"Спутник V" актәи апартиа Аԥсныҟа иаагоуп

11
(ирҿыцуп 14:04 30.04.2021)
Акоронавирус аҟынтәи алаҵаҟаҵара иалагоит лаҵарамзатәи аныҳәамшқәа рышьҭахь, абас аҳәамҭа ҟаиҵеит Агәабзиарахьчара аминистр Ҭамаз Ҵахнакьиа.

АҞӘА, мшаԥы 30 - Sputnik. Урыстәылатәи алаҵа "Спутник V" пактәи апартиа Аԥсныҟа иааргеит мшаԥы 30 ауха.

"Алаҵаҟаҵара мҩаԥгахоит Ареспубликатә хәышәтәырҭаҿы. Араионтә хәышәтәырҭақәа алаҵа ҟазҵар зҭаху рсиа шьақәыргылан инанашьҭроуп, абри ашьҭахь ауп аконтеинер ҷыдақәа ирҭаҵаны алаҵа анроуа. Алаҵа аҟаҵара ҟалоит атерапевт иҟынтә азин умазар. Раԥхьа иргыланы алаҵа рзыҟарҵоит ачымазара змыхьыц", - иҳәеит Агәабзиарахьчара аминистрра хәшәылеи медицинатә хархәагалеи реиқәыршәаразы аҟәша аиҳабы Ахра Аџьба.

Агәабзиарахьчара аминистр Ҭамаз Ҵахнакьиа ишиҳәаз ала алаҵаҟаҵара ишалаго азы адҵа анапы аҵаҩхоит. Алаҵаҟаҵараҿы аԥыжәара рыҭоуп амедицинатә усзуҩцәа, анаҩс – арҵаҩцәа, абиуџьет усхки азинмчратә структурақәеи русзуҩцәа, алаҵаҟаҵаразы ԥынгыла змам атәылауаа.

Анаҩстәи апартиа аашьҭра алаҵаҟаҵара актәи ахәҭа шымҩаԥысуа иаҿырԥшхоит, иҳәеит аминистр.

11
Атемақәа:
Аҿкычымазара – акоронавирус Аԥсни адунеи аҿи: иалкаау (1219)

Лаҵаратәи амшныҳәақәа ран аԥснытәи асасааирҭақәа 80 процент иҭәын

2
(ирҿыцуп 12:50 12.05.2021)
Аиҳараҩык атуристцәа - 37 нызқьҩык рҭааит арҭ аныҳәамшқәа рзы Риҵатәи амилаҭтә парки Афон ҿыцтәи аҳаԥи.

АҞӘА, лаҵара 12 – Sputnik. Лаҵаратәи амшныҳәақәа ран аԥснытәи асасааирҭақәа 80 процент иҭәын ҳәа арадио Sputnik иазеиҭеиҳәеит Аԥсны атуризм аминистр ихаҭыԥуаҩ Асҭамур Барцыц.

Иара иажәақәа рыла Афон ҿыцтәи аҳаԥы иаҭааит 16,5 нызқьҩык атуристцәа, 20,5 нызқьҩык Риҵатәи апарк иаҭааит.

"Аԥсназы ари аамҭазы зеиԥш ҟамлацыз рбагоуп", - иҳәеит Барцыц.

2019 шықәса ажьырныҳәа-жьҭаара амзақәа ирыбжьакны ареспублика иаҭааит 1 100 000 турист, ахатә сектор налаҵаны 500 нызқьҩык ара инхон, 2020 шықәсазы атуристтә сезон нанҳәамзазоуп ианалагаз. Нанҳәа-жьҭаара ирыбжьаркыз аамҭазы аминистрра аинформациала ареспублика иаҭааит 600 000 турист.

Роспотребнадзор мшаԥымза анҵәамҭазы аҳәамҭа ҟанаҵахьан, Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим иқәныҟәароуп ҳәа. Уи ашьҭахь аусбарҭаҿы ирҳәеит лаҵара 1 ашьҭахь аҳәаанырцәынтә Урыстәылаҟа ихынҳәуа атәылауаа акоронавирус азы ҩынтә атест арҭароуп мышкы еиҳамкәа ирыбжьаҵаны.

Аха мшаԥы 30 рзы ирылаҳәан Роспотребнадзор ақәҵара ари аҭахра аԥсуа-аурыс ҳәаа иахысуа шаҵанамкуазы.

Иара убас шәаԥхьар ҟалоит:

2

Гәылрыԥшьтәи араионтә ӡбарҭаҿы Ахра Аҩӡба иус азы аилатәара мҩаԥысуеит

9
Ахра Аҩӡба даанкылан уаанӡа еиқәшаҳаҭханы абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы ҳәа ахара ихараҵаны.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Аӡбратә процесс мҩаԥысуеит Гәылрыԥшьтәи араионтә ӡбарҭа аӡбаҩ Игорь Агәмаа инапхгарала.

Аӡбратә процесс алагамҭазы ахыбра аҿаԥхьа еизеит Аҩӡба иуацәеи иҭынхацәеи. Урҭ аӡәаӡәала аҩныҵҟа инарышьҭуан.

Ахра Аҩӡба, Аслан Гуатижев, Андреи Лактионов, Станислав Культ, Талех Гасанов анапҭлаҳәқәа рымӷан.

Аӡбарҭа ахыбра Аԥсны ААР аусзуҩцәеи аҟәша ҷыда аусзуҩцәеи ирыхьчоит.

Ахра Аҩӡба иус Гәылрыԥшьтәи араионтә ӡбарҭахь инашьҭуп Иреиҳаӡоу аӡбарҭа адҵала, избанзар Аҟәатәи ақалақьтә ӡбарҭа азинмчқәа рыҿҳәара ииасит.

9
Атемақәа:
Ахра Аҩӡба иаанкылара