыԥхьагәаҭаны аиҭакра алыршара уҳәа азҵаарақәа.

Аилацәажәара иалахәыз зегьы иазгәарҭеит 2009 шықәсазы ишьақәыргылаз аграфик шыманшәалоу иара ишықәныҟәалатәу. Уадаҩраны иҟоу апрактикаҿы иара ианацәхьаҵуоуп.

Аԥыза-министр ихаҭыԥуаҩ илҳәеит "АТП мацарак атрасса аҭара иашам, зегь ринтересқәа азыԥхьагәаҭазароуп" ҳәа.

"Ауаа рныҟәгара азин змам ари аусхк рнапы аларкыр ҟалом, аусурагьы азин рымам абри аганахь ала", - лҳәеит лара.

АТПқәа рнапхгаҩцәа рнапы ианҵан апассаџьырцәа ршәарҭадареи рырманшәалареи азхьаԥшра ӷәӷәа арҭаларц.

"Ауаа ныҟәызго зегь рыла еиқәшәазароуп: амҩатә бӷьыц, амедицинатә шәҟәы, атехникатә гәаҭара акт, алицензиа", - лҳәеит Озган.

Аекономика аминистр АТПқәа рнапхгаҩцәа ргәы рҽанылҵеит хара имгакәа Ԥсоу иҟоу автоаангыларҭа аҭагылазаашьа агәаҭара лгәы ишҭо азы.

"Атәыла иаҭаауа асасцәа ари раԥхьа ирбо ҭыԥуп. Уа зегьы еиқәышәшәа иҟазароуп", - азгәалҭеит лара.

Озган атранспорт усзуҩцәа иралҳәеит атранспорттә хархәагақәа ргыларҭақәа ирхылаԥшырц, изықәныҟәо асхемеи иҟаҵәҟьои еиҿдырԥшырц.

12

Урыстәылатәи адукат Ахра Аҩӡба изинқәа ихьчалоит

1
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

1
Атемақәа:
Аҿкычымазара – акоронавирус Аԥсни адунеи аҿи: иалкаау

Урыстәылатәи азенитчикцәа Амшын еиқәа акваториаҿы аԥырҩы дызҭам ихархәагақәа ҭадырхеит

3
Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

АҞӘА, лаҵара 12 - Sputnik. Аԥсны иҟоу Урыстәыла Аладатәи арратә округ азенит ракетатә ҟәшақәа аҽазыҟаҵарақәа мҩаԥыргеит. Аҽазыҟаҵарақәа раан Урыстәылатәи азенитчикцәа Амшын еиқәа акваториаҿы "аӷа" аԥырҩы дызҭам ихархәагақәа карыжьит ҳәа аанацҳауеит аокруг апресс-маҵзура.

"Аӷа" иԥрыгатә хархәагақәа ракәны ахархәара рыҭан аԥрыга аппаратқәа "Орлан", "Застава", "Гранат". Ацәҟьарақәа ирықәдыршәон аракетақәа релектронтә ҭырҟьагақәа рыла.

Аусдҵақәа рынагӡаразы аруаа атехника аибашьратә ҭагылазаашьала иаздырхиеит, ахацыркратә позициақәа ааныркылеит, еиҿыркааит аимадареи анапхгараҭареи рсистема. Абри ашьҭахь аԥшыхәра мҩаԥганы Амшын еиқәа акваториаҿы аԥырҩы дызҭам ахархәагақәа карыжьит.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруааи 40 ак арратә техникеи алархәны. Ахархәара рыҭан азенит-ракетатә комплексқәа "Оса-АКМ", "Стрела-10" , еиҭарго ЗРК "Игла".

3