Въезд в Рицинский реликтовый национальный парк

Риҵатәи амилаҭтә парк аҿы амҩа аремонт иалагеит

13
Рицатәи амилаҭтә парк аҿы аиҭашьақәыргыларатә усурақәа зегьы ирықәхарџьтәуп ҩажәижәаба миллиони ҩажәижәаба нызқь мааҭи аԥара.

АҞӘА, лаҵара 2 – Sputnik, Бадраҟ Аҩӡба. Риҵатәи ареликттә милаҭтә парк аҿы амҩа-ремонттә усурақәа ирылагеит ҳәа Sputnik акорреспондент изеиҭеиҳәеит апарк аиҳабы Адамыр Багаҭелиа.

"Зехьынџьара асфальт ақәҵара ҳалагоит ҳазҳәаӡом, иара убас аҭыжаарақәа мацара рҭарҭәароуп ҳәагьы ҳҳәаӡом. Аԥхасҭа ахьыҟоу аҭыԥқәа рҿы амҩа ахәҭақәа квадратла иҭырффаны асфальт ҭаҳарҭәалоит. Уажәы амҩақәа рҿы амашьынақәа рныҟәара иацлеит, иҳазгәамҭаӡакәа иаҳҭаауа ауаа рхыԥхьаӡара иацлеит. Иацы мацара Риҵатәи апарк иаҭааит зқьи хышәҩык рҟынӡа ауааԥсыра. Амҩатә усурақәа ирыхҟьаны амашьынақәа рныҟәара еиҵахар ауеит", - иҳәеит иара.

Аремонттә усурақәа мҩаԥысуеит еиҳа иахьыԥхасҭоу аҭыԥқәа рҿы - 15-тәи 42-тәи акилометрқәа иахьрыбжьаркуа амҩа ахәҭаҿы.

"Аусурақәа рымҩаԥгаразы гәдоуҭатәи асфальттә зауад атехника адҳаԥхьалеит. Амш иаҳнаҭар, ҳазҭоу амза нҵәаанӡа ихҳаркәшоит ҳәа ҳгәы иҭоуп", - ҳәа азгәеиҭеит Адамыр Багаҭелиа.

Хәажәкырамзазы адырра ҟаҵан амҩақәа ахаҳәи асы рҟынтә арыцқьаразы апарк ишаанахәаз атеника. Атрактор ҿыц аахәареи аҭыԥ ахь анагареи рзы Риҵатәи амилаҭтә парк жәа-миллионки бжаки аԥара ахарџь ҟанаҵеит.

Риҵатәи ареликттә милаҭтә парк 1930 шықәсазы иаԥырҵаз Риҵатәи аҳәырԥсарра шьаҭас иаҭаны 1996 шықәсазы иаҧҵоуп. Амилаҭтә парк ахи-аҵыхәеи 390 километр ԥшьыркца аҵанакуеит. Риҵатәи амилаҭтә парк аԥшӡарақәа ирыҵаркуеит – Риҵа ду, Риҵа маҷ, аӡиа Мзы, Ауадҳара, Ҩыԥсара аиҩхаа, аӡиас Бзыԥ аиҩхаара, аӡхыҽҽарақәа. Апарк ахышәаҵышәа 390 километр ԥшьыркца иҟоуп.

13

Иҳаҩсыз уахыки-ҽнаки рыла даҽа 52-ҩык акоронавирус рыдырбалеит Аԥсны

4
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14795-ы ыҟоуп, ргәы бзиахеит 13780-ҩык, рыԥсҭазаара иалҵит 222-ҩык.

АҞӘА, лаҵара 7 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 334-ҩык атестқәа рзыҟаҵан, урҭ рахьтә 52-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 45-ҩык акоронавирус адиагноз рзышьақәыргылоуп, рҭагылазаашьа бааԥсуп 26-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 13-ҩык, Гагратәи ахәышәтәырҭаҿы - 21-ҩык, Тҟәарчалтәи ахәышәтәырҭаҿы - хәҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау

Габуниа Дәрыԥшь имҩаԥысран иҟоу аҽырыҩрақәа рзы: ақыҭақәа зегьы рзы ныҳәа дууп

9
Аџьынџьтәылатә еибашьра Ду аҿы Аиааира 76 шықәса ахыҵра аҳаҭыраз Дәрыԥшь ақыҭан имҩаԥысуеит аҽырыҩрақәа. Урҭ шеиҿкаахо, насгьы иалахәхо акомандақәа ртәы арадио Sputnik аефир аҿы еиҭеиҳәеит аҽырыҩраҿы аӡбаҩ хада имаӡаныҟәгаҩ Џьума Габуниа.
Раионк аԥсҭазаараҟынтә: Габуниа Дәрыԥшь имҩаԥысран иҟоу аҽырыҩрақәа ирызкны

"Маи 8-9 Гәдоуҭа араион ф-қыҭак злахәу аныҳәа дуӡӡа амҩаԥгара ҳазыхиоуп, ашҭа маншәлоуп, аҽқәа уахь инаргаран иҟаз зегьы иахьа инагоуп. Аҽқәа рҭыԥ дара ақыҭақәа рхала, рџьабаала иҟарҵеит. Араион аҟынтә ф-командак 50-50 нызқь мааҭ рыҭоуп, ацхыраара ҳасабала. Иҟоуп раԥхьаӡа акәны ас еиԥш аҽырхәмаррақәа ирылахәу. Иҟоуп раԥхьаӡа акәны иҽыжәлазгьы, ус ҳара ҳҿы дыҟоуп 9 класск рҿы итәоу аҽыуаҩ қәыԥш. Ари аныҳәа ҳажәлар еиднакылоит, аԥсуа жәынгьы-ҿангьы ирымаз аспорт аихьӡарақәа аазырԥшуаз, аԥсҭазаара дуӡӡа ԥхьаҟа изгоз ажәларқәа ҳреиуоуп ҳара. Иҟан аамҭақәа 10 командак рҟынӡа ианыҟаз. Аԥсуа ҽыбӷаҟазаратә хәмаррақәа раԥхьа имҩаԥган Абгархықә, нас Аҷандара, Аацы, абарҭ ақыҭақәа зегьы рзы ари амш азы аныҳәа дуӡӡа ҟарҵон, иара усгьы иҟоуп иахьагьы", - ҳәа еиҭеиҳәеит Габуниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

9