Аԥсны иҟоу Урыстәыла Ацҳаражәҳәарҭаҿы Аибашьра Ду аветеранцәа рыдыркылеит

10
(ирҿыцуп 19:04 07.05.2021)
Иахьазы Аԥсны инхоит 1941-1945 шықәсқәа рызтәи Аџьынџьтәылатә еибашьра Ду аветеранцәа 28-ҩык.

АҞӘА, лаҵара 7 – Sputnik, Бадраҟ Аҩӡба. Аԥсны иҟоу Урыстәыла Ацҳаражәҳәарҭаҿы 1941-1945 шықәсқәа рызтәи Аџьынџьтәылатә еибашьра Ду аветеранцәа рыдыркылеит Аиааира Ду амшныҳәа аламҭалаз.

Ацҳаражәҳәарҭахь инеит аветеранцәа: Нонна Дорофеева, Екатерина Синиавскаиа, Ардаваст Сельвиан, Елена Вадзинскаиа. Ацҳаражәҳәаҩ Алексеи Двинианин урҭ Урыстәыла ахада Владимир Путин ихьӡала хаҭалатәи адныҳәаларақәа рзыҟаиҵеит. Аҭакс аветеранцәа ҭабуп рҳәеит.

"Азин сышәҭ, ҳаҭыр зқәу 1941-1945 шықәсқәа рызтәи Аџьынџьтәылатә еибашьра Ду аветеранцәа, бзиала шәаабеит ҳәа шәасҳәарц. Иҭабуп Ацҳаражәҳәарҭахь ааира ахьшәылшаз. Адунеи иахыҵәаз акоронавирустә инфекциа иаҳнамҭеит ауснагӡатә еиҳа инарҭбааны амҩаԥгара", - ҳәа иҳәеит Аԥсны иҟоу Урыстәыла Ацҳаражәҳәаҩ Алексеи Двинианин.

  • Аԥсны иҟоу Урыстәыла Ацҳаражәҳәарҭаҿы Аибашьра Ду аветеранцәа рыдыркылеит
    © Sputnik / Томас Тхайцук
  • Аԥсны иҟоу Урыстәыла Ацҳаражәҳәарҭаҿы Аибашьра Ду аветеранцәа рыдыркылеит
    © Sputnik / Томас Тхайцук
  • Аԥсны иҟоу Урыстәыла Ацҳаражәҳәарҭаҿы Аибашьра Ду аветеранцәа рыдыркылеит
    © Sputnik / Томас Тхайцук
  • Аԥсны иҟоу Урыстәыла Ацҳаражәҳәарҭаҿы Аибашьра Ду аветеранцәа рыдыркылеит
    © Sputnik / Томас Тхайцук
1 / 4
© Sputnik / Томас Тхайцук
Аԥсны иҟоу Урыстәыла Ацҳаражәҳәарҭаҿы Аибашьра Ду аветеранцәа рыдыркылеит

Иара иазгәеиҭеит аиԥылара аҵак ду шамоу ԥхьаҟатәи абиԥарақәа реиҵааӡаразы.

"Ҭабуп ҳәа шәасҳәарц сҭахуп аиааиразы. Шәара шәыбзоуралоуп иахьа адунеи аҟны аҭынчра ахьыҟоу", - ҳәа иҳәеит адипломат.

Алексеи Двинианин иҳәеит лаҵаратәи амшқәа раан Аиааира амш шазгәарҭо, ишыргәаладыршәо ажәлар афырхаҵара, ишыргәаладыршәо аҭынчра зхы ақәызҵаз, амацәаз иҭакыз Ленинград ақалақь аҿы амла иагаз, атыл аҟны игылаз зегьы.

"Иара убри аамҭазы хацәынмырха акоронавирустә инфекциа ҳаҿагылоуп. Иҟоуп аиааирақәа абри аганахьалагьы. Аԥсны иқәынхо ауааԥсыра ацхыраара рыҭаразы алаҵа "Спутник-V" ареспубликахь иаагоуп. Ҳгәыӷуеит хара имгакәа аҩбатәи апартиагьы аап ҳәа", - ҳәа азгәеиҭоит ацҳаражәҳәаҩ.

Адипломат иҳәоит аамҭақәа акыр шцахьоугьы, аибашьра ду ауаа ргәалашәараҿ ишыҟоу.

"Ибзианы иаадыруеит аиааира иақәырӡу ахәԥса", - ҳәа иҳәоит Двинианин.

Аԥсны аибашьцәеи аџьеи рветеранцәа рреспубликатә хеилак аиҳабы Закан Нанба иажәақәа рыла, иахьазы Аԥсны инхоит 1941-1945 шықәсқәа рызтәи Аџьынџьтәылатә еибашьра Ду аветеранцәа 28-ҩык.

Аибашьра ду аан ҳџьынџьуаа зықьҩыла амцашыра иалагылан. Еибашьра ицаз 55,5 нызқьҩык Аԥсны аԥацәеи аԥҳацәеи рҟынтәи 17 нызқьҩык инареиҳаны рышьҭахьҟа изыхнымҳәит. 22-ҩык Асовет Еидгыла Афырхаҵа ҳәа ахьӡ ду иаԥсахеит. Хҩык Аԥсны ауааԥсыра Ахьӡ-аԥша аорден акавалер нагӡацәа ҳәа ахьӡ иаԥсоуп.

Иара убас шәаԥхьар ҟалоит:

10

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау

Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

4
(ирҿыцуп 16:15 12.06.2021)
Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуеи, ажурналист, агазеҭ "Чегемскаиа правда" аредактор хада Инал Ҳашыги иалацәажәеит атәыла ахада инашьҭымҭа аҵакы, уи абжьажьра азакәан ахьынӡеиланаго.
Хра злоу ахҭысқәа: Ҳашыги Ҷолокәуеи атәыла ахада инашьҭымҭа иазкны

Атәыла ахада апарламент ахь инашьҭымҭа - хықәкыс иамоузеи ари апроцедура? Иара абжьажьра азакәан абанӡеиланаго? Аԥсны ахада апарламент ахь инашьҭымҭа ари ашықәс азы иарбоума, уи аҟны иалкаахо ахырхарҭа хадақәа, анашьҭымҭа аҵакы, адунеитә ԥышәа уҳәа азҵаарақәа ирылацәажәеит арадио Sputnik аефир аҟны Аԥсны ахада иҿы иҟоу аинформациатә хархәагақәа рымадаразы аусбарҭа аиҳабы Алхас Ҷолокәуа, ажурналист, агазеҭ "Чегемскаиа правда" аредактор хада Инал Ҳашыг.

"…Аԥсны аҳәынҭқарра ахада анапхгарахь даннеи, ԥшьымзгьы ахылахьан ашықәс, ачымазара ҿыц анцәырҵыз акәын. Ҳазхиаӡамызт аҭагылазаашьа, иҟалараны иҟазгьы аҳәара уадаҩын, амч-алша, ахшыҩ зегьы уи аус иазкын. Насгьы ԥҟаралагьы Аԥсны ауаа рацәа алархәны аиԥыларақәа, аизарақәа рымҩаԥгара аанкылан… уи ауп изызку анашьҭымҭа аҟамзаара, аха уи инаваргыланы исҳәар сҭахуп аҳәынҭқарра ахада изныкымкәа апарламент аҟны аиԥыларақәа шимаз, уаҟа Аԥсны аҩнуҵҟатәи адәныҟатәи аполитика далацәажәеит. Аԥсны аҭагылазаашьазы аҳәынҭқарра ахада ипланқәа ауаа рахь ицәыргамызт ҳәа аҳәарагьы иашам… Акызаҵәык, исҳәар исҭаху, анашьҭымҭа ҟалоит, амала ианыҟало абри амш ауп ҳәа макьана аҳәара сазхиам", - ҳәа азгәеиҭеит Ҷолокәуа.

Арҭ ашықәсқәа рзы аҳәынҭқарра ахада апарламент ахь инашьҭымҭа ритуалтә традициак аҳасабала ҳахәаԥшуан, инарҵауланы адокумент ҭҵааны, иҟаҳҵо шыҟаҳҵо атәы уиаҟара ҳазхәыцуамызт ҳәа агәаанагара ааирԥшит ажурналист Инал Ҳашыг.

Инеиҵыху аицәажәара шәазыӡырҩы аудиофаил аҟны.

4