Багаԥшь ихьӡ зху ашҭаҿы аӡыршә аусура иалагеит

11
Сергеи Багаԥшь ихьӡ зху ашҭаҿы аӡыршә ақәыргылараз аусурақәа ирылагеит ажьырныҳәамзазы. Аусурақәа мҩаԥнагоит Аҟәа ахадара амуниципалтә усбарҭа "Аиқәыршәазаара".

АҞӘА, лаҵара 1 - Sputnik. Бадри Есиава. Сергеи Багаԥшь ихьӡ зху ашҭаҿы аусурақәа хыркәшаны аӡыршә аусура иаларган асабша ахәылбыҽха лаҵара 1 азы.

Аӡыршә аартразы аофициалтә церемониа ҳәа акгьы мҩаԥгамызт. Аусурақәа шеиҿкааз ахәшьара аҭаразы арахь иааит Атәыла ахада Аслан Бжьаниеи, Аҟәа ақалақь ахада Беслан Ешбеи.

Иазгәаҭоуп аӡыршә аамҭалатәхар шауа. Иара анықәдыргыла ашьҭахь Сергеи Багаԥшь ибаҟа аԥҵаразы имҩаԥысуа аицлабраҿы аӡыршә ахьазԥхьагәаҭам апроект аиааира агар иқәгахар алшоит.

Аԥсны аҩбатәи ахада Сергеи Багаԥшь ибаҟа апроектқәа рзы аицлабра аартын 2019 шықәса ԥхынгәы 1 азы. Азыҳәақәа рыдкылара хыркәшан 2020 шықәса ԥхынҷкәын 10 рзы. Арзаҳалқәа рыдкылара анхыркәшаха ашьҭахь иаарту аиндаҭлара амҩаԥгаразы аусутә гәыԥ анапы ианҵан 2021 шықәса ажьырныҳәа 25 рзы апроекттә усурақәа рыдкылара хдыркәшарц.

  • Багаԥшь ихьӡ зху ашҭаҿы аӡыршә аусура иалагеит
    © Sputnik / Марианна Кубрава
  • Багаԥшь ихьӡ зху ашҭаҿы аӡыршә аусура иалагеит
    © Sputnik / Марианна Кубрава
  • Багаԥшь ихьӡ зху ашҭаҿы аӡыршә аусура иалагеит
    © Sputnik / Марианна Кубрава
  • Багаԥшь ихьӡ зху ашҭаҿы аӡыршә аусура иалагеит
    © Sputnik / Марианна Кубрава
1 / 4
© Sputnik / Марианна Кубрава
Багаԥшь ихьӡ зху ашҭаҿы аӡыршә аусура иалагеит

Амонументалтә ҟазаразы аҳәынҭкомиссиа хәажәкыра 3 рзы реилатәараҿы х-проектк алыркааит жәаба рҟынтәи. Урҭ аҩбатәи атур ахь инеиит.

Сергеи Багаԥшь диит 1949 шықәса хәажәкыра 4 рзы. 2005 шықәса рзы иара Аԥсны ахадас далхын, 2009 шықәсазы – деиҭалхын. Иԥсҭазаара далҵит лаҵара 29, 2011 шықәса рзы.

11

Урыстәылатәи аспелеологцәа Веревкин иҳаԥаҿы ахаҵа иԥсыбаҩ рбеит

2
(ирҿыцуп 09:32 05.08.2021)
Урыстәылатәи аспелеологцәа ргәаанагарала Веревкин иҳаԥаҿыарыцҳара ҟалазар ҟалоит 2020 шықәса аԥхын ма ҭагалан.

АҞӘА, нанҳәа 5 – Sputnik, Бадри Есиава. Урыстәылатәи аспелеологцәа Аԥсны иҟоу Веревкин иҳаԥаҿы ахаҵа иԥсыбаҩ рбеит 1100 метра алаҟәыраҿы, абри атәы Sputnik иазеиҭеиҳәеит Урыстәыла аспелеологцәа Реидгыла анапхгара алахәыла Евгени Снедков.

"Нанҳәа 3, асааҭ 4:00 азы Москва, Перовсктәи аклуб аспелеологцәа ргәыԥ, 30 шықәса инарзынаԥшуа Веревкин иҳаԥаҿы аусурақәа мҩаԥызго, атурист иԥсыбаҩ рбеит. Аԥхьа аҭаларҭатә ҵеиџь ахықәаҿ ашаха рбеит, маҭәақәакгьы. Анаҩс 1100 метра алаҟәыраҿ ауаҩы иԥсыбаҩ кнаҳан", - иҳәеит иара.

Снедков иажәақәа рыла иҭахаз дыштуристыз еилкаахеит, избанзар аҳаԥы амаршрут ауадаҩра иақәшәомызт ихархәагақәа. Иҟалоит иара аԥышәеи амчи изымхазар. Уи адагьы асеиԥш иҟоу аҳаԥқәа аӡәы ихала аҭалара ашәарҭадара атехника еиланагоит. Иара ихаҭара шьықәзыргылаша ҳәа аспелеологцәа акгьы рзымԥшааит.

Урыстәылатәи аспелеологцәа ргәаанагарала Веревкин иҳаԥаҿы арыцҳара ҟалазар ҟалоит 2020 шықәса аԥхын ма ҭагалан.

Аспелеологцәа реидгыла Аԥсны АҶА ахь адырра ҟарҵеит.

"Идокументқәеи игәакьацәеи ԥшаатәуп. Иҟаҵатәу дара ирҳәароуп. Асеиԥш аан аԥсыбаҩ аҭгара рҽазыршәоит аха ариаҟара аҵаҟынтә уи уадаҩуп. 50 – 100-ҩык рҟынӡа аспелеологцәа аҭахуп. Аҳаԥаҿы ишәарҭоу аҭыԥқәа ыҟоуп",- иҳәоит Снедков.

Иара иҳәеит Аԥсныҟа амҩа ишықәло аспелеологцәа Реидгылаҟынтә уи азы аҳәара ҟаҵахар.

2020 шықәса нанҳәамзазы Арбаика аҳаԥаҿы дҭахеит аспелеолог Павел Демидов. Иԥсыбаҩ 300 метра рҟынтә ихагалан.
Веревкин иҳаԥы адунеи аҿы реиҳа иҵаулоу ҳәа иԥхьаӡоуп. 2018 шықәсазы урыстәылатәи аспелеологцәа 2212 метра илбааит.

2

Аԥсны акоронавирус зланы зыԥсҭазаара иалҵыз 320-ҩык рҟынӡа инаӡеит

14
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22642-ҩык ыҟоуп, ргәы бзиахеит 18189-ҩык, рыԥсҭазаара иалҵит 320-ҩык.

АҞӘА, нанҳәа 4 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 392-ҩык атестқәа рзыҟаҵан, урҭ рахьтә 98-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы рыԥсҭазаара иалҵит ԥшьҩык: 76 шықәсеи 80 шықәсеи зхыҵуаз ҩыџьа аҳәсеи,  42 шықәсеи 83 шықәсеи зхыҵуаз ҩыџьа ахацәеи.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 178-ҩык, рҭагылазаашьа бааԥсуп 41-ы, ибжьаратәуп - 51-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 44-ҩык апациентцәа, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 24-ҩык. Гагратәи ахәшәтәырҭаҿы - 47-ҩык, урҭ рахьтә 12-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 13-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Аҿкычымазара – акоронавирус Аԥсни адунеи аҿи: иалкаау