Роман Чирикбаиа игәалашәаразы имҩаԥысуаз абокс азы атурнир хыркәшоуп

4
(ирҿыцуп 09:40 09.05.2021)
Аԥсны зҽаԥсазтәыз азыҟаҵаҩ, СССР аспорт азҟаза, Леон иорден занашьоу Роман Чирикбаиа игәалашәаразы Гәдоуҭатәи аспортшкол аҟны имҩаԥган абокс азы VI Жәларбжьаратәи атурнир.

АҞӘА, мшаԥы 9 – Sputnik. Аԥсны зҽаԥсазтәыз азыҟаҵаҩ, СССР аспорт азҟаза, Леон иорден занашьоу Роман Чирикбаиа игәалашәаразы имҩаԥысуаз атурнир хыркәшан лаҵара 8 рзы, абри атәы иҳәеит  Гәдоуҭатәи аспортшкол аиҳабы Беслан Гәыблиа.

Гәыблиа иажәақәа рыла, аицлабра иалахәын 130-ҩык аспортсменцәа, реиҳараҩык Урыстәылантәи, Дагестан, Ингуштәыла, Иакутиа, Москва, Краснодар, Адлер, Шәача рҟынтәи асасцәа. Акоронавирус аламырҵәаразы иазгәаҭаз аԥкрақәа инарықәыршәаны атурнир ахәаԥшцәа рыда имҩаԥган. 

"Абоксиорцәа аҽеилаҳәарҭақәа рҟны акәын еиҳарак абаҩрҵәыра ахьыҟарҵоз. Ауаа рацәа ыҟамызт, аҳақьымцәа ҷаԥшьон. Атурнир бзиаӡаны имҩаԥысит", - иҳәеит Гәыблиа.

Атурнир еиҿыркааит Аԥсны Аҿари аспорти рзы аҳәынҭқарратә еилакы, афинанстә цхыраара ҟарҵеит абокс азы Афедерациа ахада Даҭо Аршба, Жәлар реизара адепутат Алхас Ҳагба, Гәдоуҭа араионтә еизара адепутат Денис Ажьиба.

Атурнир иалахәын 7-16 шықәса зхыҵуаз аспорсменцәа. Аԥхьахәқәа згаз иранашьан аҳаҭыртә шәҟәқәеи, ахраҿақәеи. Аԥсны Аҿари аспорти рзы аҳәынҭқарратә еилакы Facebook адаҟьаҿы иазгәаҭоуп, атурнир дшаиааиз 11 шықәса зхыҵуа Константин Ахба, иазыҟаҵаҩ Аслан Ахба. Акомитет аиҳабы Џьамал Гәыбаз аспортсменцәа аихьӡара шьахәқәа рзеиӷьеишьеит.

Роман Чирикбаиа дшьын 2013 шықәсазы 54 шықәса дшырҭагылаз, Лыхны ақыҭан иҩны азааигәара. Аԥсны Аџьынџьтәылатәи еибашьра даветерануп, Леон иорден ианашьоуп. 2005 шықәсанӡа Гагра араион Цандрыԥшь ақыҭа еиҳабыс дыҟан, Гагратәи араионтә еизара депутатс дыҟан.

4

Аҟәа иҟалаз абылра ахәҭак ырцәоуп

4
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

4

Аҟәа амцакра ду ҟалеит

22
Аҟәа ақалақь Ешба имҩаҿы амцакра ду ҟалеит амҽыша рашәара 13 рзы аҽнышьыбжьон. Аҭыԥ аҟны аус руеит Аԥсны АҶА аусзуҩцәа.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит. Раԥхьа амца ркит хыхьтәи аихагылақәа, ахыбгьы амҽханакит.

Аҭыԥ аҟны амцарцәара иаҿуп Аԥсны АҶА амцарцәаратә гәыԥқәа.

Алҩақ жәпа ажәҩанахь акыр ихалеит, ахыбра зегьы амҽханакит. Хара имгакәа амца ҵаҟатәи аихагылақәа рахьгьы ииасит, адәахьы икылсуа иалагеит.

Аԥша ахьасуаз иахҟьаны ааигәа игыла аԥсаҵлагьы амца акит, аха амцарцәаҩцәа уи ирласны арцәара рылшеит.

Ахыбра амцакра зыхҟьаз макьана еилкаам, ауааԥсыра рахьтә ааха зауз ҳәа аӡәгьы иӡбахә ҳәам.

22