Аусутә форум "VISIT APSNY" Гагра имҩаԥысраны иҟоуп

10
(ирҿыцуп 16:16 07.05.2021)
Аусутә форум "VISIT APSNY" аҟны иалацәажәараны иҟоуп ақыҭанхамҩа, атуризм, асасдкылара атуристтә усхк аҿиара афакторк аҳасаб ала реинырра.

АҞӘА, лаҵара 7 – Sputnik, Бадраҟ Аҩӡба. Аԥснытәии урыстәылатәии аекспертцәа злахәу аусутә форум "VISIT APSNY" мҩаԥгахоит Гагра лаҵара 11 рзы ҳәа Sputnik иазеиҭалҳәеит аиҿкааҩ, "Атуризм аԥснытәи аидгыла" ахада Анна Калиагина.

Лара илҳәеит COVID-19 алаҵәара иахҟьаны афорум "VISIT APSNY" сынтәа цәыргақәҵада еиҿкаахоит.

"Афорум аҟны ҳалацәажәоит атуризм азҵаара ақыҭанхамҩеи афермертә нхамҩеи рыҿиара алзыршо акакәны", - ҳәа лҳәоит Анна Калиагина.

Лара илҳәеит афорум аҿы ишалацәажәо атуристтә сезон аан аԥснытәи ақыҭанхамҩаарыхцәа ацхыраара шрыҭатәу азҵаарагьы.

Афорум аҩбатәи ахәҭаҿы алахәылацәа "Асасдкылара Аԥсны атуристтә дыԥхьалара афакторк аҳасаб ала" атема шьҭырхуеит.

""Асасдкылара академиа" ӡыраагараны ҳаҟоуп, атуристтә сезон аан амастер-классқәа мҩаԥаагалоит. Аусутә программа зегьы мышкала иахысуеит. Амза 10 рзы иаауеит аҭыԥантәи аекспертцәеи асасцәеи. Иаҳҭахуп аҭыԥантәиқәа – Атуризм аминистрра, Ақыҭанхамҩа аминистрра, Аҳәынҭуниверситет уҳәа еиҳа ирацәаҩны иҳадҳаԥхьаларц", - лҳәоит лара.

Ақыҭанхамҩаарыхыҩцәа Рассоциациа ахантәаҩы Денис Соломко афорум аиҿкааҩцәа дреиуоуп. Иара имаҷым аԥышәа имоуп атуристтә усхк аҟны.

"Акраамҭа ҵуеит иаҭахны иҟоижьҭеи ақыҭанхамҩа, афермертә нхамҩа, атуризм рхырхарҭақәа русеицура аиҿкаара. Ас шакәу аиҳарак избо салагеит атуризми ақыҭанхамҩеи нап анрыласк. Избеит арҭ ахырхарҭақәа дара-дара шхеибарҭәаауа", - ҳәа иҳәеит Соломко.

Аԥсуа наплакыҩцәа ирус хаданы иҟоуп аҩнуҵҟатә џьармыкьа ахарҭәаара ҳәа иҳәеит Денис Соломко.

"Ҳара уажәы аиҳарак ҳхы иаҳархәо аимпорттә аалыҵ ауп. Уи аҭыԥантәи ала иԥсахтәуп, нас аимпортгьы уазхәыцыр алшоит. Аха аимпорт аганахьала атурист Аԥсны иҭрыжьыз аалыҵ анааихәо, уи импорту аҩнуҵҟатә џьармыкьа аԥҵаракәу? Убри аан Урыстәыла афатә анааҳхәо атуристцәа иаҳзаарго аԥара ақәҳхарџьуеит. Урҭ аԥарақәа ара иаанхар ауан", - ҳәа иҳәеит иара.

Аусутә форум "VISIT APSNY" иаус хадоу ақыҭанхамҩа, атуризм, асасдкылара атуристә усхк аҿиара афакторк аҳасаб ала реинырра аиҿкаароуп, атуризм аҭахрақәа реилкаароуп.

Ақыҭанхамҩа арҿиаразы Аԥсны мрагыларатәи ахәҭа адԥхьалатәуп. Уа аԥеиԥшқәа дууп ҳәа иҳәеит Денис Соломко.

Иара убас шәаԥхьар ҟалоит:

10

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4