Урыстәыла атуроператорцәа: лаҵарамзазы зегь раасҭа аԥсшьараз ахәқәа лаҟәуп Аԥсны

7
(ирҿыцуп 10:18 29.04.2021)
Атуроператорцәа лаҵарамзазы еиҳа ибиуџьеттәу ахырхарҭақәа ҳәаақәырҵеит, атурпакетқәа рыхәԥса азҳарагьы анализ азыҟарҵеит.

АҞӘА, мшаԥы 29 - Sputnik. Лаҵарамзазы зегь раасҭа амшын аҟны аԥсшьараз ахәқәа лаҟәуп Аԥсны ҳәа аанацҳауеит Урыстәыла атуроператорцәа р-Ассоциациа. Абри атәы аанацҳауеит РИА Новости.

Лаҵара 11-16 рзы атурқәа еиҳа рыхә ҳаракуп лаҵарамзатәи аԥсшьарамшқәа раан аасҭа. Ахәқәа еиҳахо иалагоит аплиажтә сежон ааигәахацыԥхьаӡа.

Урыстәылатәии аҳәаанырцәтәии акурортқәа рҿы аԥсшьара ахәԥса амониторинг иаанарԥшит Ҭырқәтәылеи Танзаниеи рахь аԥырра ахьаанкылоу азы урҭ ареитинг ишалҵыз. Убри аан асиа иануп Аԥсны, Кипр.

Амза агәазы аиҳарак ахәқәа лаҟәуп Аԥсны аԥсшьара (24 000 мааҭ атур азы). Ари жәамш аҵанакуеит ҩыџьа рзы.

Иара убри аҩыза апутиовказ Анапа, Шәача, Ҟрым рахь ишәатәуп 32 – 69 нызқь мааҭ. Убри аан аныҳәамшқәа ирҿырԥшны ахәԥсақәа 120 процент еиҳауп, Ҟрым—50 процент.

Кипрҟа ацара 106 нызқь еиҵахом, уи 20 процент еиҳауп аныҳәамшқәа рзы аасҭа. ОАЕ ахь атур 120 000 мааҭ иаԥсахоит, уи 55 процент еиҳа иаракуп лаҵара алагамҭаз аасҭа. Куба – амза алагамҭаз атур 157 000 мааҭ иаԥсазар, амза абжазы—179 000 мааҭ ихалоит.

Мальдивқәа рахь атур 190 000 мааҭ иаԥсахоит, амза алагамҭазы 30 нызқь рыла еиҵан.

Мшаԥы 20 рзы Роспотребнадзор аԥҟара ҿыцқәа аланагалеит. Иаланагалаз аԥҟарақәа рыла, лаҵара 1 ашьҭахь аҳәаанырцәынтә ихынҳәуа акоронавирус азы ҩынтә атест арҭароуп. Аҩбатәи атест аҭак аҳәынҭқарратә маҵзурақәа иаку рпортал аҿы икьыԥхьтәуп. Абри азы азинтә информациа аофициалтә портал аҿы икьыԥхьуп Урыстәыла асанитартә ҳақьым хада иқәҵара.

Уаанӡатәи Роспотребнадзор адыррақәа рыла, мшаԥы 15 инаркны Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим мҩаԥыргароуп, атест аҭак аҳәынҭқарратә маҵзурақәа иаку рпортал аҿы икьыԥхьтәуп ҳәа ҳәан.

Иара убас шәаԥхьар ҟалоит:

7

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау

Урыстәылатәи азенитчикцәа Амшын еиқәа акваториаҿы аԥырҩы дызҭам ихархәагақәа ҭадырхеит

3
Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруаа алархәны.

АҞӘА, лаҵара 12 - Sputnik. Аԥсны иҟоу Урыстәыла Аладатәи арратә округ азенит ракетатә ҟәшақәа аҽазыҟаҵарақәа мҩаԥыргеит. Аҽазыҟаҵарақәа раан Урыстәылатәи азенитчикцәа Амшын еиқәа акваториаҿы "аӷа" аԥырҩы дызҭам ихархәагақәа карыжьит ҳәа аанацҳауеит аокруг апресс-маҵзура.

"Аӷа" иԥрыгатә хархәагақәа ракәны ахархәара рыҭан аԥрыга аппаратқәа "Орлан", "Застава", "Гранат". Ацәҟьарақәа ирықәдыршәон аракетақәа релектронтә ҭырҟьагақәа рыла.

Аусдҵақәа рынагӡаразы аруаа атехника аибашьратә ҭагылазаашьала иаздырхиеит, ахацыркратә позициақәа ааныркылеит, еиҿыркааит аимадареи анапхгараҭареи рсистема. Абри ашьҭахь аԥшыхәра мҩаԥганы Амшын еиқәа акваториаҿы аԥырҩы дызҭам ахархәагақәа карыжьит.

Аҽазыҟаҵарақәа мҩаԥысуан аполигон Нагвалоу аҿы Аԥсны иҟоу Аладатәи арратә округ 200-ҩык аруааи 40 ак арратә техникеи алархәны. Ахархәара рыҭан азенит-ракетатә комплексқәа "Оса-АКМ", "Стрела-10" , еиҭарго ЗРК "Игла".

3