Гал араион аҿы ашьақарчымазара ашкол аадыртит

18
(ирҿыцуп 10:04 07.05.2021)
Ашьақарчымазара акьыбачымазара инаваргыланы адунеи аҿы еиҳа ишәарҭоу ачымазарақәа ԥшьба ирыҵаркуеит.

АҞӘА, лаҵара 7 – Sputnik, Бадраҟ Аҩӡба. Гал араион ахәышәтәырҭаҿы ашьақарчымазара ашкол аадыртит лаҵара 6 рзы ҳәа радио Sputnik иазеиҭалҳәеит ауаажәларратә еиҿкаара "Аԥсны ашьақарчымазаратә еилазаара" аусзуҩ, апроект "Ашьақарчымазара зыӡбам" акоординатор Асида Адлеиԥҳа.

"Ари Аԥсны хыԥхьаӡарала ахԥатәи ашкол ауп. Аԥхьатәиқәа ҩба аартын 2018 шықәсазы. Гал араион аҿы ирацәаҩуп ашьақарчымазара змоу, ауаа рзы иманшәалоуп ашкол аартра", - ҳәа лҳәеит лара.

Апроект мҩаԥысуеит ауаажәларратә еиҿкаара апрограмма аҳәаақәа ирҭагӡаны. Ари ООН аҿиара Апрограммеи Европатәи аидгылеи адгылара арҭоит, дара роуп афинанстә цхыраара ҟазҵазгьы ҳәа лҳәоит Адлеиаԥҳа.

"Ашьақарчымазара ашкол аартым макьана Гәдоуҭа, Тҟәарчал, Очамчыра. Ҳаԥхьаҟа аусутә рацәа шьҭоуп аиҳаракгьы уи апациентцәа аӡәырҩык рзы иахьхымԥадатәиу азы. Ҳәарада ҳусура Агәабзиарахьчара аминистрра ахылаԥшуеит. Уажәы ашкол анааҳартуаз ахәышәтәырҭа аусурҭатә ҭыԥ ҳнаҭеит", - ҳәа еиҭалҳәоит лара.

  • Гал араион аҿы ашьақарчымазара ашкол аадыртит
    © Foto / Алиса Шамба
  • Гал араион аҿы ашьақарчымазара ашкол аадыртит
    © Foto / Алиса Шамба
  • Открытие школы диабета в Гале
    © Foto / Алиса Шамба
1 / 3
© Foto / Алиса Шамба
Гал араион аҿы ашьақарчымазара ашкол аадыртит

Ашьақарчымазара ашколқәа хымԥада ахәышәтәырҭақәа рҿы иҟазароуп ҳәа азгәалҭоит Асида Адлеиԥҳа.

"Ашкол ахәышәтәырҭаҿы иҟазароуп, ачымазара змоу апациент уи аҿагыларазы адыррақәа ирҭарц. Ахәышәтәырҭа илырҩаауа ауаҩы иҩныҟа дцоит ихымԥадатәиу адыррақәа иманы" ҳәа лҳәоит лара.

Ашкол иахықәку ауаҩы ари ачымазара шимоугьы ԥхьаҟагьы анхара иаршьцылароуп.

"Изалшаӡом аҳақьым чмазаҩык мацара дидҳәаланы. Ашьақарчымазара ацәшәара амоуп 24/7 . иҟалоит аҳақьым иԥшаара аамҭа ақәырӡра аншәарҭоу. Убри азы ауаҩы ихала ихы дахәо дыҟазароуп" лҳәоит Адлеиԥҳа.

Арҵаратә уснагӡатәқәа мҩаԥылгалоит Галтәи ахәышәтәырҭа аҳақьым-аендокринолог.

"Ҳәарада лара араион аҿы ашәҟәы иҭагало апациентцәа рсиа лымоуп. Дара гәыԥ-гәыԥла еихшаны азыҟаҵарақәа рахь иналыԥхьалоит. Бжьаратәлатәи адыррақәа рыла Аԥсны иахьаҵанакуа ашьақарчымазара змоу рхыԥхьаӡара 2500-ҩык иреиҳауп. Аха убри аан ашәҟәы иҭагаламгьы ыҟоуп" ҳәа лҳәоит лара.

Гал араион аҿы ашьақарчымазара ашкол еиԥҟьарада аус аулоит.

"Ихадароу ашкол аҵаҩцәа рыԥсҭазаара еиқәзырхо адыррақәа роулоит, дасу рԥышәақәа еимырдалоит" ҳәа лҳәоит Асида Адлеиԥҳа.

Ашьақарчымазара акьыбачымазара инаваргыланы еиҳа ишәарҭоу ачымазарақәа ԥшьба ирыҵаркуеит.

Иара шьҭрала ишьҭукаар ҟалоит. Аендекренологцәа ирҳәоит ачымазара азыԥхьагәаҭаразы шықәсык ахь знык иадамзаргьы ухы гәоуҭалароуп ҳәа.

Иара убас шәаԥхьар ҟалоит:

18

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4