Бжьаниа Москваҟа иусутә ныҟәара хыркәшоуп

14
(ирҿыцуп 10:09 27.04.2021)
Аслан Бжьаниа Аԥсны Аҳәынҭқарра ахада иаҳасабала Москваҟа усутә ныҟәарыла дцоижьҭеи ари фынтәуп.

АҞӘА, мшаԥы 27 - Sputnik. Аԥсны ахада Аслан Бжьаниа иԥсадгьыл ахь дхынҳәит Урыстәыла усутә ныҟәарыла иҟазаара ашьҭахь. Абри атәы аанацҳауеит ахада ипресс-маҵзура.

Бжьаниа Урыстәыла ахада Иусбарҭаҟни Урыстәыла аиҳабыра рыҟни аиԥыларақәа мҩаԥигеит.

Аслан Бжьаниеи акционертә еилазаара "Росгосстрах" адиректор хада Геннади Гальперини аусбарҭа анапхгара реиҳабы Олег Меркулови, Урыстәыла ахада иусқәа напхгара рзызуа Александр Колпакови актәи ихаҭыԥуаҩ Павел Фрадкови, иара убасгьы Урыстәыла аҳаиртә транспорт Афедералтә маҵзура анапхгаҩы Александр Нерадькои реиԥылара мҩаԥысит.

Аԥсныҟа иаара аламҭалаз Бжьаниа даҭааит Никита Михалков испектакль "12" аԥхьарбара. Аспектакль аԥхьарбара мҩаԥысит Атеатр Ду асценаҿы, арежиссиор ииубилеи аламҭалаз. Аԥсны ахада уахь днеиит москватәи ахәыҷтәы хореографиатә ансамбль "Амцабз" аҳаҭыр азы.

Аспектакль "12" хореографс дыҟоуп ансамбль "Амцабз" анапхгаҩы Лаша Марыхәба, ачечен ҷкәын ироль наигӡоит Рамиз Киалбиев – ансамбль "Амцабз" алахәыла. Лаша Марыхәба 2007 шықәса рзы арежиссиор Никита Михалков ифильм "12" далахәын.

Иара убас шәаԥхьар ҟалоит:

14

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау

Урыстәылатәи азенитчикцәа Амшын еиқәа акваториаҿы аԥырҩы дызҭам ихархәагақәа ҭадырхеит

3
Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

АҞӘА, лаҵара 12 - Sputnik. Аԥсны иҟоу Урыстәыла Аладатәи арратә округ азенит ракетатә ҟәшақәа аҽазыҟаҵарақәа мҩаԥыргеит. Аҽазыҟаҵарақәа раан Урыстәылатәи азенитчикцәа Амшын еиқәа акваториаҿы "аӷа" аԥырҩы дызҭам ихархәагақәа карыжьит ҳәа аанацҳауеит аокруг апресс-маҵзура.

"Аӷа" иԥрыгатә хархәагақәа ракәны ахархәара рыҭан аԥрыга аппаратқәа "Орлан", "Застава", "Гранат". Ацәҟьарақәа ирықәдыршәон аракетақәа релектронтә ҭырҟьагақәа рыла.

Аусдҵақәа рынагӡаразы аруаа атехника аибашьратә ҭагылазаашьала иаздырхиеит, ахацыркратә позициақәа ааныркылеит, еиҿыркааит аимадареи анапхгараҭареи рсистема. Абри ашьҭахь аԥшыхәра мҩаԥганы Амшын еиқәа акваториаҿы аԥырҩы дызҭам ахархәагақәа карыжьит.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруааи 40 ак арратә техникеи алархәны. Ахархәара рыҭан азенит-ракетатә комплексқәа "Оса-АКМ", "Стрела-10" , еиҭарго ЗРК "Игла".

3