Иоушьҭра иазыԥшуп: Ахра Аҩӡба идгыларазы акциа шымҩаԥысуаз

7
(ирҿыцуп 09:08 05.05.2021)
Ахра Аҩӡба иуацәеи иҭынхацәеи Аԥсны АШәМ аԥхьа еизеит лаҵара 4 рзы. Дара азыԥшын заанкылара аҿҳәара лаҵара 5 рзы инҵәо Ахра доурышьҭуеит ҳәа.

Sputnik

Ахра Аҩӡба иуацәеи иҭынхацәеи Аԥсны АШәМ аԥхьа еизеит

Ахра Аҩӡба иуацәеи иҭынхацәеи азыԥшуп заанкылара аҿҳәара лаҵара 5 рзы инҵәо Ахра доурышьҭуеит ҳәа.

Ахра Аҩӡба иаанкылара аҿҳәара лаҵара 5 рҟынӡа ҳәа иԥхьаӡоуп мшаԥы 2 азтәи Аҟәатәи ақалақьтә еизара аӡбрала. Убри аан Ахра Аҩӡба идукат Инга Габилаиаԥҳа иазгәалҭоит мшаԥы 29 аахыс Ахра иус Гәылрыԥшьтәи араионтә ӡбарҭахь ишынашьҭу.

"Аӡбарҭа ақәҵара аднакылеит ахарадҵа шыҟоу имԥсахкәа иааныжьзарц, аха сара уи закәандароуп ҳәа исшьоит, избанзар Ашьаус-процессуалтә закәанеидкылаҿы иарбоуп хымш рыҩныҵҟа апрокуратура аӡбарҭахь азыҳәа нанашьҭроуп, аӡбарҭагьы уи азхьаԥшра анаҭароуп ҳәа" - лҳәеит Инга Габилаиаԥҳа.

Апрокурор изыҳәада аӡбаҩ азин имам ахарадҵа ацҵара, аха ара аҿҳәарагьы арбам, ус ишыҟоу иааныжьзааит ҳәа арбоуп, лҳәоит адукат.

"Сара сеиԥш азиндырыҩцәа рацәаҩны ари иашам ҳәа ахырҳәаауеит: иалшом ауаҩы иус рмыӡбо, иҭырымҵаауа дырбаандаҩны иҟазаара. Ашьаус аӡбарҭахь ишынарышьҭыз аиԥш фымз рыҩныҵҟа ауаҩы дааныркылоит, ус еиҳа ирзыманшәалоуп, аха ус иашаӡам. Иахьазы азинхьчаҩцәа адокумент рнапаҿы иркуп – Ахра Аҩӡба иаанкылара аҿҳәара лаҵара 5 рҟынӡа амоуп ҳәа", - азгәалҭоит Инга Габилаиаԥҳа.

Лара илҳәеит аӡбаҩцәа реилатәара лаҵара 12 рзы имҩаԥысраны иҟоуп ҳәа.

Апрокуратура хадаҿы ирҳәеит аус аӡбарҭаҿы иҟоуп, убри азы ауп аӡбарҭагьы ақәҵара заднакыло ҳәа. Апрокуратура хадаҿы иҟаҵаз азҵаара: "Ахра Аҩӡба лаҵара 5, асааҭ 00:00 рзы доурышьҭуоу доурмышьҭуоу?" ахҳәаа арымҭеит.

Аԥсны Аҩныҵҟатәи аусқәа рминистр Ахра Аҩӡба иуацәеи-иҭынхацәеи рахь днеиит

Ахра Аҩӡба иуацәеи иҭынхацәеи, уаанӡа Аԥсны Ашәарҭадаратә маҵзура ахыбра аҿаԥхьа игылаз ииасит Аԥсны Аҩныҵҟатәи аусқәа рминистрра аганахь, убри аан азҵаара ҟарҵоит Ахра иаанкылара аҿҳәара иахылахьеит, иара дзоушьҭымзеи ҳәа.

Аԥсны Аҩныҵҟатәи аусқәа рминистр Дмитри Дбар Ахра Аҩӡба иуацәеи-иҭынхацәеи рахь днеиит. Иара иҳәеит аус ззынашьҭу Гәылрыԥшьтәи араионтә ӡбарҭа Ахра иаанкылара аҿҳәара ацҵаразы ақәҵара аднакылеит ҳәа.

Аминистр иара убасгьы иҳәеит азинхьчаратә усбарҭақәа аӡбарҭа аӡбамҭа шынарыгӡо, Ахра Аҩӡба доушьҭтәуп ҳәа аӡбамҭа рыдыркылар – ихы дшақәиҭтәхо.

Ахра Аҩӡба идгыларазы акциа мҩаԥысуан х-сааҭк 

Ахра Аҩӡба иуацәеи иҭынхацәеи аҳәамҭа ҟарҵоит Ахра иоушьҭра ишазыԥшу, Аҟәатәи ақалақьтә ӡбарҭа аӡбрала иара иаанкылара лаҵара 5 асааҭ 00:00 азы ишынҵәо.

Иара убасгьы аҭаҳцәа адҵа ҟарҵоит иҭаку дырбаразы, иацәажәара азин рырҭарц. Еизаз рҟынтәи аҳәса ирҳәеит аминистрра аҭаларҭа шааныркыло, акрымфарагьы ишалаго Ахра Аҩӡба иганахь ала еиҭакра ҟамлар.

Ахра Аҩӡба иԥшәмаԥҳәыс Иулиа Аҩӡыԥҳа лажәақәа рыла, Аҩӡаа рхаҭарнакцәа Аԥсны АШәМ ахантәаҩы Роберт Киут иԥыларци Ахра дырбарази амаҵзурахьы инеиит.

Ахра Аҩӡба даанкылан хәажәкыра 4 рзы. Азинхьчаратә усбарҭақәа русзуҩцәа хәажәкыра 4 рзы Ахра Аҩӡба дахьынхоз аҩнаҟны иаадырԥшит иҵәахыз абџьар, аџьаԥҳаны, ахархәага ҷыдақәа, арадиодырраҭара мҩаԥызго ашьақәгылақәа. Ашьаус хацыркын уаанӡа еиқәшаҳаҭханы абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥыргоз азы.

7

COVID-19 злаз даҽа пациенткак лыԥсҭазаара далҵит Гәдоуҭатәи ахәышәтәырҭаҿы

14
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15006-ҩык ыҟоуп, ргәы бзиахеит 14025-ҩык, рыԥсҭазаара иалҵит 226-ҩык.

АҞӘА, лаҵара 15 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 176-ҩык атестқәа рзыҟаҵан, урҭ рахьтә 22-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы лаҵара 14 рзы лыԥсҭазаара далҵит 1939 шықәса рзы ииз акоронавирус злаз апациентка.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 41-ҩык акоронавирус адиагноз рзышьақәыргылоуп, рҭагылазаашьа бааԥсуп 28-ҩык, ибжьаратәуп - 12-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 31-ҩык апациентцәа, рҭагылазаашьа бааԥсуп хәҩык. Очамчыра ирхәышәтәуеит 16-ҩык, Гагратәи ахәышәтәырҭаҿы - 17-ҩык, Тҟәарчалтәи ахәышәтәырҭаҿы - ԥшьҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Аҿкычымазара – акоронавирус Аԥсни адунеи аҿи: иалкаау

Едуард Быҭәба Гәдоуҭатәи ахәышәтәырҭа даҭааны аусушьа гәеиҭеит

8
(ирҿыцуп 19:59 15.05.2021)
Едуард Быҭәба Аԥсны агәабзиарахьчара аминистрс дҟаҵан аҩаша лаҵара 11 рзы Аԥсны Аҳәынҭқарра ахада иусԥҟа инақәыршәаны.

АҞӘА, лаҵара 15 – Sputnik. Аԥсны агәабзиарахьчара аминистр Едуард Быҭәба Гәдоуҭатәи араионтә хәышәтәырҭа хада даҭааит ахәаша лаҵара 14 рзы ҳәа аҳәоит Аԥсуа телехәаԥшра адырраҭара.

Иара игәеиҭеит ахәышәтәырҭа ашҭаҿы игылоу акоронавирус азы анализқәа ахьрыдыркыло аҭыԥ, адкыларҭа, апалатақәа. Ахәышәтәырҭа аусзуҩцәа аминистр изеиҭарҳәеит акоронавирустә инфекциа злоу апациентцәа, убарҭ рхыԥхьаӡараҿы COVID-19 адиагноз ззықәыргылоу зцәазтәым аҳәсагьы, рыхәышәтәра шеиҿкаау.

Быҭәба иара убас игәеиҭеит аҵәыҵәри анашьҭразы еиқәыршәоу астанциа, уантәи ауп аковид-госпиталь апалатақәа рахь аҵәыҵәри зланеиуа. Игәеиҭеит аҳауеиҭарсра асистема шыҟам, уи азҵаара шыӡбатәугьы азгәеиҭеит.

Иҷыдоу ахыхьчага маҭәа ишәҵаны аминистр "азона ҟаԥшь" ахь днеит, хаҭала апациентцәа рҭагылазаашьа ибарц, драцәажәарц азы. Иара дразҵаауан иаҭаху зегьы рымоу ирымаму, иаарласны ргәабзиара шьақәгыларц рзеиӷьеишьеит.

"Анцәа иҳәааит иаарласны шәгәы бзиахо, уи ауп зегь реиҳа ихадоу. Шәҭаацәа рахь ԥшӡала шәхынҳәааит. Ҳара, ҳколлегацәа, аҳақьымцәа, ҳашәзыӡырҩлоит, ишәҭаху аҿы ҳшәывагылоит", - иҳәеит аминистр.

Аԥсуа телехәаԥшра анҵамҭаҿы иара убас иарбоуп Едуард Быҭәба амедицинатә усзуҩцәа рџьабаазы иҭабуп ҳәа шреиҳәаз, агоспитальгьы лассы-лассы даҭаалоит ҳәа ажәа шриҭаз, аҳақьымцәеи ахәышәтәырҭа анапхгареи иареи аусутә еиԥыларақәа мҩаԥаагалоит ҳәа шиҳәаз.

Гәдоуҭатәи араионтә хәышәтәырҭа аҳақьым хада Ҳаџьараҭ Шамба лаҵара 14 рзы иҟаиҵаз адыррала, аковид-госпиталь аҿы ишьҭоуп акоронавирустә инфекциа злоу апациентцәа 38-ҩык, урҭ рахьтә 16-ҩык рҭагылазаашьа бааԥсуп. Иара убас ара ареабилитациа иахысуеит COVID-19 иаиааихьоу 11-ҩык апациентцәа.

Аԥсуа телехәаԥшра аматериал аҿы иара убас иазгәаҭоуп агәабзиарахьчара аминистр атәыла амедусҳәарҭақәа зегьы дырҭааны рҭагылазаашьа гәеиҭарц игәы ишҭоу.

Аԥсны Аҳәынҭқарра ахада иусԥҟа инақәыршәаны Едуард Быҭәба Аԥсны агәабзиарахьчара аминистрс дҟаҵан аҩаша лаҵара 11 рзы. Иара диԥсахит зхатәгәаԥахарала змаҵура аанзыжьыз Ҭамаз Ҵахнакьиа.

8
Атемақәа:
Аҿкычымазара – акоронавирус Аԥсни адунеи аҿи: иалкаау