Ешыра аԥаҩ иаҿҟьаз ахаҵа ихдырра ааит

17
(ирҿыцуп 14:02 26.04.2021)
1993 шықәса рзы ииз ахаҵа 30 метра иҟаз аԥаҩ даҿҟьеит, Аҟәа араион Аҩада Ешыра ақыҭа, Уаз-Абаа иахьаҵанакуаз мшаԥы 25 рзы.

АҞӘА, мшаԥы 26 – Sputnik, Бадраҟ Аҩӡба. Ешыра аԥаҩ иаҿҟьаз ахаҵа ихдырра ааит, ареанимациаҟынтәи анеирохирургиа аҟәшахьы диаргеит ҳәа Sputnik иазеиҭалҳәеит иара дызхәышәтәуа аҳақьым, анеирохирург Есма Џьопуаԥҳа.

"Ахәышәтәырҭахь данааргаз иҭагылазаашьа бааԥсын, ааха ӷәӷәақәа иман. Апациент ихшыбаҩ ҵысит, ихыбаҩ ҭаҟәаҟәан. Уи адагьы ихаҿыбаҩқәа жәпакы ԥҵәан, игәышҵатә баҩы ааха аман. Ааха рыман ирыԥҳақәа, игәы. Аҩнуҵҟатә ааха рыман иҷаҷақәа, ирҳәарах", - ҳәа лҳәоит аҳақьым.

Уажәы апациент иҭагылазаашьа бжьаратәла ихьанҭаны ишьоуп, агәаҭарацҵақәа дырхыжьтәуп ҳәа лҳәеит лара.

"Иԥсҭазаара ашәарҭа иҭагылам. Сиацәажәон. Ахҭыс ҟалаанӡатәи игәалашәара еицакым. Иҳәеит ишигәалашәо астол аҿы иҩызцәа дрыланы дыштәаз. Данкаҳа ашьҭахьтәи игәалашәара ԥкуп – аретроградтә амнезиа имоуп, акгьы игәалашәом", - ҳәа лҳәеит аҳақьым.

Иара ицыз ишырҳәаз ала, дахьынҭыҵыз, дықәҵәраан аладара хланҵы дҭалеит.

Амашәыр ҟалеит ҳәа Аԥсны аҭагылазаашьақәа аминистррахь адырра ҟаҵан асааҭ 16:36 минуҭ рзы. Ахҭыс ахьыҟалаз аҭыԥ ахь хара имгакәа идәықәҵан ашьхеиқәырхаратә гәыԥи Аԥсны АҶА амедицинатә усбарҭа аусзуҩцәеи.

Ааха зауз ахаҵа раԥхьатәи амедицинатә цхыраара иҭан. Иара асакасала дылбааргеит ареспубликатә мҩаду аҟынӡа, анаҩсан Ареспубликатә хәышәтәырҭахь днаргеит.

Аԥсны АҶА агәҽанҵара ҟарҵоит аԥсабараҿ апикникқәа рымҩаԥгараан агәаҽанызаара аадырԥшларц.

17

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау

Урыстәылатәи азенитчикцәа Амшын еиқәа акваториаҿы аԥырҩы дызҭам ихархәагақәа ҭадырхеит

3
Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

АҞӘА, лаҵара 12 - Sputnik. Аԥсны иҟоу Урыстәыла Аладатәи арратә округ азенит ракетатә ҟәшақәа аҽазыҟаҵарақәа мҩаԥыргеит. Аҽазыҟаҵарақәа раан Урыстәылатәи азенитчикцәа Амшын еиқәа акваториаҿы "аӷа" аԥырҩы дызҭам ихархәагақәа карыжьит ҳәа аанацҳауеит аокруг апресс-маҵзура.

"Аӷа" иԥрыгатә хархәагақәа ракәны ахархәара рыҭан аԥрыга аппаратқәа "Орлан", "Застава", "Гранат". Ацәҟьарақәа ирықәдыршәон аракетақәа релектронтә ҭырҟьагақәа рыла.

Аусдҵақәа рынагӡаразы аруаа атехника аибашьратә ҭагылазаашьала иаздырхиеит, ахацыркратә позициақәа ааныркылеит, еиҿыркааит аимадареи анапхгараҭареи рсистема. Абри ашьҭахь аԥшыхәра мҩаԥганы Амшын еиқәа акваториаҿы аԥырҩы дызҭам ахархәагақәа карыжьит.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруааи 40 ак арратә техникеи алархәны. Ахархәара рыҭан азенит-ракетатә комплексқәа "Оса-АКМ", "Стрела-10" , еиҭарго ЗРК "Игла".

3