Аԥснытәи амедицинатә усзуҩцәа алаҵаҟаҵаразы атренинг иахысуеит

11
(ирҿыцуп 15:53 07.05.2021)
Урыстәылатәи алаҵа "Спутник-V" 6500 доза Аԥсныҟа иааргеит мшаԥы 30 рзы. Алаҵаҟаҵаратә кампаниа иалагоит аныҳәамшқәа рышьҭахь.

АҞӘА, лаҵара 7 - Sputnik. Аԥсны амедицинатә усҳәарҭақәа русзуҩцәа апрофилактикатә лаҵа аҟаҵашьазы атренингқәа ирыхрыжьуеит. Атренингқәа мҩаԥнагоит ареспублика СЕС. Абри атәы аанацҳауеит Агәабзиарахьчара аминистрра.

Асанитартә ҳақьым хада Лиудмила Скорик амедусзуҩцәа рахь ааԥхьара ҟалҵеит аус ҭакԥхықәрала иазнеирц.

Урыстәылатәи алаҵа "Спутник-V" 6500 доза Аԥсныҟа иааргеит мшаԥы 30 рзы. Алаҵаҟаҵаратә компаниа иалагоит аныҳәамшқәа рышьҭахь. Ари алаҵа ҩынтә иҟаҵатәуп, 21 мшы бжьаҵаны.

Алаҵа ҟарҵоит изҭаху. Асиақәа аздырхиоит араионтә хәышәтәырҭақәа рполиклиникақәа рҿы. Ареспублика араионқәа зегьы рҿы иаартхоит алаҵаҟаҵарҭа ҭыԥқәа. Лиудмила Скорик лажәақәа рыла алаҵа ҟазҵо Аԥсны дшатәылауаҩу азы апаспорт имазароуп. Анаҩс апациент анкета хаирҭәаауеит, аҳақьым дгәеиҭоит.

"Алаҵа ажәҩаҿ иҟарҵоит, уа иалымшозар – ауаҭәаҿы. Алаҵа ашьҭахь апациент 30 минуҭ аҳақьым дихылаԥшуеит. Алаҵа актәи адоза ҟазҵаз хымԥада аҩбатәи адозагьы иоуроуп" ҳәа лҳәоит Скорик.

Лара иазгәалҭеит алаҵа ҟазҵо ишырзеиҭаҳәатәу ачымазара аасҭа алаҵа злеиӷьу. Убри аан аӡәгьы идырцалом.

Атренинг аҿы иалацәажәан алаҵа араионқәа рахь анагара азҵаара. Иара -18 градус еиҵамкәа иахьыҟоу аҭыԥ амазароуп. "Спутник – V" знык иҵаауркызар, хымԥада ахархәара аҭатәуп. Аҩынтәтәи аҵааркра алшом.

Лиудмила Скорик амедусзуҩцәа ирзеиҭалҳәеит алаҵа аҟаҵара аныҟамло аҭагылазаашьақәа: аллергиа, ацәатәымра, ахәыҷы акриҿаҵараан, аинфекциатә чымазарақәа раан.

Асанитар ҳақьым хада агәҽанҵара ҟалҵеит алаҵа ашьҭахь аамҭақәак ашоура халар, агәыр аҭыԥ ҟаԥшьхар шалшо. Аха уи аҩбатәи адоза аҟаҵара ԥырхаганы иамам.

11
Атемақәа:
Аҿкычымазара – акоронавирус Аԥсни адунеи аҿи: иалкаау (1278)

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау (1278)

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

4
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

4