Акоронавирус хызҽуа урыстәылатәи алаҵа "Спутник V" Аԥсныҟа ианаауа арыцхә еилкаахеит

12
(ирҿыцуп 19:24 29.04.2021)
Иахьатәи аамҭазы акоронавирус хызҽуа урыстәылатәи алаҵа "Спутник V" ззеиԥш уааԥсыра х-миллиардк еиҳау адунеи атәылақәа 60 рҟны иазыразуп.

АҞӘА, мшаԥы 29 - Sputnik. Урыстәылатәи алаҵа "Спутник-V" Аԥсныҟа иаауеит ахәаша, мшаԥы 30 рзы, абри атәы аанацҳауеит атәыла ахада ипресс-маҵзура.

Раԥхьатәи апартиа 6500 доза иҟалоит.

Агәабзиарахьчара аминистрра апресс-маҵзураҿы ишазгәарҭаз ала, алаҵаҟаҵара ианалаго арыцхә макьана ишьақәдмыргылаӡацт.

Уаанӡа Аԥсны ахада Аслан Бжьаниа ТАСС аинтервиу анеиҭоз, ииҳәеит раԥхьа алаҵа шырзыҟарҵо аҳақьымцәа, егьырҭ акатегориақәа Акоординациатә штаб абжьгарала иалыркаауеит, аха излахәаԥшуа ала, урҭ арҵаҩцәеи атуристтә усхк знапы алакуи ракәхоит.

Алаҵа "Спутник V" аԥҵоуп иҭҵаау, игәаҭоу ауаҩԥсы иаденовирустә вектор аплатформала. Иара иамоу аԥыжәарақәа иреиуоуп ашәарҭадара, хра аманы аҟазаара, акраамҭатәи ахҟьаԥҟьақәа рыҟамзаара ҳәа азгәарҭоит. Алаҵа "Спутник V" 60 тәыла, иааизакны зуааԥсыра 1,5 миллиард иҟоу рҟны иазхаҵоуп. Алаҵа ашәарҭадареи хра аманы аҟазаареи 91,6% ишынаӡо атәы шьақәнарӷәӷәоит амедицинатә журнал The Lancet ианыз акьыԥхьымҭаҿы.

12
Атемақәа:
Аҿкычымазара – акоронавирус Аԥсни адунеи аҿи: иалкаау (1220)

Жәлар рдоуҳа: аԥстәқәеи аԥсаатәқәеи ирыхҳәаау жәлар разгәаҭарақәа

1
(ирҿыцуп 14:22 12.05.2021)
Аԥсаатәи аԥстәқәеи ирызку аԥсуа жәлар разгәаҭақәа ртәы арадио Sputnik аефир аҟны дазааҭгылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: аԥсаатәқәеи аԥстәқәеи ирыхҳәаау аԥсуаа разгәаҭақәа

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит абра>> Ажәҵыс ахьнеиуа амшра иатәуп: аԥстәқәеи аԥсаатәқәеи ирыхҳәаау жәлар разгәаҭарақәа

 

1

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау (1220)