Аԥсны иҟоу урыстәылатәи аруаа "Аиааира адиктант" рҩит

7
(ирҿыцуп 09:11 30.04.2021)
Адунеи зегь аҟны миллионҩык инарзынаԥшуа Аџьынџьтәылатә еибашьра Ду азы рдыррақәа аадырԥшит 2021 шықәсазы.

АҞӘА, мшаԥы 30 - Sputnik. Аԥсны иҟоу Урыстәылатәи Аладатәи арратә округ арратә база аррамаҵзурауаа рхы аладырхәит жәларбжьаратәи арккаратә акциа "Аиааира адиктант". Абри атәы аанацҳауеит аокруг апресс-маҵзура.

Адиктант 25-25 зҵаара аман, ҩ-вариантк рыла ишьақәгылан. Аҭакҟаҵара иазоушьҭын 45 минуҭ.

Зынӡа акциа иалахәын зықьҩык рҟынӡа Аԥсны иҟоу Урыстәылатәи Аладатәи арратә округ арратә база аррамаҵзурауааи, урҭ рҭаацәареи, аграждантә ҟазауааи, иара убасгьы урыстәылазегьтәи ахәыҷы-қәыԥштә арра-патриоттә уаажәларратә еиҿкаара "Юнармия" рҟынтәи аҿари.

Акциа мҩаԥган иазырхиаз аудиториақәа рҿи апалигонқәа Ҵабали Нагвалоуи рҿи.

Ауснагӡатә иахықәкы хаданы иҟоуп аҭоурыхтә гәалашәара аиқәырхара, аҭоурых адырра аизырҳара, Аџьынџьтәылатә еибашьра аҭҵаара.

7

Жәлар рдоуҳа: аԥстәқәеи аԥсаатәқәеи ирыхҳәаау жәлар разгәаҭарақәа

0
(ирҿыцуп 14:22 12.05.2021)
Аԥсаатәи аԥстәқәеи ирызку аԥсуа жәлар разгәаҭақәа ртәы арадио Sputnik аефир аҟны дазааҭгылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: аԥсаатәқәеи аԥстәқәеи ирыхҳәаау аԥсуаа разгәаҭақәа

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит абра>> Ажәҵыс ахьнеиуа амшра иатәуп: аԥстәқәеи аԥсаатәқәеи ирыхҳәаау жәлар разгәаҭарақәа

 

0

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау