Аиааира ду амшныҳәа аламҭалаз Кәтол аҽырыҩрақәеи, аҽырхәмаррақәеи мҩаԥысуеит

15
(ирҿыцуп 15:37 01.05.2021)
Очамчыра араион Кәтол ақыҭан имҩаԥысуа аҽыспорттә еиндаҭларақәа ирылахәуп Кәтолтәи, Гәылрыԥшьтәи акомандакәа ҩба.

АҞӘА, лаҵара 1 - Sputnik. Аџьынџьтәылатә еибашьар ду аҟны аиааира агара амш 76-шықәса ахыҵра иазкны Кәтол ақыҭан аҽырыҩрақәеи, аҽырхәмаррақәеи мҩаԥысуеит, абри атәы аҭыԥантәи иааицҳауеит Sputnik акорреспондент.

Аҽырыҩрақәеи, аҽырхәмаррақәеи рлахәылацәа имҩаԥыргоит аиԥхныҩлара, аҽымпыл ахәмарра, аҵәы аршәра.

Аиндаҭларақәа ирылахәуп кәтолаа, Гәылрыԥшь араион акоманда "Кәыдры" аҽыбӷаҟазацәа, иара убас арахь иааиит Гәдоуҭатәи аҽыҩҷкәынцәа, дара аиԥхныҩлараҿы еиндаҭлараны иҟоуп.

© Sputnik / Томас Тхайцук
Аиааира ду амшныҳәа аламҭалаз Кәтол аҽырыҩрақәеи, аҽырхәмаррақәеи мҩаԥысуеит

Аиндаҭларақәа аартуа еизаз аԥсшәа реиҳәеит Кәтол ақыҭа аиҳабы Вахтанг Кәарцхьиа. Аспортсменцәа ақәҿиарақәа рзеиӷьеишьеит, иазгәеиҭеит Кәтол ақыҭан аҽырыҩра жәашықәса иназынаԥшуа ишымҩаԥырго, иалахәын 5-6 команда. Сынтәа иалахәу акомандақәа рмаҷра аҿкычымазара иадиҳәалоит.

Аԥхьахә ҭыԥқәа аанызкало иранашьахоит аԥаратә ҳамҭақәеи, аҳаҭыртә шәҟәқәеи, ахраҿақәеи.

© Sputnik / Томас Тхайцук
Аиааира ду амшныҳәа аламҭалаз Кәтол аҽырыҩрақәеи, аҽырхәмаррақәеи мҩаԥысуеит

Аполитикатә партиа "Амцахара" ахьӡала ахраҿа ранашьахоит Аџьынџьтәылатәи еибашьра дуи, Аԥсны Аџьынџьтәылатәи еибашьра ирылаӡызи, иара убас кутолтәи акоманда аиҿкааҩ Даур Амҷбеи ргәаларшәара аҳаҭыраз имҩаԥгахо аиԥхныҩлара иаиааиз.

Ауснагӡатә еиҿыркааит Кәтол ақыҭа ахадара, Очамчыра араион ахадареи аҿари аспорти русқәа рзы Аҳәынҭеилаки рыдгыларала.

Ауснагӡатә аартын иҭахаз аибашьцәа рмемориал аҿаԥхьа ашәҭшьыҵәрақәа рышьҭаҵарала.

15

Жәлар рдоуҳа: аԥстәқәеи аԥсаатәқәеи ирыхҳәаау жәлар разгәаҭарақәа

1
(ирҿыцуп 14:22 12.05.2021)
Аԥсаатәи аԥстәқәеи ирызку аԥсуа жәлар разгәаҭақәа ртәы арадио Sputnik аефир аҟны дазааҭгылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: аԥсаатәқәеи аԥстәқәеи ирыхҳәаау аԥсуаа разгәаҭақәа

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит абра>> Ажәҵыс ахьнеиуа амшра иатәуп: аԥстәқәеи аԥсаатәқәеи ирыхҳәаау жәлар разгәаҭарақәа

 

1

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау