Аҳазалхратә ҭыԥ "Адлер" аусзуҩ аҵарҭыша шигоз даанкылоуп

17
(ирҿыцуп 13:31 06.05.2021)
Аҳазалхырҭа аусзуҩ Евразиатәи аекономикатә еидгыла аҳәаа ашәҟәы иҭагаламыз атауар ахыжьразы 30 000 мааҭ иоуит.

АҞӘА, лаҵара 6 - Sputnik. Аҳазалхырҭатә ҭыԥ "Адлер" аусзуҩ аҵарҭыша шигоз даанкылоуп ҳәа аанацҳауеит Аладатәи аҳазалхырҭатә усбарҭа асаит.

Краснодартәи аҳазалхырҭа акоррупциа иаҿагыланы ақәԥараз аҟәша аусзуҩцәа аушьҭырҭатә ҭыԥ "Адлер" аҳазалхыҩ изакәанмыз иумҭа – 30 000 мааҭ аҵарҭыша агараан дааныркылеит.

Аҵарҭыша ииҭеит Урыстәыла атәылауаҩ, ҳазалхратә гәаҭарада Евразиатәи аекономикатә еидгыла аҳәаа ашәҟәы иҭагаламыз атауар ахә мшәакәа иахигаразы.

Имаҵзуратә напынҵақәа ахрархәарази аҵарҭыша агарази аинспектор иганахьала аусҭҵаара хацыркуп.

17

Аҟәа иҟалаз абылра ахәҭак ырцәоуп

5
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

5

Аҟәа амцакра ду ҟалеит

24
Аҟәа ақалақь Ешба имҩаҿы амцакра ду ҟалеит амҽыша рашәара 13 рзы аҽнышьыбжьон. Аҭыԥ аҟны аус руеит Аԥсны АҶА аусзуҩцәа.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит. Раԥхьа амца ркит хыхьтәи аихагылақәа, ахыбгьы амҽханакит.

Аҭыԥ аҟны амцарцәара иаҿуп Аԥсны АҶА амцарцәаратә гәыԥқәа.

Алҩақ жәпа ажәҩанахь акыр ихалеит, ахыбра зегьы амҽханакит. Хара имгакәа амца ҵаҟатәи аихагылақәа рахьгьы ииасит, адәахьы икылсуа иалагеит.

Аԥша ахьасуаз иахҟьаны ааигәа игыла аԥсаҵлагьы амца акит, аха амцарцәаҩцәа уи ирласны арцәара рылшеит.

Ахыбра амцакра зыхҟьаз макьана еилкаам, ауааԥсыра рахьтә ааха зауз ҳәа аӡәгьы иӡбахә ҳәам.

24