Москватәи аҳәынҭкапеллеи Аԥсны аҳәынҭкамертә оркестри Аҟәа иҟало рконцерт иалацәажәеит

18
(ирҿыцуп 15:55 03.05.2021)
Аинформациатә агентра Sputnik Аԥсны апресс-центр аҿы имҩаԥысит Москватәи аҳәынҭқарратә капеллеи Аԥсны Аҳәынҭқарратә камертә оркестри еицымҩаԥыргараны иҟоу аконцерт иазкыз апресс-конференциа.

Ашәахьа, лаҵара 3 асааҭ 18:00 рзы Аԥсуа ҳәынҭқарратә драматә театр аҿы имҩаԥысраны иҟоуп Аџьынџьтәылатә еибашьра Ду аҟны игаз Аиааира амш иазку Москватәи аҳәынҭқарратә капеллеи Аԥсны Аҳәынҭқарратә камертә оркестри рконцерт.

Асмаҭ Ҵәыџьԥҳа, Sputnik

Аҟазара, аиҩызара, апланқәа

Москватәи аколлектив напхгара аиҭоит Анатоли Судаков, иара иаб Вадим Судаков жәашықәса инеиԥынкыланы Аԥсны Аҳәынҭқарратә хортә капелла анапхгаҩыс дыҟан.

"Акыр шықәса Москватәи аҳәынҭқарратә капелла Аԥсны акырџьара иқәгылон, адгылара аанарԥшуан, наҟ-наҟгьы еиуеиԥшым апроектқәа рынагӡара ҳгәы иҭоуп", - иҳәеит Аԥсны акультура аминистр Гәдиса Агрба.

Аҟәатәи аҳәынҭқарратә музыкатә ҵараиурҭа аиҳабы Нинель Бжьаниаԥҳа иазгәалҭеит Москватәи Аҳәынҭқарратә капелла аԥсуа жәлар ишрыдгылоу аарԥшуа Аԥсныҟа ишаалоз аибашьра ашьҭахьтәи аамҭа уадаҩ аангьы, ахы рыланархәуан акрызҵазкуа аусмҩаԥгатәқәа.

Аԥсны аҳәынҭқарратә камертә оркестр адирижиор Давид Терзиан иажәақәа рыла, аҩколлективк 2017 шықәса раахыс аус шеицыруа, уи ашықәсан аԥснытәи аоркестр раԥхьаӡа акәны Москваҟа гастрольла ицаны иҟан.

"Ҳара ҳоркестрқәа рыҩбагьы есымша еимадоуп. Ҳоркестр ари аконцерт мызкынаҟьак аҽазыҟанаҵон, апрограмма ҳара ҳзы маҷк иуадаҩын, избанзар ҳзышьцыламыц атемпқәа, атоналра, амодулиациақәа рҽыԥсахрақәа аныԥшуеит. Аха мчыбжьык иалагӡаны ҳара ҳашьцылеит, еилаҳкааит алҵшәа бзиа шалҵуа, ишақәнагоу ишыҟало, аранжировкагьы аинтерес шаҵоу", - иҳәеит иара.

Терзиан иазгәеиҭеит иара убас амузыкатә ҵараиура иахьатәи аамҭазы аҵак ду шамоу ахәыҷқәа рзы. Уи адагьы, рколлектив аконцертқәа рыманы атәыла араионқәа рахь ицаларгьы шыбзиаз, аха уи азы макьана алшара шыҟам.

Нинель Бжьаниаԥҳа иара убас лажәа иацҵо илҳәеит иахьазы зегь раԥхьаӡа хықәкыс ирымоу - ахәыҷқәа аинструментқәа рҟны ахәмаршьа дырҵара шакәу.

"Республикацыԥхьаӡа иҟоуп дара рхатәы симфониатә оркестрқәа - уи ртәыла ахаҿра аанарԥшуеит. Ҳара 75-ҩык рҟынӡа ҳхыԥхьаӡара аннаҳгалак, ҳгәы ҳарҭынчуеит. Уажәы ҳҵараиурҭаҿы иааҳартит аоркестртә класс, цәыббрамзанахыс оркестр хәыҷык ааҳартыртә ҳҟалоит ҳәа агәаанагара ҳамоуп", - лҳәеит лара.

Аклассика мацара акәым

Анатоли Судаков Аԥсны акультура аминистрра иҭабуп ҳәа аиҳәеит ари аусмҩаԥгатә ҩаӡара ҳаракыла иахьеиҿыркаауеи аколлектив гәыкала иахьрыдыркылази. Иара иажәақәа рыла, апрограмма театралтә қәгыларак иеиԥшхоит.

Апрограмма иалоуп еицырдыруа аурыс композиторцәа рашәақәа рҟынтәи Аџьынџьтәылатә еибашьра Ду иазку асиуитақәа, Гершин, Верди, акиномузыка, "Аопера анаур" ("Призрак оперы") аҟынтәи амузыка.

"Инаҳагӡо арҿиамҭақәа зегьы ҷыдала ҳара ҳансамбль азы аранжировкаҟаҵаҩцәа аус адырулеит, иҟалоит зегьы еицырдыруа ашәақәа, ахәаԥшцәагьы ашәа ҳацырҳәалар рылшоит", - иҳәеит Судаков.

Терзиан иажәақәа рыла, 25 шықәса раахижьҭеи раԥхьаӡа акәны Аԥсуа ҳәынҭқарратә драматә театр аҟны аоркестртә ажра (оркестровая яма - аред.) аадыртит, уи аҩнуҵҟа аконцерт нарыгӡалоит 30-ҩык амузыкантцәа. Ахәаԥшцәа ираҳауеит аурыс музыка адагьы, италиатәи, франциатәи, америкатәи иара убас аԥсуа милаҭтә музыкагьы.

"Арҭ рҩызцәа апроектқәа даара аҵак ду рымоуп. Ҳпублика аклассикатә музыка иаршьцылалатәуп иахьынӡахәыҷу, ашкол ианҭоу инаркны. Ари аҩыза апрактика адунеи атәылақәа реиҳарак рҟны иҟоуп. Арҭ реиԥш аконцертқәа аҭахуп, шаҟа ирацәаны имҩаԥаагало аҟара иаҳзеиӷьуп", – ҳәа азгәеиҭеит иара.

Акультура аминистр иара убас иазгәеиҭеит Аԥсны акоронавирус аламырҵәаразы иалагалоу аԥкрақәа инарықәыршәаны, азал 50% иреиҳамкәа ахәаԥшцәа рыла ишдырҭәуа.

18

COVID-19 злаз даҽа пациенткак лыԥсҭазаара далҵит Гәдоуҭатәи ахәышәтәырҭаҿы

14
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15006-ҩык ыҟоуп, ргәы бзиахеит 14025-ҩык, рыԥсҭазаара иалҵит 226-ҩык.

АҞӘА, лаҵара 15 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 176-ҩык атестқәа рзыҟаҵан, урҭ рахьтә 22-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы лаҵара 14 рзы лыԥсҭазаара далҵит 1939 шықәса рзы ииз акоронавирус злаз апациентка.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 41-ҩык акоронавирус адиагноз рзышьақәыргылоуп, рҭагылазаашьа бааԥсуп 28-ҩык, ибжьаратәуп - 12-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 31-ҩык апациентцәа, рҭагылазаашьа бааԥсуп хәҩык. Очамчыра ирхәышәтәуеит 16-ҩык, Гагратәи ахәышәтәырҭаҿы - 17-ҩык, Тҟәарчалтәи ахәышәтәырҭаҿы - ԥшьҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Аҿкычымазара – акоронавирус Аԥсни адунеи аҿи: иалкаау

Едуард Быҭәба Гәдоуҭатәи ахәышәтәырҭа даҭааны аусушьа гәеиҭеит

8
(ирҿыцуп 19:59 15.05.2021)
Едуард Быҭәба Аԥсны агәабзиарахьчара аминистрс дҟаҵан аҩаша лаҵара 11 рзы Аԥсны Аҳәынҭқарра ахада иусԥҟа инақәыршәаны.

АҞӘА, лаҵара 15 – Sputnik. Аԥсны агәабзиарахьчара аминистр Едуард Быҭәба Гәдоуҭатәи араионтә хәышәтәырҭа хада даҭааит ахәаша лаҵара 14 рзы ҳәа аҳәоит Аԥсуа телехәаԥшра адырраҭара.

Иара игәеиҭеит ахәышәтәырҭа ашҭаҿы игылоу акоронавирус азы анализқәа ахьрыдыркыло аҭыԥ, адкыларҭа, апалатақәа. Ахәышәтәырҭа аусзуҩцәа аминистр изеиҭарҳәеит акоронавирустә инфекциа злоу апациентцәа, убарҭ рхыԥхьаӡараҿы COVID-19 адиагноз ззықәыргылоу зцәазтәым аҳәсагьы, рыхәышәтәра шеиҿкаау.

Быҭәба иара убас игәеиҭеит аҵәыҵәри анашьҭразы еиқәыршәоу астанциа, уантәи ауп аковид-госпиталь апалатақәа рахь аҵәыҵәри зланеиуа. Игәеиҭеит аҳауеиҭарсра асистема шыҟам, уи азҵаара шыӡбатәугьы азгәеиҭеит.

Иҷыдоу ахыхьчага маҭәа ишәҵаны аминистр "азона ҟаԥшь" ахь днеит, хаҭала апациентцәа рҭагылазаашьа ибарц, драцәажәарц азы. Иара дразҵаауан иаҭаху зегьы рымоу ирымаму, иаарласны ргәабзиара шьақәгыларц рзеиӷьеишьеит.

"Анцәа иҳәааит иаарласны шәгәы бзиахо, уи ауп зегь реиҳа ихадоу. Шәҭаацәа рахь ԥшӡала шәхынҳәааит. Ҳара, ҳколлегацәа, аҳақьымцәа, ҳашәзыӡырҩлоит, ишәҭаху аҿы ҳшәывагылоит", - иҳәеит аминистр.

Аԥсуа телехәаԥшра анҵамҭаҿы иара убас иарбоуп Едуард Быҭәба амедицинатә усзуҩцәа рџьабаазы иҭабуп ҳәа шреиҳәаз, агоспитальгьы лассы-лассы даҭаалоит ҳәа ажәа шриҭаз, аҳақьымцәеи ахәышәтәырҭа анапхгареи иареи аусутә еиԥыларақәа мҩаԥаагалоит ҳәа шиҳәаз.

Гәдоуҭатәи араионтә хәышәтәырҭа аҳақьым хада Ҳаџьараҭ Шамба лаҵара 14 рзы иҟаиҵаз адыррала, аковид-госпиталь аҿы ишьҭоуп акоронавирустә инфекциа злоу апациентцәа 38-ҩык, урҭ рахьтә 16-ҩык рҭагылазаашьа бааԥсуп. Иара убас ара ареабилитациа иахысуеит COVID-19 иаиааихьоу 11-ҩык апациентцәа.

Аԥсуа телехәаԥшра аматериал аҿы иара убас иазгәаҭоуп агәабзиарахьчара аминистр атәыла амедусҳәарҭақәа зегьы дырҭааны рҭагылазаашьа гәеиҭарц игәы ишҭоу.

Аԥсны Аҳәынҭқарра ахада иусԥҟа инақәыршәаны Едуард Быҭәба Аԥсны агәабзиарахьчара аминистрс дҟаҵан аҩаша лаҵара 11 рзы. Иара диԥсахит зхатәгәаԥахарала змаҵура аанзыжьыз Ҭамаз Ҵахнакьиа.

8
Атемақәа:
Аҿкычымазара – акоронавирус Аԥсни адунеи аҿи: иалкаау