Аԥкрақәа рышьҭахь: Аиааира Ду амш иазку аҽырхәмаррақәа мҩаԥысуеит Дәрыԥшь

32
(ирҿыцуп 14:19 10.05.2021)
Дәрыԥшь имҩаԥысуа аҽыспорттә еиндаҭларақәа ирылахәуп Гәдоуҭа араион ақыҭақәа рҟынтәи акомандақәа фба. Мчыбжьык аԥхьа аиԥш зеиԥшу аицлабрақәа мҩаԥган Кәтол ақыҭан.

ГӘДОУҬА, лаҵара 8— Sputnik, Бадри Есиава. Аџьынџьтәылатә еибашьар ду аҟны аиааира агара амш 76-шықәса ахыҵра иазкны Дәрыԥшь ақыҭан аҽырыҩрақәеи, аҽырхәмаррақәеи мҩаԥысуеит, абри атәы аҭыԥантәи иааицҳауеит Sputnik акорреспондент.

Ҩымш имҩаԥысуа аспорттә еицлабрақәа араионаҿы раԥхьатәиуп аԥкрақәа рышьҭахь. Ирылахәуп Дәрыԥшь, Аацы, Ҟәланырхәа, Лыхны, Жәандәрыԥшь, Џьырхәа ақыҭақәа рҟынтәи ф-командак, иҳәеит  Гәдоуҭа араион Аҿари аспорти рызҵаарақәа рзы аилак ахантәаҩы Џьарназ Бениа.

Аҽырыҩрақәеи, аҽырхәмаррақәеи рлахәылацәа еиндаҭлоит ахраҿақәеи аҳаҭыртә шәҟәқәеи рзы, имҩаԥыргоит аиԥхныҩлара, аҽылампыл, аҵәеигәыдҵа. Иазыԥхьагәаҭоуп 1200, 2000 метра аиԥхныҩлара, иқәдыргылоит аҭыԥантәи аҽыжәлахкқәа реиԥш аҽыжәлацқьақәагьы. Аиԥхныҩлара иалахәхоит Гәдоуҭеи Очамчыри рҟынтәи 34-ҩык аҽыҩҷкәынцәа.

© Sputnik / Бадри Есиава
Аиааира Ду амш иазку аҽырхәмаррақәа мҩаԥысуеит Дәрыԥшь

"1200 метра аиԥхныҩларазы- Ақалақь-фырхаҵа Гәдоуҭа ахьӡала аԥхьахә ауп, 1400 метра СССР аспорт азҟаза Валикәа Ҭаниа, 1800 метра- аҽыспорт азҟаза Денис Ԥилиа игәалашәаразы, 2000 метра- СССР Афырхаҵа Владимир Ҳаразиеи, Ахьӡ-аԥша ахԥатәи аҩаӡара занашьоу Валери Барцыци Заур Ҭырқьбеи ргәалашәара аҳаҭыразы", - иҳәеит Бениа.

Ельмира Ԥачалиа раԥхьаӡакәны аҽырыҩрахь дааит Пицундантәи, лаб дицны, иара дхәыҷаахыс аҽыспорт бзиа ибоит. Ашколхәыҷы илҳәоит аҽырыҩра аинтерес зҵоу, аха иуадаҩу акакәны дшахәаԥшуа.

Ариханда Џьниаԥҳа лабхәнда Саид Смыр Ҟәланырхәа акоманда даланы аҽырыҩра далахәуп. Илҳәеит аҽырыҩра иацу агәыхыҭхыҭра бзиа ишылбо.

Ростов на-Дону аҟынтәи Дәрыԥшь иаҭааз асасцәа Наталии Сергеии зегь реиҳа иргәаԥхеит аҵәеигәыдҵаразы аицлабра. Ишәарҭоу, аха реиҳа убла хызкуа акоуп рҳәоит дара.

Ақыҭақәа Лыхны, Џьырхәа, Аҷандара, Аацы, Ҟәланырхәа, Жәандрыԥшь, Дәрыԥшь ркомандақәа злахәу есышықәсатәи Аџьынџьтәылатә еибашьра Ду аан игаз Аиааира амш иазку аҽырхәмаррақәа мҩаԥысуеит Дәрыԥшь, лаҵара 8-9 рзы.

32

Аҟәа абылра ахьыҟалаз уаанӡатәи акондитертә фабрикаҿы амца аанкылоуп

8
(ирҿыцуп 14:37 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон, амца акит зықь ԥшьыркца метра инареиҳаны аҵакыра.

АҞӘА, рашәара 13 – Sputnik, Бадри Есиава. Аҟәа абылра ахьыҟалаз уаанӡатәи акондитертә фабрикаҿы амца ырцәоуп ҳәа аҭыԥ аҟынтәи адырра ҟаиҵоит Sputnik акорреспондент.

Аҭагылазаашьа ҷыдақәа рзы аминистр Лев Кәыҵниа иажәақәа рыла, амца уаҳа иацлаӡом, амцарцәаҩцәа ахыбра иҩналаны аихагылақәа зегьы ргәаҭара иалагеит.

Аҵыхәтәантәи адыррақәа рыла, амцарцәара иаҿын Аҟәа ақалақьи Аҟәеи Гәылрыԥшьи араионқәеи иртәу амцарцәаратә гәыԥқәа ааба. Иара убас ацхыраара ҟарҵеит урыстәылатәи аруаа.

© Sputnik / Томас Тхайцук

Аҭыԥ аҟны аус руеит амилициа аусзуҩцәа, Аԥсны АҶА амедицинатә усбарҭеи аԥшаара-еиқәырхаратә гәыԥи русзуҩцәа.

Амцарцәаразы иадԥхьалан Аҟәа ақалақь ахадара иатәу аӡымҩангага машьынагьы.

Амцакра азеиԥш ҵакыра зықь ԥшьыркца метра инареиҳауп.

Заанаҵатәи адыррақәа рыла, амца акит ахыбра аҭуан, уи мзызс иаиуз аҭҵаара иаҿуп. Ауааԥсыра рахьтә аӡәгьы ааха имоуӡеит.

8

Аҟәа иҟалаз абылра ахәҭак ырцәоуп

8
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

8