АТОР аҟны Аԥснынтәи зыԥсы шьаны Урыстәылаҟа ихынҳәуа ирԥеиԥшу еилыркаауан

3
(ирҿыцуп 17:53 30.04.2021)
"Вестника АТОР" арреспондент Аԥсны даҭааит зыԥсы шьаны Урыстәылаҟа ихынҳәуа атуристцәа ирԥеиԥшу аилкааразы.

АҞӘА, мшаԥы 30 - Sputnik. Аԥсны аҵакырахь аҭаларазы уаанӡатәи арежим аус ауеит, атуристцәа ПЦР-тест азы аршаҳаҭга шәымоума ҳәа аӡәгьы дҵаауам, ианыхынҳәуагьы Роспотребнадзор аԥҟарақәа ишрықәныҟәо аӡәгьы дахылаԥшуам, аҳәоит Урыстәыла атуроператорцәа Рассоциациа асаит аҿы икьыԥхьу аматериал.

Мшаԥы 15 азтәи Роспотребнадзор аӡбрала аҳәаанырцәынтә аҩныҟа ихынҳәуа урыстәылаа ПЦР-анализ COVID-19 азы иҟарҵароуп, аҭак роуаанӡагьы рхы ԥхьаркроуп. Лаҵара 1 инаркны атест ҩынтә иаҭатәуп мышкы бжьаҵаны.

Арҭ аҭахрақәа рхы иадырхәом Аԥсны иаҭааз Краснодартәи атәылаҿацә ауааԥсыреи ареспубликаҟынтә Урыстәылаҟа аусуреи, аҵареи ма аамҭакьаҿлатәи ус иаауа.

Урыстәыла асанитар ҳақьым хада Анна Попова атәыла ахада имҩаԥигоз аилацәажәараҿы илҳәеит атәыла аҳәааҿы асанитар-карантинтә хылаԥшра мҩаԥысуеит, уи COVID-19 алаҵәара алнаршом ҳәа.

"Вестник АТОР" акорреспондент Аԥсны даҭан мшаԥы 25-29 рзы, атуроператор "Интурист" имҩаԥигаз апресс-тур ала.

Акьыԥхьымҭа ишаҳәо ала Аԥсныҟа иалало атуристцәа ПЦР-тестқәа рымазаара иазҵааӡом. Уаанӡа Аслан Бжьаниа ТАСС аинтервиу аҭо иҳәахьан ареспублика алалара аруадаҩра аӡәгьы игәы ишҭам, сынтәа атуристцәа хыԥхьаӡара рацәала ишырзыԥшу.

Вестник акорреспондент иазгәеиҭеит Роспотребнадзор арбагақәа инарықәыршәаны аҳәаа дахысаанӡа Аҳәынҭмаҵзура апортал аҿы атәыла иалало изы аформа шхеирҭәааз, "аушьҭырҭатә ҭыԥ" аграфаҿы ишаирбаз "Адлер (автомашьынатә)", аграфа "алалараан дызланеиуа" – "шьапыла" ҳәа шаирбаз.

Аҳәаа автомашьынала уахысуазар ахатә транспорт ма атрансфертә машьына аҳәынҭқарратә ҭаҩратә номер арбатәуп.

Аҳәынҭмаҵзура асаит аҿы аформа анҭоугалалак амаҵзура шуоуз азы адырреи Роспотребнадзор аусзуҩцәа дырбаразы QR-коди урҭоит. Аха АТОР адыррала мшаԥы 29 рзы аурыс-аԥсуа ҳәааҿы аусбарҭа аусзуҩцәа ыҟамызт.

Урыстәылаҟа ихынҳәуаз атуристцәа ақьаад анкетақәа рырҭомызт, QR-кодқәагьы аӡәгьы дрыхәаԥшуамызт. Аҳәаахьчаратә маҵзура аусзуҩцәа атест аҭатәуп ҳәа аӡәгьы игәы иҽанырҵомызт. Роспотребнадзор аофициалтә Instagram-аккаунт аҿы уаанӡа ирҳәахьан аҳәаахьчаратә маҵзура аусзуҩцәа уи аҩыза анапынҵа рымам ҳәа.

Уаанӡа Аԥсны агәабзиарахьчара аминистрра апресс-маҵзураҿы ирҳәеит аминистр Ҭамаз Ҵахнакьиеи, Роспотребнадзор аиҳабы, Урыстәыла асанитартә ҳақьым хада Анна Поповеи алацәажәараны иҟоуп атуристтә сезон аан аԥсуа-аурыс ҳәаа ахысра аиҿкаара азҵаарақәа ҳәа.

3

Иҳаҩсыз уахыки-ҽнаки рыла даҽа 52-ҩык акоронавирус рыдырбалеит Аԥсны

4
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14795-ы ыҟоуп, ргәы бзиахеит 13780-ҩык, рыԥсҭазаара иалҵит 222-ҩык.

АҞӘА, лаҵара 7 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 334-ҩык атестқәа рзыҟаҵан, урҭ рахьтә 52-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 45-ҩык акоронавирус адиагноз рзышьақәыргылоуп, рҭагылазаашьа бааԥсуп 26-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 13-ҩык, Гагратәи ахәышәтәырҭаҿы - 21-ҩык, Тҟәарчалтәи ахәышәтәырҭаҿы - хәҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау

Габуниа Дәрыԥшь имҩаԥысран иҟоу аҽырыҩрақәа рзы: ақыҭақәа зегьы рзы ныҳәа дууп

9
Аџьынџьтәылатә еибашьра Ду аҿы Аиааира 76 шықәса ахыҵра аҳаҭыраз Дәрыԥшь ақыҭан имҩаԥысуеит аҽырыҩрақәа. Урҭ шеиҿкаахо, насгьы иалахәхо акомандақәа ртәы арадио Sputnik аефир аҿы еиҭеиҳәеит аҽырыҩраҿы аӡбаҩ хада имаӡаныҟәгаҩ Џьума Габуниа.
Раионк аԥсҭазаараҟынтә: Габуниа Дәрыԥшь имҩаԥысран иҟоу аҽырыҩрақәа ирызкны

"Маи 8-9 Гәдоуҭа араион ф-қыҭак злахәу аныҳәа дуӡӡа амҩаԥгара ҳазыхиоуп, ашҭа маншәлоуп, аҽқәа уахь инаргаран иҟаз зегьы иахьа инагоуп. Аҽқәа рҭыԥ дара ақыҭақәа рхала, рџьабаала иҟарҵеит. Араион аҟынтә ф-командак 50-50 нызқь мааҭ рыҭоуп, ацхыраара ҳасабала. Иҟоуп раԥхьаӡа акәны ас еиԥш аҽырхәмаррақәа ирылахәу. Иҟоуп раԥхьаӡа акәны иҽыжәлазгьы, ус ҳара ҳҿы дыҟоуп 9 класск рҿы итәоу аҽыуаҩ қәыԥш. Ари аныҳәа ҳажәлар еиднакылоит, аԥсуа жәынгьы-ҿангьы ирымаз аспорт аихьӡарақәа аазырԥшуаз, аԥсҭазаара дуӡӡа ԥхьаҟа изгоз ажәларқәа ҳреиуоуп ҳара. Иҟан аамҭақәа 10 командак рҟынӡа ианыҟаз. Аԥсуа ҽыбӷаҟазаратә хәмаррақәа раԥхьа имҩаԥган Абгархықә, нас Аҷандара, Аацы, абарҭ ақыҭақәа зегьы рзы ари амш азы аныҳәа дуӡӡа ҟарҵон, иара усгьы иҟоуп иахьагьы", - ҳәа еиҭеиҳәеит Габуниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

9