Лопата

Аиааира Ду аламҭалаз акциа "Агәалашәара абаҳча" мҩаԥысит Аҟәа

18
Аџьынџьтәылатә еибашьра Ду аан игаз Аиааира Амш иазку агәалашәаратә акциа "Агәалашәара абаҳча" Аԥсны аҳҭнықалақь Аҟәа имҩаԥысуеижьҭеи ҩынтәуп.

АҞӘА, мшаԥы 24 - Sputnik, Бадри Есиава. Аџьынџьтәылатә еибашьра Ду аан игаз Аиааира Амш иазку акциа "Агәалашәара абаҳча" мҩаԥысит аҟәатәи абжьаратә школ №14 аҿы асабша, мшаԥы 24, абри атәы Sputnik акорреспондент изеиҭеиҳәеит Аԥсны иҟоу Россотрудничество аусзуҩ Евгени Павлов.

© Foto / пресс-служба Россотрудничества

"Аԥсны ари акциа ҩынтәуп имҩаԥысуеижьҭеи. Иахьатәи амш азы аҵлақәа реиҭаҳара маҷк аамҭа иахыԥахьеит азы, АбНИЛОС адиректор Витали Леиба иаҳа ианаалоз аиҭаҳатәқәа ҳзалиԥшааит - руак ачамҳа ауп, уи хәба-хәба ҳәа аҵара зҵо аӡӷабцәа еиҭарҳаит, егьырҭ зегьы "ногоплодник" (агәырбӷьыҵлахкқәа - аред.) ҳәа изышьҭоу роуп. Аиҭаҳара иалахәын актәи аклассаагьы, иара убас акаратистцәа, Урыстәыла аицџьынџьуаа реиҿкаарақәа ркоординациатә хеилак", - ҳәа иҳәеит иара.

Павлов иаҵшьны ишазгәеиҭаз ала, арҭ рҩызцәа акциақәа еиҵагыло аҿар рзы хәарҭара шрылоу, урҭ ирыларааӡоит аԥсабаразы аҭакԥхықәра, уи аиҷаҳара, иара убас зыхьӡала еиҭаҳау аԥсадгьыл ахьчаҩцәа ргәалашәара акамыршәра иацхраауеит.

Акциа "Агәалашәара абаҳча" еиҿкаан Аԥсны иҟоу Россотрудничество ахаҭарнакра, Аҟәа Аҵара аусбарҭа, атәыла Акарате фудокан афедерациа рыбзоурала.

Павлов иажәақәа рыла, асабша мшаԥы 24 рзы иара убас иалагеит акциа "Георги ицаха", урҭ Аҟәа аԥшаҳәаҿы ауаа ирзыршон. Изҭаху зегьы Россотрудничество ахаҭарнакраҿы инеины урҭ ргар рылшоит.

Лаҵара 9 рзы Аԥсны аҳҭнықалақь Аҟәа имҩаԥысуеит акциа "Ԥсра зқәым архәҭа", ижәынтәтәиу амаланыҟәатә еиԥхныҩлара, карате азы аицлабрақәа, урҭ рхы рыладырхәраны иҟоу аԥснытәи аспортсменцәа инарываргыланы урыстәылатәиқәагьы.

18

COVID-19 злаз даҽа пациенткак лыԥсҭазаара далҵит Гәдоуҭатәи ахәышәтәырҭаҿы

14
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15006-ҩык ыҟоуп, ргәы бзиахеит 14025-ҩык, рыԥсҭазаара иалҵит 226-ҩык.

АҞӘА, лаҵара 15 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 176-ҩык атестқәа рзыҟаҵан, урҭ рахьтә 22-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы лаҵара 14 рзы лыԥсҭазаара далҵит 1939 шықәса рзы ииз акоронавирус злаз апациентка.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 41-ҩык акоронавирус адиагноз рзышьақәыргылоуп, рҭагылазаашьа бааԥсуп 28-ҩык, ибжьаратәуп - 12-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 31-ҩык апациентцәа, рҭагылазаашьа бааԥсуп хәҩык. Очамчыра ирхәышәтәуеит 16-ҩык, Гагратәи ахәышәтәырҭаҿы - 17-ҩык, Тҟәарчалтәи ахәышәтәырҭаҿы - ԥшьҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Аҿкычымазара – акоронавирус Аԥсни адунеи аҿи: иалкаау

Едуард Быҭәба Гәдоуҭатәи ахәышәтәырҭа даҭааны аусушьа гәеиҭеит

8
(ирҿыцуп 19:59 15.05.2021)
Едуард Быҭәба Аԥсны агәабзиарахьчара аминистрс дҟаҵан аҩаша лаҵара 11 рзы Аԥсны Аҳәынҭқарра ахада иусԥҟа инақәыршәаны.

АҞӘА, лаҵара 15 – Sputnik. Аԥсны агәабзиарахьчара аминистр Едуард Быҭәба Гәдоуҭатәи араионтә хәышәтәырҭа хада даҭааит ахәаша лаҵара 14 рзы ҳәа аҳәоит Аԥсуа телехәаԥшра адырраҭара.

Иара игәеиҭеит ахәышәтәырҭа ашҭаҿы игылоу акоронавирус азы анализқәа ахьрыдыркыло аҭыԥ, адкыларҭа, апалатақәа. Ахәышәтәырҭа аусзуҩцәа аминистр изеиҭарҳәеит акоронавирустә инфекциа злоу апациентцәа, убарҭ рхыԥхьаӡараҿы COVID-19 адиагноз ззықәыргылоу зцәазтәым аҳәсагьы, рыхәышәтәра шеиҿкаау.

Быҭәба иара убас игәеиҭеит аҵәыҵәри анашьҭразы еиқәыршәоу астанциа, уантәи ауп аковид-госпиталь апалатақәа рахь аҵәыҵәри зланеиуа. Игәеиҭеит аҳауеиҭарсра асистема шыҟам, уи азҵаара шыӡбатәугьы азгәеиҭеит.

Иҷыдоу ахыхьчага маҭәа ишәҵаны аминистр "азона ҟаԥшь" ахь днеит, хаҭала апациентцәа рҭагылазаашьа ибарц, драцәажәарц азы. Иара дразҵаауан иаҭаху зегьы рымоу ирымаму, иаарласны ргәабзиара шьақәгыларц рзеиӷьеишьеит.

"Анцәа иҳәааит иаарласны шәгәы бзиахо, уи ауп зегь реиҳа ихадоу. Шәҭаацәа рахь ԥшӡала шәхынҳәааит. Ҳара, ҳколлегацәа, аҳақьымцәа, ҳашәзыӡырҩлоит, ишәҭаху аҿы ҳшәывагылоит", - иҳәеит аминистр.

Аԥсуа телехәаԥшра анҵамҭаҿы иара убас иарбоуп Едуард Быҭәба амедицинатә усзуҩцәа рџьабаазы иҭабуп ҳәа шреиҳәаз, агоспитальгьы лассы-лассы даҭаалоит ҳәа ажәа шриҭаз, аҳақьымцәеи ахәышәтәырҭа анапхгареи иареи аусутә еиԥыларақәа мҩаԥаагалоит ҳәа шиҳәаз.

Гәдоуҭатәи араионтә хәышәтәырҭа аҳақьым хада Ҳаџьараҭ Шамба лаҵара 14 рзы иҟаиҵаз адыррала, аковид-госпиталь аҿы ишьҭоуп акоронавирустә инфекциа злоу апациентцәа 38-ҩык, урҭ рахьтә 16-ҩык рҭагылазаашьа бааԥсуп. Иара убас ара ареабилитациа иахысуеит COVID-19 иаиааихьоу 11-ҩык апациентцәа.

Аԥсуа телехәаԥшра аматериал аҿы иара убас иазгәаҭоуп агәабзиарахьчара аминистр атәыла амедусҳәарҭақәа зегьы дырҭааны рҭагылазаашьа гәеиҭарц игәы ишҭоу.

Аԥсны Аҳәынҭқарра ахада иусԥҟа инақәыршәаны Едуард Быҭәба Аԥсны агәабзиарахьчара аминистрс дҟаҵан аҩаша лаҵара 11 рзы. Иара диԥсахит зхатәгәаԥахарала змаҵура аанзыжьыз Ҭамаз Ҵахнакьиа.

8
Атемақәа:
Аҿкычымазара – акоронавирус Аԥсни адунеи аҿи: иалкаау