Аԥсны Аџьынџьтәылатә еибашьра иазку абаҟақәа ирхылаԥшуеит

4
(ирҿыцуп 14:33 01.05.2021)
Аџьынџьтәылатә еибашьра Ду аан ҳџьынџьуаа зықьҩыла амцашыра иалагылан. Еибашьра ицаз 55,5 нызқьҩык Аԥсны аԥацәеи аԥҳацәеи рҟынтәи 17 нызқьҩык рышьҭахьҟа изыхнымҳәит. 22-а Асовет Еидгыла Афырхаҵа ҳәа ахьӡ ду иаԥсахеит.

АҞӘА, лаҵара 1 – Sputnik, Асмаҭ Ҵәыџьԥҳа. Аԥсны иахьаҵанакуа шәкы рҟынӡа Аџьынџьтәылатә еибашьра ду иазку абаҟақәа ыҟоуп ҳәа Sputnik иазеиҭалҳәеит Акультура аминистрра аҭоурых-культуратә ҭынха адепартамент аҟазауаҩ хада Лана Чхьынџьериаԥҳа.

Ииашаҵәҟьоу астатистика ыҟам, аха абаҟақәа зегьы аҳәынҭқарра хылаԥшра рнаҭоит. Убри аан реиҭашьақәыргылареи ррыцқьареи ауааԥсыреи араионқәа рхадарақәеи роуп имҩаԥызго.

"Аҳәынҭқарратә ҩаӡара аманы абаҟақәа реиҭашьақәыргылараз апроект ыҟам. Акультура аминистрра аҭоурых-культуратә ҭынха адепартамент – хылаԥшартә усбарҭоуп. Афинанстә цхыраара ауам, аусурақәа рхаҭабзиароуп игәанаҭо",- лҳәеит лара.

Ахьӡ-аԥша амузеи адиректор лхаҭыԥуаҩ Николаи Медвенски еиҭеиҳәеит 2010 шықәса рзы имҩаԥгаз ауснагӡатәқәа рыла 62 обиект шазгәаҭаз: ааба Аҟәа араион аҿы, фба Гагра араион аҿы, жәаф Гәдоуҭа араион аҿы, хәба Тҟәарчал араион аҿы, жәаф Очамчыра араион аҿы, акы Гал араион аҿы.

Медвенски иҳәеит ииашахаҭаны аобиектқәа иҵегь шыҟоу.

"Арҭ адыррақәа нагӡам избанзар ирыҵаркуа амшынԥшаҳәеи ашьхара иахьаԥнуи иҟоу абаҟақәа роуп, арахь иалам Гал араион аладатәи акалҭи ашьхаҳаракырақәа рҿи иҟоу абаҟақәа. Асовет аамҭазы қыҭацыԥхьаӡа абаҟа гылан. Аиҭагәаҭарақәа мҩаԥгатәуп. Ҳара уажәы ари аус ҳнапы алакуп", - иҳәеит иара.

Медвенски иажәақәа рыла рмузеи аусзуҩцәа рхатә харџьқәа рыла арыцқьаратә уснагӡатәқәа мҩаԥыргоит.

"Ҳара иҳалшо ҟаҳҵоит аха уи азхоны иҟам. Иҟоуп аремонт ззыҟаҵамзар амуа аобиектқәа", - иҳәеит иара.

Акультура аминистрра аҭоурых-культуратә ҭынха Адепартамент аиҳабы Гарик Сангәлиа иажәақәа рыла аҟәша иахәҭоу азхьаԥшра амам, афинанстә ган аганахь алагьы ишахәҭоу аиԥш абаҟақәа хылаԥшра рырҭалартә. Уи адагьы аусзуҩцәа иҟоу азхом.

"Аобиектқәа зегь ҳзеимдом, атранспорт амамзаара иахҟьаны. Абылтәы ҳамам. Араионтә хаҭаранкрақәа рҿы штатбжала аус руеит, иуҳәар ауеит рхатә џьабаахәла", -  иҳәеит иара.

Сангәлиа ишазиԥхьаӡо ала афинанстә хәҭагьы налаҵаны иааидкыланы аҭагылазаашьа еиӷьтәтәуп.

Акультура аминистрра аҭоурых-культуратә ҭынха Адепартамент 2014 шықәсанӡа ишыҟаз аиԥш ҳәынҭқарратә усбарҭаны еиҭактәуп.

4

Иҳаҩсыз уахыки-ҽнаки рыла даҽа 52-ҩык акоронавирус рыдырбалеит Аԥсны

4
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14795-ы ыҟоуп, ргәы бзиахеит 13780-ҩык, рыԥсҭазаара иалҵит 222-ҩык.

АҞӘА, лаҵара 7 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 334-ҩык атестқәа рзыҟаҵан, урҭ рахьтә 52-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 45-ҩык акоронавирус адиагноз рзышьақәыргылоуп, рҭагылазаашьа бааԥсуп 26-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 13-ҩык, Гагратәи ахәышәтәырҭаҿы - 21-ҩык, Тҟәарчалтәи ахәышәтәырҭаҿы - хәҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау

Габуниа Дәрыԥшь имҩаԥысран иҟоу аҽырыҩрақәа рзы: ақыҭақәа зегьы рзы ныҳәа дууп

9
Аџьынџьтәылатә еибашьра Ду аҿы Аиааира 76 шықәса ахыҵра аҳаҭыраз Дәрыԥшь ақыҭан имҩаԥысуеит аҽырыҩрақәа. Урҭ шеиҿкаахо, насгьы иалахәхо акомандақәа ртәы арадио Sputnik аефир аҿы еиҭеиҳәеит аҽырыҩраҿы аӡбаҩ хада имаӡаныҟәгаҩ Џьума Габуниа.
Раионк аԥсҭазаараҟынтә: Габуниа Дәрыԥшь имҩаԥысран иҟоу аҽырыҩрақәа ирызкны

"Маи 8-9 Гәдоуҭа араион ф-қыҭак злахәу аныҳәа дуӡӡа амҩаԥгара ҳазыхиоуп, ашҭа маншәлоуп, аҽқәа уахь инаргаран иҟаз зегьы иахьа инагоуп. Аҽқәа рҭыԥ дара ақыҭақәа рхала, рџьабаала иҟарҵеит. Араион аҟынтә ф-командак 50-50 нызқь мааҭ рыҭоуп, ацхыраара ҳасабала. Иҟоуп раԥхьаӡа акәны ас еиԥш аҽырхәмаррақәа ирылахәу. Иҟоуп раԥхьаӡа акәны иҽыжәлазгьы, ус ҳара ҳҿы дыҟоуп 9 класск рҿы итәоу аҽыуаҩ қәыԥш. Ари аныҳәа ҳажәлар еиднакылоит, аԥсуа жәынгьы-ҿангьы ирымаз аспорт аихьӡарақәа аазырԥшуаз, аԥсҭазаара дуӡӡа ԥхьаҟа изгоз ажәларқәа ҳреиуоуп ҳара. Иҟан аамҭақәа 10 командак рҟынӡа ианыҟаз. Аԥсуа ҽыбӷаҟазаратә хәмаррақәа раԥхьа имҩаԥган Абгархықә, нас Аҷандара, Аацы, абарҭ ақыҭақәа зегьы рзы ари амш азы аныҳәа дуӡӡа ҟарҵон, иара усгьы иҟоуп иахьагьы", - ҳәа еиҭеиҳәеит Габуниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

9