Ашьапылампыл азы Аԥсны ачемпионат ахԥатәи атур иалагоит лаҵара 4 рзы

12
Ашьапылампыл азы Аԥсны XXVIII ачемпионат иалахәуп аа-командак атәыла араионқәа зегь рҟынтәи. Ачемпионат мҩаԥысуеит мшаԥымза инаркны абҵарамзанӡа.

АҞӘА, лаҵара 3 - Sputnik. Ашьапылампыл азы Аԥсны ачемпионат ахԥатәи атур иалагоит аҩаша лаҵара 4 рзы галтәи "Самырзаҟани" тҟәарчалтәи "Шахтиори" рыхәмаррала ҳәа аанацҳауеит Аԥсны
Ашьапылампыл афедерациа.

Ахаша лаҵара 5 рзы афонтәи астадион аҿы "Афони" аҟәатәи "Динамои" еицыхәмаруеит.

Аԥшьаша лаҵара 6 рзы ачемпионат аҿы раԥхьаӡа акәны ицәырҵыз, макьана кәаталакгьы змоуц цандрыԥшьтәи "Саӡ" иаднакылоит аҟәатәи "Нарҭ".

Ахԥатәи атур хыркәшахоит лаҵара 7 рзы гагратәи "Гагреи" гәдоуҭатәи "Риҵеи" рыхәмаррала. Ахәмаррақәа зегьы ирылагоит асааҭ 17:00 рзы.

Ашьапылампыл азы Аԥсны XXVIII ачемпионат иалахәуп аа-командак: цандрыԥшьтәи "Саӡ", "Гагра", "Афон", гәдоуҭатәи "Риҵа", аҟәатәи акомандақәа "Динамо", "Нарҭ", галтәи "Самырзаҟани", тҟәарчалтәи "Шахтиор".

Ачемпионат мҩаԥыслоит мшаԥы 20 инаркны абҵарамзанӡа, рашәарамза азбжанӡа актәи аикәшара еилгоит, анаҩс аԥхынразы ахәмаррақәа ҟалаӡом, цәыббрамзанӡа аҩбатәи аикәшара иалагоит, анаҩс ахԥатәи.

12

Аԥсны агәабзиарахьчара аминистрра алабораториақәа Очамчыреи Гагреи аусура ианалаго рҳәеит

1
(ирҿыцуп 10:58 05.08.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22642-ҩык ыҟоуп, ргәы бзиахеит 18189-ҩык, рыԥсҭазаара иалҵит 320-ҩык.

АҞӘА, нанҳәа 5 – Sputnik, Бадраҟ Аҩӡба. COVID-19 амазаара аҭҵааразы ПЦР-лабораториа Гагра аусура иазырхиоуп ҳәа иҳәеит Аԥсны Агәабзиарахьчара аминистр Едуард Быҭәба.

"Гагратәи алабораториа аусура ишаалагалак Аҟәатәи абактериологиатә лабораториа еиҳа ахы иақәиҭхоит. Алабораториаз ауада аремонт азуын Гагра араион ахадара амчала. Ахархәагақәа аахәан ареспубликатә биуџьет аԥарақәа рыла", - иҳәеит иара.

Аминистр иазгәеиҭеит алабораториа 200 рҟынӡа биоматериал уахыки-ҽнаки рыла адкылара шалшо. Ԥхынгәы 22 аахыс алабораториа атест режим ала аусура мҩаԥнагон.

Уи адагьы Едуард Быҭәба иҳәеит ареспубликатә биуџьет COVID-19 аламырҵәара иазнархаз аԥарақәа рыхәҭак ала Очамчыра алабараториа шаартхо.

"Иахьазы Очамчыратәи алабараториа аперсонал Ареспубликатә санитар-бактериологиатә лабораториаҿы аԥышәа иахысуеит" - иҳәеит иара.

Алабораториа аусура иалагоит атехникатәии адокументациатәии ҟазшьа змоу азҵаарақәа рҭыԥ ишықәҵахалак, аперсонал шазыҟаҵахалак.

1

Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

1
Ацитрус иаԥырхаго аԥарԥалыкь ықәызго абжы криптоламус ахархәара атәы арадио Sputnik аефир аҿы еиҭалҳәеит Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа.
Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

"Шерстистаиа белокрылка ҳәа изышьҭоу ԥшьышықәса раахыс иазгәаҭан иҳамоyп Аԥсны. Еиҳарак иахьаабо ацитрус аҟноуп, даара аҽамхакны иҟоуп. Ари хәаҷа ҿыцуп. Аҭагылазаашьа ас ианыҟала, ааигәа аинспекциаҿы иҟаз аиԥылараҟны иазыӡбан ахәаҷа зшьуа ахимметод ада, абиометод ахархәара. Абжы криптоламус, уи аԥырԥалыкь иаԥырхагоуп, ус азгәарҭеит аиԥылараҿы аекспертцәа. Макьана иҳазҳәом уи иахәоит ҳәа, аха иалагалазар, ахы шымҩаԥнаго аабарын. 500 цыра аԥсабарахь аушьҭра азгәаҭоуп. Ҳара урҭ аԥсабара ԥырхага анаҭом ҳәа азыҳаԥхьаӡоит", - еиҭалҳәеит Шьынқәырԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

1