Урыстәыла атәылауаҩ анаркотикқәа рыҭиразы Аԥсны иус рыӡбоит

5
(ирҿыцуп 11:26 30.04.2021)
Ахаҵа игәҭакын аметадон Аԥсны аҵакыраҿы аларҵәара. Иара имхын 180,5 грамм анаркотик.

АҞӘА, мшаԥы 30 - Sputnik. Урыстәыла атәылауаҩ Герман Телегин иус Гал араион аӡбарҭахь ирыҭоуп ҳәа аанацҳауеит Аԥсны ААР апресс-маҵзура.

Ахаҵа ахара идырҵоит гәыԥҩык ауаа алархәны закәаншьаҭада аҭиразы анаркотикатә маҭәашьарқәа раахәара, рыҵәахра, рымҩангара.

Аусҭҵаара адыррақәа рыла Телегин 2020 шықәсазы Урыстәыла даныҟаз мессенџьер Telegram ахархәарала ишьақәыргылам ахаҿы динырит азакәаншьаҭа змамыз анаркотикатә маҭәашьарқәа реикәыршара Аԥсны аҵакыраҿы амҩаԥгаразы.

Телегин идгалан ареспубликаҿы аилаҳәарақәа рышьҭаҵара, еилаҳәарацыԥхьаӡа 500 мааҭ уаҳҭоит ҳәа иаҳәан.

2021 шықәса хәажәкыра 17 рзы иара Аԥсныҟа дааит ихатәы автомашьына BMW ала, дагьаангылеит асасааирҭатә ҩнаҿы. Уаанӡа дызнырыз ахаҿы иҟынтәи иара анаркотикқәа ахьыҟоу аҭыԥ агеолокациа иҭан. Хәажәкыра 22 рзы Телегин Каман дцаны анаркотикқәа игоит анаҩс рыларҵәаразы.

Абри ашьҭахь Гал араион ақыҭа Реп аҿы жә-шьҭаҵарак ҟаиҵеит.

Телегин хәажәкыра 23 рзы дааныркылеит УКОНи СОБРи русзуҩцәа. Убри аан идырбалеит 180,5 грамм аметадон. Вимҩаԥгаз аоператив-ԥшааратә уснагӡатәқәа ирылҵшәаны амилициа аусзуҩцәа аҭираз ирхиаз 390 еилаҳәара имырхит.

5

Лаҵаратәи амшныҳәақәа ран аԥснытәи асасааирҭақәа 80 процент иҭәын

2
(ирҿыцуп 12:50 12.05.2021)
Аиҳараҩык атуристцәа - 37 нызқьҩык рҭааит арҭ аныҳәамшқәа рзы Риҵатәи амилаҭтә парки Афон ҿыцтәи аҳаԥи.

АҞӘА, лаҵара 12 – Sputnik. Лаҵаратәи амшныҳәақәа ран аԥснытәи асасааирҭақәа 80 процент иҭәын ҳәа арадио Sputnik иазеиҭеиҳәеит Аԥсны атуризм аминистр ихаҭыԥуаҩ Асҭамур Барцыц.

Иара иажәақәа рыла Афон ҿыцтәи аҳаԥы иаҭааит 16,5 нызқьҩык атуристцәа, 20,5 нызқьҩык Риҵатәи апарк иаҭааит.

"Аԥсназы ари аамҭазы зеиԥш ҟамлацыз рбагоуп", - иҳәеит Барцыц.

2019 шықәса ажьырныҳәа-жьҭаара амзақәа ирыбжьакны ареспублика иаҭааит 1 100 000 турист, ахатә сектор налаҵаны 500 нызқьҩык ара инхон, 2020 шықәсазы атуристтә сезон нанҳәамзазоуп ианалагаз. Нанҳәа-жьҭаара ирыбжьаркыз аамҭазы аминистрра аинформациала ареспублика иаҭааит 600 000 турист.

Роспотребнадзор мшаԥымза анҵәамҭазы аҳәамҭа ҟанаҵахьан, Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим иқәныҟәароуп ҳәа. Уи ашьҭахь аусбарҭаҿы ирҳәеит лаҵара 1 ашьҭахь аҳәаанырцәынтә Урыстәылаҟа ихынҳәуа атәылауаа акоронавирус азы ҩынтә атест арҭароуп мышкы еиҳамкәа ирыбжьаҵаны.

Аха мшаԥы 30 рзы ирылаҳәан Роспотребнадзор ақәҵара ари аҭахра аԥсуа-аурыс ҳәаа иахысуа шаҵанамкуазы.

Иара убас шәаԥхьар ҟалоит:

2

Гәылрыԥшьтәи араионтә ӡбарҭаҿы Ахра Аҩӡба иус азы аилатәара мҩаԥысуеит

9
Ахра Аҩӡба даанкылан уаанӡа еиқәшаҳаҭханы абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы ҳәа ахара ихараҵаны.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Аӡбратә процесс мҩаԥысуеит Гәылрыԥшьтәи араионтә ӡбарҭа аӡбаҩ Игорь Агәмаа инапхгарала.

Аӡбратә процесс алагамҭазы ахыбра аҿаԥхьа еизеит Аҩӡба иуацәеи иҭынхацәеи. Урҭ аӡәаӡәала аҩныҵҟа инарышьҭуан.

Ахра Аҩӡба, Аслан Гуатижев, Андреи Лактионов, Станислав Культ, Талех Гасанов анапҭлаҳәқәа рымӷан.

Аӡбарҭа ахыбра Аԥсны ААР аусзуҩцәеи аҟәша ҷыда аусзуҩцәеи ирыхьчоит.

Ахра Аҩӡба иус Гәылрыԥшьтәи араионтә ӡбарҭахь инашьҭуп Иреиҳаӡоу аӡбарҭа адҵала, избанзар Аҟәатәи ақалақьтә ӡбарҭа азинмчқәа рыҿҳәара ииасит.

9
Атемақәа:
Ахра Аҩӡба иаанкылара