Ансамбль "Амцабз" Урыстәыла Атеатр ду асценаҿы иқәгылеит

8
(ирҿыцуп 16:56 26.04.2021)
2007 шықәса рзы иҭыхыз акинофильм "12" амотивқәа рыла Атеатр ду аҿы аспектакль ықәыргылан Никита Михалков 75 шықәса ихыҵра аҳаҭыраз.

АҞӘА, мшаԥы 26 – Sputnik, Бадраҟ Аҩӡба. Аԥсуа хәыҷтәы акәашаратә ансамбль "Амцабз" алахәхеит арежиссиор, актиор Никита Михалков испектакль "12". Аспектакль аԥхьарбара мҩаԥган мшаԥы 24 рзы Атеатр ду асценаҿы.

"2007 шықәсазы сара акиносахьа "12" аҿы аепизодтә роль сыхәмаруан. Уи аахыс Никита Сергеи-иԥеи сареи аизыҟазаашьа бзиа ҳамоуп. Ҳаиқәшәарақәа раан аспектакль азы ахореографиа иадҳәалоу кавказтәи аелементқәа ҳрылацәажәон. Ҵыԥх иӡбан афильм "12" амотив ала аспектакль ықәыргылахарц", - ҳәа еиҭеиҳәоит ансамбль "Амцабз" анапхгаҩы Лаша Марыхәба.

Афильм "12" аҿы иҟоуп аепизод иабԥса дишьит ҳәа агәаанагара ззыҟоу ачечен ҷкәын абахҭаҿы ахьҭа данакы акәашара дахьалаго.

"Абахҭа данҭыҵ ашьҭахь акәашара далагоит. Иара ицкәашоит 26-ҩык ачечен ҷкәынцәа. Аԥхьа ари асцена аилкаара уадаҩын. Избанзар акино киноуп, аспектакль - уи даҽакуп", - ҳәа иҳәоит Марыхәба.

Атеатр Ду аҿы адраматә спектакль раԥхьаӡа акәны иддырбеит, ари асценахь аколлективгьы раԥхьаӡа акәны ицәырҵит ҳәа иҳәоит иара.

"Раԥхьаӡа акәны ари асценаҿ ҳақәгылеит. Игәадуроуп Аԥсны ахьӡала ҳақәгылара. Никита Михалков – ауаҩ ҟәыш, апрофессионал, доуҳала дҳадгылан. Ҭабуп ҳәа иаҳҳәоит ари аҩыза адунеитә сценахь ҳнеиртә алшара ахьҳаиҭаз. Аспектакль ашьҭахь аӡәаӡәала ахәыҷқәа игәыдиҳәҳәалон. Ҳаргьы аҳамҭақәа азырхианы иҳаман", - ҳәа иҳәоит ансамбль анапхгаҩы.

Лаша Марыхәба иҳәоит аколлектив милаҭрацәала ишышьақәгылоу.

"Ансамбль амилаҭрацәара ахореографиагьы ианыԥшуеит. Уажәы иҟоуп ацәажәарақәа аспектакль "12" атеатр арепертуар иалагалахоит ҳәа", - азгәеиҭеит иара.

Лаша Марыхәба аколлектив инанагӡаз акәашара ахақәиҭра, агәыҭбаара, афырхаҵара, ажәларқәа реиҩызара ирсимволуп ҳәа иҳәоит. Иара убасгьы иҳәеит апандемиа иахҟьаны аиубилеитә хәылԥазы изныкымкәа ишахыргахьаз.

"Амцабз" Москва еиҿкаау аԥсуа хәыҷтәы кәашаратә ансамбльуп. Напхгара аиҭоит Аԥсны акультура зҽаԥсазтәыз аусзуҩ Лаша Марыхәба. Еиҿкаан 2012 шықәсазы.

8

Аԥсны агәабзиарахьчара аминистрра алабораториақәа Очамчыреи Гагреи аусура ианалаго рҳәеит

1
(ирҿыцуп 10:58 05.08.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22642-ҩык ыҟоуп, ргәы бзиахеит 18189-ҩык, рыԥсҭазаара иалҵит 320-ҩык.

АҞӘА, нанҳәа 5 – Sputnik, Бадраҟ Аҩӡба. COVID-19 амазаара аҭҵааразы ПЦР-лабораториа Гагра аусура иазырхиоуп ҳәа иҳәеит Аԥсны Агәабзиарахьчара аминистр Едуард Быҭәба.

"Гагратәи алабораториа аусура ишаалагалак Аҟәатәи абактериологиатә лабораториа еиҳа ахы иақәиҭхоит. Алабораториаз ауада аремонт азуын Гагра араион ахадара амчала. Ахархәагақәа аахәан ареспубликатә биуџьет аԥарақәа рыла", - иҳәеит иара.

Аминистр иазгәеиҭеит алабораториа 200 рҟынӡа биоматериал уахыки-ҽнаки рыла адкылара шалшо. Ԥхынгәы 22 аахыс алабораториа атест режим ала аусура мҩаԥнагон.

Уи адагьы Едуард Быҭәба иҳәеит ареспубликатә биуџьет COVID-19 аламырҵәара иазнархаз аԥарақәа рыхәҭак ала Очамчыра алабараториа шаартхо.

"Иахьазы Очамчыратәи алабараториа аперсонал Ареспубликатә санитар-бактериологиатә лабораториаҿы аԥышәа иахысуеит" - иҳәеит иара.

Алабораториа аусура иалагоит атехникатәии адокументациатәии ҟазшьа змоу азҵаарақәа рҭыԥ ишықәҵахалак, аперсонал шазыҟаҵахалак.

1

Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

1
Ацитрус иаԥырхаго аԥарԥалыкь ықәызго абжы криптоламус ахархәара атәы арадио Sputnik аефир аҿы еиҭалҳәеит Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа.
Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

"Шерстистаиа белокрылка ҳәа изышьҭоу ԥшьышықәса раахыс иазгәаҭан иҳамоyп Аԥсны. Еиҳарак иахьаабо ацитрус аҟноуп, даара аҽамхакны иҟоуп. Ари хәаҷа ҿыцуп. Аҭагылазаашьа ас ианыҟала, ааигәа аинспекциаҿы иҟаз аиԥылараҟны иазыӡбан ахәаҷа зшьуа ахимметод ада, абиометод ахархәара. Абжы криптоламус, уи аԥырԥалыкь иаԥырхагоуп, ус азгәарҭеит аиԥылараҿы аекспертцәа. Макьана иҳазҳәом уи иахәоит ҳәа, аха иалагалазар, ахы шымҩаԥнаго аабарын. 500 цыра аԥсабарахь аушьҭра азгәаҭоуп. Ҳара урҭ аԥсабара ԥырхага анаҭом ҳәа азыҳаԥхьаӡоит", - еиҭалҳәеит Шьынқәырԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

1