Урыстәылатәи аблогер иԥсҭазаара далҵит Аԥсны 40 мшы имҩаԥигоз амлашьра ашьҭахь

30
(ирҿыцуп 14:15 04.05.2021)
Ахаҵа имҩаԥигоз аԥышәара - акрымфара игәабзиара ааха шанаҭаз инырит 35 амш азы, аха имлашьра иациҵеит.

АҞӘА, лаҵара 4 - Sputnik. Урыстәылатәи аблогер Витали Выграновски иԥсҭазаара далҵит Аԥсны 40 мшы имҩаԥигоз амлашьра ашьҭахь. Абри атәы аанацҳауеит РИА Новости, НТВ ҵаҵӷәыс иганы.

Иазгәаҭоуп, ахаҵа YouTube аҿы аканал мҩаԥигон ҳәа, уаҟа иҳәон крымф-крымжә 40 мшы аҟазаара шилшо, иара убас иԥышәара алҵшәақәа дырзааҭгылон "ВКонтакте" идаҟьаҿы.

Выграновски дыздыруаз аблогерцәа асоциалтә ҳақәа рҟны ирыҩуеит, иԥсҭазаара далҵит ичгара ашьҭахь ҳәа. Иԥсра зыхҟьаҵәҟьаз макьана ишьақәыргылам.

Выграновски амлашьра далагеит хәажәкырамзазы Москва. Ажәабатәи амш азы игәабзиара дахашшаауа далагеит, "ақалақьтәи аԥсҭазаара иқәыӷәӷәо" даналага дааит Аԥсныҟа, араҟа амлакра иациҵеит. Аҩажәатәи амш азы аблогер еиҭеиҳәеит ишигхаз, аха "аҽрыцқьара" дшахысыз.

"Ишԥамҩаси арҭ амшқәа? Хәмарран, уи сыдыскылеит сара. Аинтерес сзаҵан. Сцәа-сжьы аҽарыцқьеит", - иҳәахьан иара.

Ахаҵа имҩаԥигоз аԥышәара - акрымфара игәабзиара ааха шанаҭаз инырит 35 амш азы, аха имлашьра иациҵеит.

30

Аԥсны агәабзиарахьчара аминистрра алабораториақәа Очамчыреи Гагреи аусура ианалаго рҳәеит

0
(ирҿыцуп 10:58 05.08.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22642-ҩык ыҟоуп, ргәы бзиахеит 18189-ҩык, рыԥсҭазаара иалҵит 320-ҩык.

АҞӘА, нанҳәа 5 – Sputnik, Бадраҟ Аҩӡба. COVID-19 амазаара аҭҵааразы ПЦР-лабораториа Гагра аусура иазырхиоуп ҳәа иҳәеит Аԥсны Агәабзиарахьчара аминистр Едуард Быҭәба.

"Гагратәи алабораториа аусура ишаалагалак Аҟәатәи абактериологиатә лабораториа еиҳа ахы иақәиҭхоит. Алабораториаз ауада аремонт азуын Гагра араион ахадара амчала. Ахархәагақәа аахәан ареспубликатә биуџьет аԥарақәа рыла", - иҳәеит иара.

Аминистр иазгәеиҭеит алабораториа 200 рҟынӡа биоматериал уахыки-ҽнаки рыла адкылара шалшо. Ԥхынгәы 22 аахыс алабораториа атест режим ала аусура мҩаԥнагон.

Уи адагьы Едуард Быҭәба иҳәеит ареспубликатә биуџьет COVID-19 аламырҵәара иазнархаз аԥарақәа рыхәҭак ала Очамчыра алабараториа шаартхо.

"Иахьазы Очамчыратәи алабараториа аперсонал Ареспубликатә санитар-бактериологиатә лабораториаҿы аԥышәа иахысуеит" - иҳәеит иара.

Алабораториа аусура иалагоит атехникатәии адокументациатәии ҟазшьа змоу азҵаарақәа рҭыԥ ишықәҵахалак, аперсонал шазыҟаҵахалак.

0

Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

1
Ацитрус иаԥырхаго аԥарԥалыкь ықәызго абжы криптоламус ахархәара атәы арадио Sputnik аефир аҿы еиҭалҳәеит Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа.
Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

"Шерстистаиа белокрылка ҳәа изышьҭоу ԥшьышықәса раахыс иазгәаҭан иҳамоyп Аԥсны. Еиҳарак иахьаабо ацитрус аҟноуп, даара аҽамхакны иҟоуп. Ари хәаҷа ҿыцуп. Аҭагылазаашьа ас ианыҟала, ааигәа аинспекциаҿы иҟаз аиԥылараҟны иазыӡбан ахәаҷа зшьуа ахимметод ада, абиометод ахархәара. Абжы криптоламус, уи аԥырԥалыкь иаԥырхагоуп, ус азгәарҭеит аиԥылараҿы аекспертцәа. Макьана иҳазҳәом уи иахәоит ҳәа, аха иалагалазар, ахы шымҩаԥнаго аабарын. 500 цыра аԥсабарахь аушьҭра азгәаҭоуп. Ҳара урҭ аԥсабара ԥырхага анаҭом ҳәа азыҳаԥхьаӡоит", - еиҭалҳәеит Шьынқәырԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

1