Урыстәыла атәылауаҩ анаркотикқәа рыҭиразы Аԥсны иус рыӡбоит

© SputnikНаручники
Наручники  - Sputnik Аҧсны, 1920, 30.04.2021
Анапаҵаҩра
Ахаҵа игәҭакын аметадон Аԥсны аҵакыраҿы аларҵәара. Иара имхын 180,5 грамм анаркотик.

АҞӘА, мшаԥы 30 - Sputnik. Урыстәыла атәылауаҩ Герман Телегин иус Гал араион аӡбарҭахь ирыҭоуп ҳәа аанацҳауеит Аԥсны ААР апресс-маҵзура.

Ахаҵа ахара идырҵоит гәыԥҩык ауаа алархәны закәаншьаҭада аҭиразы анаркотикатә маҭәашьарқәа раахәара, рыҵәахра, рымҩангара.

Аусҭҵаара адыррақәа рыла Телегин 2020 шықәсазы Урыстәыла даныҟаз мессенџьер Telegram ахархәарала ишьақәыргылам ахаҿы динырит азакәаншьаҭа змамыз анаркотикатә маҭәашьарқәа реикәыршара Аԥсны аҵакыраҿы амҩаԥгаразы.

Телегин идгалан ареспубликаҿы аилаҳәарақәа рышьҭаҵара, еилаҳәарацыԥхьаӡа 500 мааҭ уаҳҭоит ҳәа иаҳәан.

Арестованный  - Sputnik Аҧсны, 1920, 20.04.2021
Аԥсныҟа анаркотикқәа раагаразы Адлертәи аӡбарҭа аҳәаанырцәуаҩ изы азыӡба аднакылеит

2021 шықәса хәажәкыра 17 рзы иара Аԥсныҟа дааит ихатәы автомашьына BMW ала, дагьаангылеит асасааирҭатә ҩнаҿы. Уаанӡа дызнырыз ахаҿы иҟынтәи иара анаркотикқәа ахьыҟоу аҭыԥ агеолокациа иҭан. Хәажәкыра 22 рзы Телегин Каман дцаны анаркотикқәа игоит анаҩс рыларҵәаразы.

Абри ашьҭахь Гал араион ақыҭа Реп аҿы жә-шьҭаҵарак ҟаиҵеит.

Телегин хәажәкыра 23 рзы дааныркылеит УКОНи СОБРи русзуҩцәа. Убри аан идырбалеит 180,5 грамм аметадон. Вимҩаԥгаз аоператив-ԥшааратә уснагӡатәқәа ирылҵшәаны амилициа аусзуҩцәа аҭираз ирхиаз 390 еилаҳәара имырхит.

Ажәабжьқәа зегьы
0