Аекспорти аинвестициақәеи ирылацәажәеит аҟәатәи аделегациеи Краснодар абизнес еилазаареи

12
(ирҿыцуп 10:14 26.04.2021)
Аҟәа ақалақь ахада Беслан Ешбеи ихаҭыԥуаа Леон Кәарҷиеи Авҭандил Сурманиӡеи аҭааит Краснодар анаплакы аҿиара амуниципалтә центр "Платформа".

АҞӘА, мшаԥы  26- Sputnik. Краснодари Аҟәеи рыбжьара аекономикатә еинырра азҵаарақәа  ирылацәажәеит аҟәатәи аделегациа Краснодар иахьыҟаз. Абри атәы аанацҳауеит Аҟәа ахадара асаит.

Аиԥылара иалахәын Краснодар ахадара аинвестициақәеи абизнес маҷи абжьаратә бизнеси рыҟәша, ааглыхра аҟәша, аҳәаанырцәтә еимадарақәа рыҟәша рхаҭарнакцәа, абизнесуаа.

Аԥсни Краснодартәи атәылаҿацәи рыбжьара атауареикәыршара апандемиа иахьмырԥшыкәа 2020 шықәсазы икамҳаит ҳәа иҳәеит атәылаҿацә ахада Дмитри Логвиненко.

Аҟәа ахада Беслан Ешба иазгәеиҭеит Краснодартәи атәылаҿацә аалыҵ  аиҳарак Аҟәеи Гагреи араионқәа рҿы ишыҟоу. Иара иҳәеит аекспорттә еилаӡарақәа рзы ишиашоу аимадарақәа шеиҿкаалатәу.

"Ари ҳара ҳзы акраҵанакуеит, избанзар аалыҵ ахатәхәыԥса ианыԥшуеит. Аекспорт-импорттә еилаӡараан ахәԥсеиҿкаара  аҽакуп, аиҳаракгьы атауар ааглыхыҩ иҟынтә ишиашоу ианнеиуа. Арегионалтә ҭиҩы уанидҳәало уи ихәԥса  ахәԥсацҵаз ашәахтә азгәаҭоуп – уи  аалыҵ ахә ҳаранакуеит. Абри азҵаара  алацәажәара ахәҭаны иҟоуп", - иҳәеит иара.

Беслан Ешба иазгәеиҭеит ақалақь ахадараҿы аус шауа аекономикатә ҿиара Адепартамент. Уи иалшоит  аконсультациақәа рымҩаԥгара анаплакыҩцәа реинырра аиҿкаара.

"Иазхәыцтәуп аицнаплак ҿыцқәараԥҵара Аԥсны аҵакыраҿы. Аҟәа адагьы ареспублика зегьы адәныҟатә аалыҵ иахьыԥшуп. 80 процент аалыҵ импортуп", - иҳәеит Ешба.

Краснодартәи атәылаҿацә аекспорт ацентр адиректор Роман Воротников аидеиа адгылара аиҭеит, ацхыраара дшазыхиогьы иҳәеит. Аԥсны атәылаҿацә азы аинтерес зҵоу, аԥеиԥш змоу џьармыкьоуп ҳәа азгәеиҭеит.

"Афедералтә статистика ала зқьи хәышә експортер ҳамоуп. Иҳалшоит аиԥыларақәа реиҿкаара. Аҭаххара ыҟазар, шәааи ҳаинырлап", - иҳәеит Роман Воротников.

Аԥсны аекономикатәии аинвестициатәии лшарақәа ртәы еиҭеиҳәеит Аҟәа ахада ихаҭыԥуаҩ Леон Кәарҷиа.

Иалацәажәан Аҟәа агәамсамкажьырҭа аполигон аргылара. Краснодараа атәыла зегьы аҿы аполигонқәа рыҟазаара апроект ахь аинтерес аадырԥшит.

Беслан Ешба иҳәеит ареспублика уи азы атехникатәи атехнологиатәи зҵаара аус шаднауло.

12

Урыстәылатәи аспелеологцәа Веревкин иҳаԥаҿы ахаҵа иԥсыбаҩ рбеит

3
(ирҿыцуп 09:32 05.08.2021)
Урыстәылатәи аспелеологцәа ргәаанагарала Веревкин иҳаԥаҿыарыцҳара ҟалазар ҟалоит 2020 шықәса аԥхын ма ҭагалан.

АҞӘА, нанҳәа 5 – Sputnik, Бадри Есиава. Урыстәылатәи аспелеологцәа Аԥсны иҟоу Веревкин иҳаԥаҿы ахаҵа иԥсыбаҩ рбеит 1100 метра алаҟәыраҿы, абри атәы Sputnik иазеиҭеиҳәеит Урыстәыла аспелеологцәа Реидгыла анапхгара алахәыла Евгени Снедков.

"Нанҳәа 3, асааҭ 4:00 азы Москва, Перовсктәи аклуб аспелеологцәа ргәыԥ, 30 шықәса инарзынаԥшуа Веревкин иҳаԥаҿы аусурақәа мҩаԥызго, атурист иԥсыбаҩ рбеит. Аԥхьа аҭаларҭатә ҵеиџь ахықәаҿ ашаха рбеит, маҭәақәакгьы. Анаҩс 1100 метра алаҟәыраҿ ауаҩы иԥсыбаҩ кнаҳан", - иҳәеит иара.

Снедков иажәақәа рыла иҭахаз дыштуристыз еилкаахеит, избанзар аҳаԥы амаршрут ауадаҩра иақәшәомызт ихархәагақәа. Иҟалоит иара аԥышәеи амчи изымхазар. Уи адагьы асеиԥш иҟоу аҳаԥқәа аӡәы ихала аҭалара ашәарҭадара атехника еиланагоит. Иара ихаҭара шьықәзыргылаша ҳәа аспелеологцәа акгьы рзымԥшааит.

Урыстәылатәи аспелеологцәа ргәаанагарала Веревкин иҳаԥаҿы арыцҳара ҟалазар ҟалоит 2020 шықәса аԥхын ма ҭагалан.

Аспелеологцәа реидгыла Аԥсны АҶА ахь адырра ҟарҵеит.

"Идокументқәеи игәакьацәеи ԥшаатәуп. Иҟаҵатәу дара ирҳәароуп. Асеиԥш аан аԥсыбаҩ аҭгара рҽазыршәоит аха ариаҟара аҵаҟынтә уи уадаҩуп. 50 – 100-ҩык рҟынӡа аспелеологцәа аҭахуп. Аҳаԥаҿы ишәарҭоу аҭыԥқәа ыҟоуп",- иҳәоит Снедков.

Иара иҳәеит Аԥсныҟа амҩа ишықәло аспелеологцәа Реидгылаҟынтә уи азы аҳәара ҟаҵахар.

2020 шықәса нанҳәамзазы Арбаика аҳаԥаҿы дҭахеит аспелеолог Павел Демидов. Иԥсыбаҩ 300 метра рҟынтә ихагалан.
Веревкин иҳаԥы адунеи аҿы реиҳа иҵаулоу ҳәа иԥхьаӡоуп. 2018 шықәсазы урыстәылатәи аспелеологцәа 2212 метра илбааит.

3

Аԥсны акоронавирус зланы зыԥсҭазаара иалҵыз 320-ҩык рҟынӡа инаӡеит

15
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22642-ҩык ыҟоуп, ргәы бзиахеит 18189-ҩык, рыԥсҭазаара иалҵит 320-ҩык.

АҞӘА, нанҳәа 4 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 392-ҩык атестқәа рзыҟаҵан, урҭ рахьтә 98-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы рыԥсҭазаара иалҵит ԥшьҩык: 76 шықәсеи 80 шықәсеи зхыҵуаз ҩыџьа аҳәсеи,  42 шықәсеи 83 шықәсеи зхыҵуаз ҩыџьа ахацәеи.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 178-ҩык, рҭагылазаашьа бааԥсуп 41-ы, ибжьаратәуп - 51-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 44-ҩык апациентцәа, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 24-ҩык. Гагратәи ахәшәтәырҭаҿы - 47-ҩык, урҭ рахьтә 12-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 13-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

15
Атемақәа:
Аҿкычымазара – акоронавирус Аԥсни адунеи аҿи: иалкаау

WhatsApp афункциа ҿыц аусура иалагоит

1
(ирҿыцуп 10:10 05.08.2021)
Аопциа ҿыц асмартфонқәа рҿы ахархәара алшо иҟалоит WhatsApp амессенџьер шааиҭарыцхалак.

АҞӘА, нанҳәа 5 - Sputnik. WhatsApp зҽызҵәахуа афотоқәеи авидеоқәеи рынашьҭра афункциа аартхоит ҳәа рҳәеит аилахәыра ахаҭарнакцәа.

Ахархәаҩцәа рфотосахьақәеи авидеоқәеи рышьҭлар алшоит аопциа "Знык ахәаԥшра" ацхыраарала. Афотосахьақәеи авидеоқәеи знык урыхәаԥшуеит нас ианыҵуеит.

Ари аҩыза афункциа аус ауеит Instagram аҿы: изауа акнопка дақәыӷәӷәоит, асахьа ма авидео ибоит, уи анаҩс урҭ ықәҵуеит.

WhatsApp аҿы ирҳәом ари ишаанамго изауыз скринрекордер ала аҭаҩра илшом ҳәа.

1